२ कोरिन्‍थी 1:5 - जिरेल

⁵ ख्रीष्‍टकी आउदी दुक्‍पा भोगे खाबा ओतान। थेकी च्‍योकराङ खाला ङ्योकोनोङ दुक्‍पा भोगे खिन ओत। दुक्‍पा भोगे खित्‍च्‍येतेकामा मेन, ख्रीष्‍टकी छ्य्‌वापेकी परमेश्‍वरगी ङ्योकोनला झन झन आँट तेरगीदुक।

२ कोरिन्‍थी 1:5 Iomraidhean Croise

लूका 2:25

यरूशलेमदु शिमियोन सिराज्‍यीक मि ओतान। थे परमेश्‍वरगी खि साबा साबा च्‍योकराङ खाला थेला आउदी खाला माने खित्‍कान्‍ते मि ओतान। इस्राएलीओनला पापताङ दुक्‍पादुकी डेल्‍कान्‍ते नाम ओङगीताका सिन थे गुकीन देता ओतान। थेकी परमेश्‍वर आत्‍मा ङेता ओतान।

शक्ति काम 9:4

थोक ओङनामेकी शावलचेन साला रिल्‍सुङ। थेमे थेकी “ए शावल, खो च्‍यिला ङाला खेदापानी खिते?” सिन सिरा थोसुङ।

रोमी 8:17

थे फुज्‍युङ फुमु ओङनामेई थे खोरोङ फुज्‍युङ फुमुला तेरग्‍यो साबाते जेसुकै परमेश्‍वरगी ङुरूङला तेरग्‍यो। थोक खाला येशू ख्रीष्‍टकी ङेत्‍च्‍येते ङुरूङगीङ ङेत्‍क्‍यो। ईन्‍दालाचेन येशू ख्रीष्‍टकी खाबा च्‍योकराङ ङुरूङगीङ थरिङोला दुक्‍पा भोगे खिता फाप्‍क्‍यो। थेमे थेला छ्येज्‍यीक मान बिन्‍दा च्‍योकराङ परमेश्‍वरगी ङुरूङलाङ मान बिन्‍ला थे खोरोङगी ज्‍वा चाला च्‍योकराङ लेमु जोइओ।

फिलिप्‍पी 1:20

था याङराङ अड्डादु बयान लिन्‍जीन ङाला सेत्‍सीनोङ सोम्‍बोराङ ताङसीनोङ थातासाक खाबा च्‍योकराङ खाला हत्तेरिका ङे च्‍यिला थोक खाताका सिराच्‍योक लाङच्‍येते कामताङ बात छ्याःङ मिक्‍किओ सिन टुङ्गो खाबा ओत। दोक खाला ङाराङला जस्‍तो ओङसीनोङ सुङताङ ज्‍यीबा मिक्‍किता खाला ख्रीष्‍टते जय जय ओङच्‍येते कामकामा खिता थुप्‍स्‍यीत सिन ङे आश खाबा ओत।

फिलिप्‍पी 2:1

ख्रीष्‍टताङ जीउज्‍यीकराङ ओङनामेई थेकी ख्‍योकोनला आँट तेरगीन देत्‍क्‍यो। थेमे परमेश्‍वरगी ख्‍योकोनला ङिङज्‍ये खित्‍च्‍येते ईन्‍देकी ख्‍योकोन सेम ढुक्‍क खाला देता थुप्‍क्‍यो। थोकराङ खाला परमेश्‍वर आत्‍मेकी खित्‍सादु ख्‍योकोन थेत्ताङ ङ्योम्‍बुराङ डिक्‍ला देता थुप्‍क्‍यो। थेमे ख्‍योकोनगी खेराङ नाङ पीर फापा ओतातेबाला पीर माकेत सिन सिरच्‍येते थेमे दुक्‍पा ङेता ओतातेबाला ताच्‍येते खिओ। ख्‍योकोन नाङ बात दोकराङ मेन ओना?

फिलिप्‍पी 3:10

थोगी ङानी ख्रीष्‍टला झन लेमु खाला छ्या स्‍येबा छोल्‍ग्‍यो। थेमे थे सोम्‍बो लोक्‍पा ओतेकी थेत्ताङ ओताते शक्ति ङेङ ङेत्‍स्‍यीत सिन सेम खिओ। थेकी दुक्‍पा भोगे खाईन थे खोरोङ ज्‍यानोङ बिन्‍दा ओतान। थेकी खाबा च्‍योकराङ खिताप सिन ङाङ ङाराङ खुशी मिक्‍किता खाला दुक्‍पा भोगे खिन स्‍या फाप्‍सीनोङ नाइँ मिसिरो।

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

२ तिमोथी 3:11

मिओनगी ङाला खेदा खाईन खाईन दुक्‍पा बिन्‍दाते थेमे ङे भोगे खाबाते जेसुकै दुक्‍पा खोल्‍ला छ्या मेताते मेन। एन्‍टिओखिया, आइकोनियम थेमे लिस्‍त्रा सारगी नाङला मिओनगी ङाला चुक मेलेबा खाबा ओताने सिरच्‍येते बादोङ खोल्‍ला छ्याराङ ओत। ङाला जहाँदु जस्‍तो दुक्‍पा ओङसीनोङ प्रभु येशू ख्रीष्‍टकी थोक्‍ते गाङे दुक्‍पादुकी जोए खाबा ओत।

१ पत्रुस 4:13

दोक्‍ते दुक्‍पा भोगे खिता फाप्‍जीन ख्‍योकोन गाका खि। च्‍यिला सासीन दोक ओङजीन ख्‍योकोनगी ख्रीष्‍टकी चुक दुक्‍पा भोगे खाबा ओता ईन्‍दाका सिन टिक्‍पी टिक्‍पी छ्या स्‍येक्‍यो। थेमे ख्रीष्‍ट था छ्येज्‍यीक शक्ति ङेत्‍ला दुरू ग्‍युरला ओङे छोमु ख्‍योकोनोङ आउदी खाला गा खिता ङेत्‍क्‍यो।