२ कोरिन्‍थी 10:5 - जिरेल

⁵ दोक खाला परमेश्‍वर सु ईन्‍दे, चुक्‍ते ईन्‍दे सिन मिओनला छ्या स्‍ये ज्‍युता फाप्‍च्‍येते बातताङ मिडिक्‍च्‍येते बात खित्‍कानताङ जे बादोङ छ्या स्‍येक्‍यो सिराच्‍योक खिन छ्ये खित्‍कान्‍ते मिओन बात मेन्‍दे बात ईन सिन ङ्योकोन थेबे विरोध खिओ। खालि मि विचारकामा ईन्‍दाते परमेश्‍वर सु ईन्‍दे, चुक्‍ते ईन्‍दे सिन होथोक्‍ते मिओनगी सिरच्‍येते थोक्‍ते बात गाङे ठीक मेन सिन तेन्‍ला बिन्‍ला होथोक्‍ते बात खित्‍कानला ख्रीष्‍टकी खि साबाते बात ङेन सिन सिओ।

२ कोरिन्‍थी 10:5 Iomraidhean Croise

मत्ती 15:19

च्‍यिला सासीन मि सेम मेलेबा ओतेकीराङ मिकी मेलेबा मेलेबा विचार खित्‍च्‍येते, मि सेत्‍च्‍येते, मि ख्‍यावा फेम्‍मेताङ ङ्याल्‍च्‍येते, रन्‍डीबाजी खित्‍च्‍येते, कुच्‍येते, मेन्‍दे बातला ज्‍येनला दोष लै खित्‍च्‍येते थेमे ज्‍येनला मोत्‍च्‍येते ईन।

लूका 1:51

ङा ङाराङ ईन सिराच्‍योक खित्‍कान्‍तेबाला थेकी थे खोरोङ छ्येज्‍यीक शक्तिकी थेबा खोपरोङ खोपरोङ नाङराङ डिक माच्‍युत्‍कीन थेबेकी खिता चालाते काम खित माच्‍युत्‍सुङ।

रोमी 1:21

थे सु ईन्‍दे, चुक्‍ते ईन्‍दे सिन छ्या स्‍येकीन स्‍येकीनोङ मिओनगी थेला खोराङ परमेश्‍वर ईन सिन मान माक्‍यासुङ। थेकी चुक लेमु खासुङा सिन धन्‍यवादोङ माबिन्‍सुङ। दोक खाईन थेबेकी थेला छ्याःङ वास्‍ता माक्‍याबेकी थेबा लेम्‍बा गाल्‍गीन थेबे सेमगी नाङ पापताङ लोभकामा ठुङाला स्‍यूसुङ।

रोमी 1:5

जात जातकी मि गाङेकी थे खोरोङला विश्‍वास खाला थे खोरोङगी साबाते ङेन्‍स्‍यीत थेमे थे खोरोङ चुक छ्ये ईन्‍दे सिन छ्या स्‍येस्‍यीत सिन थेबाला गा लाङच्‍येते बात लोपाला परमेश्‍वरगीराङ दया खाईन ङ्योकोनला खटे खाबाते ईन।

रोमी 16:26

थाचेन परमेश्‍वरगी मिओनला छ्या स्‍ये च्‍युत्‍कीन बिन्‍दा ओत। दि गा लाङच्‍येते बातकी विषयलाचेन परमेश्‍वर बात खित्‍कान्‍तेबेकीङ गोमाका टिबा ओतान। सधैँ देत्‍कान्‍ते परमेश्‍वरगी दोकराङ ओङस्‍यीत साकीन जात जातकी मिकी थे खोरोङला विश्‍वास खाला थेकी साबाते ङेन्‍स्‍यीत सिन गाङेपा गा लाङच्‍येते बात लाप्‍कीन बिन्‍दा ओत।

रोमी 7:23

ईन्‍सीनोङ ङाराङ बोली, कामताङ बानी ताजीनचेन ङाराङगी लेमु खिता चालाते बातताङ बान्‍दा मिडिक्‍तुक। ङाराङ पापकी योक्‍पो च्‍योकराङ गाल्‍गीन सिन्‍दा ओतेकी बात खित्‍जीन ईन्‍स्‍यीत, काम खित्‍जीन ईन्‍स्‍यीत ङे ङाराङगी खिता सेम माक्‍याबाते कामराङ खिता फाप्‍कीदुक।

१ कोरिन्‍थी 1:19

परमेश्‍वरगी साबाते बात परमेश्‍वर बातला दोक सिन टिला दुक। चुक सासीन “आउदी बुद्धि ओताते मिओनला ङा लेम्‍बा जोइओ। थेमे काल्‍बेई पढे खाबाते मिओन बुद्धि छ्याःङ काम लै मिक्‍किच्‍या जोइओ,” सिन साला दुक।

१ कोरिन्‍थी 3:19

दि सा लुङबे मित्ताङ जतिराङ बुद्धि ओत्‍सीनोङ परमेश्‍वर दोन्‍दु थे छ्याःङ काम लै मिक्‍किओ। परमेश्‍वर लाईदु दिनी लेम्‍बे बात च्‍योक ईन। परमेश्‍वर बातला “आउदी बुद्धि ओताते मिओनगी जतिराङ बुद्धि खिये खाईन जे खासीनोङ परमेश्‍वरगी दाक थेबे गल्‍ती थेप्‍क्‍यो,” सिन साला दुक।

२ कोरिन्‍थी 11:20

च्‍यि सासीन खेराङला योक्‍पो योङमु जोबाते ख्‍योकोनला लेमु लाङच्‍याक्‍वा। खेराङते ओताते जति नाङ खाईन खाम्‍बा तोङबा जोसीनोङ, ईनराङ मेन्‍दे बात लाप्‍ला छक्‍के खासीनोङ थेमे खेराङला काम्‍बे पुज्‍या छेदोङ गने माक्‍याबाते ख्‍योकोनला गा लाङच्‍याक्‍वा। थेबेकी ख्‍योकोनला छ्येतकी नाङपाराङ ग्‍याप्‍सीनोङ ख्‍योकोनला छ्याःङ च्‍योक मालाङच्‍याक्‍वा।

२ कोरिन्‍थी 9:13

ख्‍योकोनगी थेबे लाईदु खाबाते दि कामगी खित्‍सादु ख्‍योकोनगी ख्रीष्‍टते गा लाङच्‍येते बात ङेन्‍गीन थेरू खि साबा च्‍योकराङ लेमु खाबाते थोङला थेबेकी परमेश्‍वरते जय जय खिओ। ख्‍योकोनगी थेबाला थेमे ज्‍येनला गोच्‍येते तेरा थुपासम्‍म बिन्‍गीन लेमु खाबे लाईदुङ थेबेकी परमेश्‍वरते जय जय खिओ।

फिलिप्‍पी 4:7

थोक थोक खासीन ख्‍योकोनगी जति बुद्धि खिये खासीनोङ खोबा मुथुप्‍च्‍या खाला परमेश्‍वरगी अचम्‍ब खाला ख्‍योकोन सेमला ढुक्‍क लोङगो। थेकी थोक खानामेई येशू ख्रीष्‍टताङ जीउज्‍यीकराङ ओङा ओतेकी ख्‍योकोन सेमला पीरताङ ताप माफाबो, फाप्‍सीनोङ थेतेराङ विचार खिन देता माफाबो।

२ थिस्‍सलोनिकी 2:4

परमेश्‍वर छ्येते शत्रुचेन होथे मिराङ ओङगो। था थेकी वाला चुक खिते सासीन गाङे भन्‍दा छ्येते थे खोरोङराङ ईन्‍दाच्‍योक खाला परमेश्‍वरला थेमे मिओनगी ल्‍हा लु सिन माने खिन वाबाते सुङलाङ थेमे छ्याःङलाङ माने खिता मेङगो सिन सिओ। दोस्‍यिककामा मेन, परमेश्‍वर मन्‍दिर नाङ स्‍यूला थेकी गाङेला थे खोरोङराङ परमेश्‍वर ईन साला थेरूराङ देत्‍क्‍यो।

२ थिस्‍सलोनिकी 2:8

थेला किल्‍सादुकी ताङनामेईकामा थे दुरू ओङगो। थेमे थे खोरोङ नाम्‍दाककी झिलिमिली गाल्‍ला ग्‍युरला ओङाईताङ प्रभु येशूकी थेला दाक ग्‍याल्‍ग्‍यो, थेकी थेला पालोईला फु खालाराङ सेत्‍क्‍यो।

हिब्रू 4:12

च्‍यिला सासीन परमेश्‍वर बातकी छ्य्‌वापेई मिओनगी जुनी ङेत्‍क्‍यो। दि बातकी छ्य्‌वापेकी परमेश्‍वरगी मि नाङ काम खिओ। ठाउँ ङिकारपा धार खाबाते आउदी नोम्‍बोते तरवारगी मिला रोपे खासीन दोन्‍नापेई ल्‍हाकनापासाकराङ फोत तोला थुप्‍क्‍यो थेमे रूबाताङ जोर्नीतेबा टाल्‍ला नाङदु ओताते काङ समेत देन्‍दा थुप्‍क्‍यो। होदोक्‍ते तरवार भन्‍दाङ परमेश्‍वर बातकी छ्य्‌वापेई परमेश्‍वरगी खित्‍च्‍येते काम खापान खापान छ्ये ईन। दि बातकी छ्य्‌वापेईराङ सुइँदेकी खाबाते कामताङ बात मिकी दाक्‍पोनगी खाबाते ईन्‍दाना परमेश्‍वर आत्‍मेकी खित च्‍युताते ईन्‍दे सिन डेला थुप्‍क्‍यो थेमे सुई च्‍यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्‍क्‍यो।

हिब्रू 5:9

दोक खाईन परमेश्‍वरगी खि साबाते जति पूरो खाबा ओतेकी थे खोरोङ बात ङेन्‍कान्‍तेबाला थेकी पूरो खाला पापदुकी टाल्‍ला सधैँ स्‍वर्गने देत ज्‍युत्‍क्‍यो।

१ पत्रुस 1:2

थे खोरोङगी गोमामेई खिता चाला च्‍योकराङ खाईन आबा परमेश्‍वरगी ख्‍योकोनला थे खोरोङ मि सिन छाने खाबा ओत। ख्‍योकोनगी येशू ख्रीष्‍टकी खि साबा साबा ङेन्‍स्‍यीत सिन परमेश्‍वर आत्‍मेकी ख्‍योकोन सेम खुदुक जोबा ओत। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु ख्‍योकोन पाप माफ ओङा ओत। आबा परमेश्‍वरताङ प्रभु येशू ख्रीष्‍टकी ख्‍योकोनला झन झन दया खाला लेमु खिनराङ देत्‍स्‍यीत।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।