२ कोरिन्थी 10:4 - जिरेल4 ङेराङ काम खित्जीन ङ्योकोन नोमुङ दि सा लुङबे मिओनगी च्योक खाला दाक्पोन फाइदा ताला मिक्किओ। ङेराङ काम लेमु ओङस्यीत सिन परमेश्वरगी तेरच्येते शक्तिकी ङ्योकोन दि काम खिओ। थे शक्ति छ्य्वापेकीराङ ङ्योकोन ङेराङ विरोध खित्कानताङ ङेराङ काम ङ्ये ज्युता छोल्कान गाङेला ग्याल्ग्यो। Faic an caibideil |
२ कोरिन्थी 10:4
28 Iomraidhean Croise
था नुप गाल्गीन नाम लाङा खाबा ओत। थोगी ङुरूङगी ज्येनगी थाहा मेछ्येत्स्यीत सिन मुन्दाकला खित्च्येते च्योक्ते मेलेबाते काम खित्च्येते गाङे तोङा फाप्क्यो। बरू गाङे ङोन्दु ङीमे कार्बोलाराङ खिता ओङच्येते च्योक्ते काम खिताला परमेश्वरगी तेरच्येते हात हतियार चले खिता फाप्क्यो। दोकचेन ङुरूङगी परमेश्वर शक्ति छ्य्वापेकी लेमुते कामकामा खिता फाप्क्यो साबाते ईन।
च्यि सासीन गोमाबा ख्योकोनगी खेराङ लाक्पाताङ खेकी खित्सादु, मिगी तासादु, खेराङ सेमगी खित्सादु मेलेबाते कामताङ बात खिन ओतान। थोक खाला ख्योकोनगी परमेश्वरगी साबाते मेङेन्गीन ओतान। था थोक खिता थोङ। बरू खेराङ स्यिसादुकी सोम्बो लोगीन साम्बाते जुनी ङेताते मिओन ईन्देकी परमेश्वरगी खि साबाते ङेन्ग्यो सिन खेराङ जुनी थे लाःक्तुराङ सोम्पे खि। थोक खासीन खेराङ लाक्पाताङ खेकी खित्सादु, मिगी तासादु पाप खिता माफाबो। परमेश्वरगी खि साबा च्योकराङ लेमु काम खिता थुप्क्यो।
था ङे थेपा वानामेई ङाराङताङ खजो अधिकार ओते सिराच्योक मिक्किता खाला ख्योकोनताङ खा छ्येत लेमुकी बात खिता ङेत्स्यीत सिन ङे थारीला ओते बेलालाराङ दि बाततेबा टिबाते ईन। च्यिला सासीन प्रभु ख्रीष्टकी ङाला बिन्दाते अधिकार ख्योकोनला ङ्ये ज्युताला मेन, बरू ख्योकोनला लेमु ओङस्यीत सिन लाःप्ला कोत्ला तेराला बिन्दाते ईन।
परमेश्वरताङ चुक छ्येज्यीक शक्ति ओते सिन छ्या स्येच्येते दि गा लाङच्येते बात लोपाला ङ्योकोनताङ छ्याःङ शक्ति मेत। ङ्योकोननी छ्याक्ला फराक फुरूक डोच्येते सबी नोत च्योककामा ईन। थोगी ङ्योकोनगी खित्च्येते काम ङेराङ शक्तिकी मेन, परमेश्वरगी शक्ति बिन्देकी खिता थुप्च्येते दुका सिन मिओनगी छ्या स्येक्यो।
ङुरूङचेन परमेश्वर नाम्दाकला देत्कान्ते मि ईन्देकी होस तोराते मि च्योक ओङा मेङगो। बरू च्याङबो खाला देत्ला प्रभु येशूला विश्वास खिन थेमे ज्येनला ङिङज्ये खिन देता फाप्क्यो। दोक खिन देत्च्येतेचेन लडाइँ बेलाला मिल्टेरीओनगी ठाङला खोन्च्येते च्याकी पाता खोन्दा च्योकराङ ईन। थेमे ङुरूङगी आश खाईन देता च्योकराङ था तिरी पापकी सजाय भोगे खिता माफाबो सिनोङ टोक ज्येता मेङगो। थोक खित्च्येतेचेन मिल्टेरीओनगी गोःला च्याकी टोप खोन्दा च्योकराङ ईन।
फुज्युङ तिमोथी, ङे खोल्ला कोई कोई मिओनला चुक खि सिन कोत साबा ओताने ङे साकीन ज्याक्पा च्योकराङ खि। थेमे परमेश्वरगी सिर च्युताते बात खित्कान्ते मिओनगी गोमा खोरोङ विषयला साबाते बाततेबा टोक माज्येत। होथे बाततेबा सम्झे खाला खुई ङे खोरोङला खि साबाते काम लडाइँ खित्च्येते च्योकराङ दुक्पा ईन्सीनोङ लेमु खाला खिता थुप्क्यो।
Sanasan