२ कोरिन्‍थी 1:23 - जिरेल

²³ दि बात ङा परमेश्‍वर साक्षी ज्‍याक्‍ला खिन ओत। ङा नोमुङ मेन्‍दे बात मिक्‍किओ। ङा कोरिन्‍थपा माबातेचेन याङराङ ङे ख्‍योकोनला थापा ङारा माफाप्‍स्‍यीत सिनकामा ईन।

२ कोरिन्‍थी 1:23 Iomraidhean Croise

शक्ति काम 18:1

दि तिरी पावल एथेन्‍सदुकी कोरिन्‍थ सारनापा गाल्‍सुङ।

शक्ति काम 18:8

पावलगी लापाते बात ङेन्‍गीन क्रिस्‍पसताङ थे खाम्‍बे मि गाङेकी प्रभु येशूला विश्‍वास खिताला स्‍यूसुङ। क्रिस्‍पसचेन होथे मिटिङ खित्‍च्‍येते खाम्‍बेते छ्येते मि ओतान। पावलगी लोप्‍कीन ओताते बात ङेन्‍गीन कोरिन्‍थदु ज्‍येनोङ मि काल्‍बेईकी प्रभु येशूला विश्‍वास खाईन बप्‍तिस्‍मा लासुङ।

रोमी 1:9

ङे ख्‍योकोनला थोई सम्‍झे खाला जहिलेङ ख्‍योकोन लाईदु प्रार्थना खिका सिरच्‍येते बात परमेश्‍वरलाराङ छ्या ओत। थे फुज्‍युङते गा लाङच्‍येते बात ङाराङ स्‍येतकी थुपासम्‍म ज्‍येनला लाप्‍ला ङा परमेश्‍वरला माने खिओ।

रोमी 9:1

थेमे येशू ख्रीष्‍टताङ जीउज्‍यीकराङ ओङाते मि ईन्‍देकी ङा ईन्‍दाते बातकामा खिओ। ङे खिन ओताते दि बात ढाँर खाबाते मेन सिन ङाराङ सेमगी नाङ ओताते परमेश्‍वर आत्‍मेकीङ ङाला छ्या स्‍ये च्‍युता ओत।

१ कोरिन्‍थी 4:21

लो था ख्‍योकोन च्‍यि सिते? ङाला थेपा फेर्का खुरला स्‍योक सिताना ङिङज्‍ये खाला लेमु खिताला स्‍योगे?

१ कोरिन्‍थी 5:5

चुक सासीन थेकी पाप खिता तोङस्‍यीत सिन थेला शैतान लाःक्‍तु सोम्‍पे खि। थोक खानामेई थे स्‍यिसीनोङ प्रभु येशू ग्‍युरला ओङे छोमु थेकी थेला पापकी सजाय मेतेरो।

२ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङ्योकोन दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन थेमे अखैये लुङबा खाङ ओताते परमेश्‍वर सन्‍तान ख्‍योकोन गाङेला टिगीन ओत।

२ कोरिन्‍थी 1:18

थे खोरोङगी खिओ साबाच्‍योक पक्‍काराङ खित्‍कान्‍ते परमेश्‍वर दोन्‍दु ङा दि बात सिओ। च्‍यि सासीन बातज्‍यीकलाराङ ङा नोमुङ बाजिई ओङगो थेमे बाजिई मेङगो सिन मिसिरो। ङा ईन्‍दाते बातकामा खिओ।

२ कोरिन्‍थी 10:2

च्‍यि सासीन थोक सिन बात खित्‍कान्‍ते मिओनला था ङा थेपा वाला ङाला खजो स्‍येदाङ लाङच्‍या ईन्‍दाका सिन ङे तेन्‍दा माफाप्‍स्‍यीत। ङ्योकोनोङ ज्‍येन च्‍योकराङ दाक्‍पोन खुशीला ख्‍याम्‍कान्‍ते मि ईन सिन सिरकान्‍ते थोक्‍ते मिओनताङ चुक खाला बात खिता फाप्‍कीते सिन ङाला छ्या ओत।

२ कोरिन्‍थी 11:10

ख्रीष्‍टकी च्‍योकराङ ङा सत्‍यते बातकामा खिओ। ङे ख्‍योकोन सुङताङ छ्याःङज्‍यीक खाङज्‍यीक लाबा मेत, थाङ नोमुङ छ्याःङ मिलिनो। दि बातलाचेन ङा छ्येराङ खिओ। अखैये लुङबादु ओताते मि सुङगीङ खुई थोक सिरा मेङेदो सिन सिरा मुथुबो।

२ कोरिन्‍थी 11:11

च्‍यि ङे ख्‍योकोनला ङिङज्‍ये मिक्‍किच्‍येते ईन्‍देकीका ख्‍योकोनताङ छ्याःङ मालाबाते ईन्‍दासीन साबाप? ङे ख्‍योकोनला थोई ङिङज्‍ये खिते सिन परमेश्‍वरलाराङ छ्या ओत।

२ कोरिन्‍थी 11:31

ङे ढाँर मिक्‍किओ सिन परमेश्‍वरला छ्या ओत। थेचेन प्रभु येशू आबा थेमे परमेश्‍वर ईन। थेते सधैँभरि जय जय ओङस्‍यीत।

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

२ कोरिन्‍थी 13:10

था ङे थेपा वानामेई ङाराङताङ खजो अधिकार ओते सिराच्‍योक मिक्‍किता खाला ख्‍योकोनताङ खा छ्येत लेमुकी बात खिता ङेत्‍स्‍यीत सिन ङे थारीला ओते बेलालाराङ दि बाततेबा टिबाते ईन। च्‍यिला सासीन प्रभु ख्रीष्‍टकी ङाला बिन्‍दाते अधिकार ख्‍योकोनला ङ्ये ज्‍युताला मेन, बरू ख्‍योकोनला लेमु ओङस्‍यीत सिन लाःप्‍ला कोत्‍ला तेराला बिन्‍दाते ईन।

२ कोरिन्‍थी 13:2

ईन्‍दानी पालो ङिकी बाजिला थेपा गाला ओत्‍जीनोङ ङे पाप खाबा ओत्‍कानलाङ ज्‍येनलाङ गाङेला च्‍यि च्‍यि खिसे, चुक खिता मेङते सिन सम्‍झे खाईन बिन्‍दा ओतान। था दि पालोला ङा थेपा ओङजीनोङ सुइँदा ङे बात माङेन्‍गीन गोमा च्‍योकराङ खिन ओता थेप्‍सुङ सासीन थोक्‍तेलाचेन ङा लेमु मिक्‍किओ सिन थाल्‍ला ङाराङ थारीला ओते बेलालाराङ सिओ।

२ कोरिन्‍थी 6:6

ङ्योकोन मेलेबा काम सिराते छ्याःङ मिक्‍किओ। परमेश्‍वरगी ङ्योकोनला थे खोरोङ बाततेबा लेमु खाईन छ्या स्‍ये च्‍युता ओत। ङ्योकोन सेम मेसेता खाला काम खिओ, ज्‍येनला दया खिओ, परमेश्‍वर आत्‍मेकी खि साबाते कामकामा खिओ थेमे खेकीकामा मेन्‍देकी ङ्योकोन ज्‍येनला पक्‍काराङ खाला ङिङज्‍ये खिओ।

गलाती 1:20

ङे दि गाङे ईन्‍दाते बातकामा टिगीन ओत सिन परमेश्‍वरलाराङ छ्या ओत।

फिलिप्‍पी 1:8

येशू ख्रीष्‍टकी ङुरूङला खिता च्‍योकराङ ङाङ ख्‍योकोनला आउदी ङिङज्‍ये खिओ। ङाला ख्‍योकोनला नामराङ ठेदोङा सिराच्‍योक लाबा ओत। दि बात ङे खेकीकामा साबाते मेन सिन परमेश्‍वरला छ्या ओत।

१ थिस्‍सलोनिकी 2:5

ख्‍योकोनताङ ओत्‍जीनोङ ङ्योकोनगी खोलु सिराते बान्‍दा माक्‍या। थोकराङ खाईन सेमदुचेन ख्‍योकोनगी खइँदा तेरगीता सिन लोभ खाईनोङ थे बात मालाप। दि बात ख्‍योकोनला सिरा माफाप्‍तासीन। ङ्योकोनगी साबाते बात ढाँर खाबाते मेन सिन परमेश्‍वरला छ्या ओत।

१ तिमोथी 1:20

थेबे नाङ हाइमेनियसताङ अलेक्‍जेन्‍डरोङ फाप्‍क्‍यो। प्रभु येशू ख्रीष्‍टला विरोध खिता मेङच्‍याक्‍वा सिन छ्या स्‍येस्‍यीत सिन ङे थेबा ङिकारला शैतान लाःक्‍तु सोम्‍पे खाबा ओत।