२ कोरिन्‍थी 1:7 - जिरेल

⁷ ङ्योकोनला दि बात लेमु खाला छ्या ओत। च्‍यि सासीन ख्‍योकोनगीङ ङ्योकोनगी च्‍योकराङ दुक्‍पा खपे खिन ओत। दुक्‍पा खपे खित्‍च्‍येतेकामा मेन, परमेश्‍वरगी ङ्योकोनला खाबा च्‍योकराङ खाला ख्‍योकोनलाङ आँट तेरग्‍यो।

२ कोरिन्‍थी 1:7 Iomraidhean Croise

मत्ती 23:30

थेमे ख्‍योकोन ‘ए, ङ्योकोन थेजीन ओता ईन्‍सीन ङेराङ ज्‍युज्‍यु पुर्खाताङ डिक्‍ला परमेश्‍वर बात खित्‍कान्‍तेबाला थोक खाला सेत्‍च्‍याराङ मेतान,’ सिन छ्ये खिदुक।

१ कोरिन्‍थी 10:13

थेमे दुक्‍पेकी कि खइँदा कारणगी खित्‍सादु मिला खइँदा दोक खिइ खिइ सिराच्‍योक लाङच्‍येते ख्‍योकोनलाकामा ओङच्‍येते मेन। परमेश्‍वर थे खोरोङगी खिओ साबा च्‍योकराङ खित्‍कान्‍ते ईन्‍देकी होथोक खाला खेराङला खिइ खिइ सिराच्‍योक लाबाते माक्‍याबाला ओङराङ मेङगो सिराच्‍योक ओङे बेलाला थेकी ख्‍योकोनला पाप खित्‍सादुकी रोके खिओ। दोक्‍ते बेलाला थेकी ख्‍योकोनला पाप खिता माफाप्‍च्‍येते शक्ति बिन्‍ला थार ज्‍युत्‍क्‍यो।

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

२ कोरिन्‍थी 7:9

दोक ईन्‍सीनोङ थानी ङाला आउदी गा लाबा ओत। ख्‍योकोनला थोक खाईन दुक्‍पा बिन्‍दान सिन गा लाबा ओत साबाते मेन। बरू ङे टिबाते थे बात खेराङ सेमला फोक्‍नामेई खेराङगी खाबाते काम लेमु मेन्‍दाक्‍वा सिन छ्या स्‍येकीन ख्‍योकोनगी लोक्‍ला लेमु काम खिताला स्‍यूबाते थोङगीनराङ ईन। परमेश्‍वरगीराङ ख्‍योकोनला थोक ओङ च्‍युत्‍कीन लोक्‍ला लेमु काम खित च्‍युतेकी ङे टिबाते थे चिट्ठीकी खित्‍सादु ख्‍योकोनला मेलेबा ओङातेचेन मेन।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

२ तिमोथी 3:11

मिओनगी ङाला खेदा खाईन खाईन दुक्‍पा बिन्‍दाते थेमे ङे भोगे खाबाते जेसुकै दुक्‍पा खोल्‍ला छ्या मेताते मेन। एन्‍टिओखिया, आइकोनियम थेमे लिस्‍त्रा सारगी नाङला मिओनगी ङाला चुक मेलेबा खाबा ओताने सिरच्‍येते बादोङ खोल्‍ला छ्याराङ ओत। ङाला जहाँदु जस्‍तो दुक्‍पा ओङसीनोङ प्रभु येशू ख्रीष्‍टकी थोक्‍ते गाङे दुक्‍पादुकी जोए खाबा ओत।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।