२ कोरिन्‍थी 1:21 - जिरेल

²¹ परमेश्‍वरगीराङ ङुरूङ गाङेला जस्‍तो ओङसीनोङ ख्रीष्‍टला विश्‍वास खिन देत ज्‍युत्‍क्‍यो, थेकी ङुरूङला थे खोरोङ मि ईन सिन छाने खाबा ओत,

२ कोरिन्‍थी 1:21 Iomraidhean Croise

यूहन्‍ना 3:34

परमेश्‍वरगी ताङातेकीचेन परमेश्‍वरगी सि साबाते बातराङ सिओ। परमेश्‍वरगी थेला दोस्‍यिक थोस्‍यिक सिन सिरा मुथुप्‍च्‍या खाईन तेरासम्‍म परमेश्‍वर आत्‍मा बिन्‍दा ओत।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

रोमी 16:25

थेमे परमेश्‍वरगीराङ ख्‍योकोनला शक्ति तेरच्‍येते ईन्‍देकी ख्‍योकोनगी येशू ख्रीष्‍टला विश्‍वास खिन देता थुप्‍क्‍यो। परमेश्‍वरगी खित्‍सादु दोक खिन देता थुप्‍क्‍यो सिन येशू ख्रीष्‍ट सु ईन्‍दे, चुक्‍ते ईन्‍दे सिन ङे लोप्‍कीन ओताते गा लाङच्‍येते बातला साबा ओत। दि जुग शुरू ओङा भन्‍दा गोमामेईराङ परमेश्‍वरगी सुङलाङ छ्या स्‍ये च्‍युता मेताते दि गा लाङच्‍येते बात

रोमी 8:9

ख्‍योकोनचेन गोमा च्‍योकराङ दाक्‍पोन खुशीला ख्‍याम्‍कान्‍ते मि मेन। परमेश्‍वर आत्‍मेकी खि साबाच्‍योक खित्‍कान्‍ते मिओन ईन। दोक मेन्‍दा ईन्‍सीन ख्‍योकोनगी परमेश्‍वर आत्‍मा ङेत्‍च्‍या मेतान। च्‍यिला सासीन ख्रीष्‍टकी आत्‍मा ङेता मेत्‍सीन थोक्‍ते मि ख्रीष्‍टकी मि ईनराङ मेन।

१ कोरिन्‍थी 1:8

येशू ख्रीष्‍टकी ख्‍योकोनला तिरीसाकराङ थे खोरोङला विश्‍वास खिन देत ज्‍युत्‍क्‍यो। थोक खाला ङुरूङ प्रभु येशू ख्रीष्‍ट ग्‍युरला ओङे छोमु सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिरा मुथुबो।

२ कोरिन्‍थी 5:5

ङुरूङला दोक खाला थे नोमुङ स्‍यिला रूल्‍ला मोन्‍डोच्‍येते जीउ तेरकान्‍ते परमेश्‍वरराङ ईन। थोक्‍ते जीउ तेरग्‍यो सिन पक्‍का खिताला थेकी ङुरूङला थे खोरोङ आत्‍मा बिन्‍दा ओत।

कलस्‍सी 2:7

च्‍यि सासीन येशू ख्रीष्‍ट सु ईन्‍दे, चुक्‍ते ईन्‍दे सिन खेराङगी छ्या स्‍येबाते बात ङेन्‍दा नोमुङ मातोङ, झन झन लेमु खाला थे बातला खि साबा च्‍योकराङ खिन येशू ख्रीष्‍टला विश्‍वास खिन देत, ज्‍येनगी जे सासीनोङ खेराङला लाप्‍कीन बिन्‍दाते येशू ख्रीष्‍ट बातला छ्याःङ शंका माकेत थेमे परमेश्‍वरगी खेराङला चुक लेमु खासुङा सिन थेला धन्‍यवाद सिरा नोमुङ मातोङ।

१ थिस्‍सलोनिकी 3:13

दोस्‍यिककामा मेन, था ङुरूङ प्रभु येशू थे खोरोङ मि गाङेताङ ग्‍युरला ओङे छोमु ङुरूङ आबा परमेश्‍वर दोन्‍दु ख्‍योकोन छ्याःङ गल्‍ती मेताते थेमे मेलेबाते काम सिराते छ्याःङ माक्‍याबाते मि ओङस्‍यीत सिन थेकी ख्‍योकोनला थे खोरोङला विश्‍वास खिन देताला आँट तेरस्‍यीत सिनोङ ङ्योकोन प्रार्थना खिओ।

२ थिस्‍सलोनिकी 2:8

थेला किल्‍सादुकी ताङनामेईकामा थे दुरू ओङगो। थेमे थे खोरोङ नाम्‍दाककी झिलिमिली गाल्‍ला ग्‍युरला ओङाईताङ प्रभु येशूकी थेला दाक ग्‍याल्‍ग्‍यो, थेकी थेला पालोईला फु खालाराङ सेत्‍क्‍यो।

२ थिस्‍सलोनिकी 3:3

प्रभु येशू थे खोरोङगी खिओ साबा च्‍योकराङ खित्‍कान्‍ते ईन्‍देकी थेकी ख्‍योकोनला थे खोरोङला विश्‍वास खिन देत्‍च्‍येते शक्ति तेरग्‍यो थेमे खेराङला मेलेबा खित्‍कान्‍ते शैतान लाःक्‍तुकीङ जोए खाला ज्‍य्‌वाक्‍यो।

हिब्रू 13:9

बात दोक ईन्‍देकी परमेश्‍वर बात ईन सिन थे बातताङ डिकराङ मिडिक्‍च्‍येते खुदुक खुदुकते बात ङेन्‍ला छक्‍के माकेत। परमेश्‍वरगी दया खाबा ओतेकी खित्‍सादु होथोक्‍ते बातला नामज्‍योक मेसेता खाला छ्याःङ शंका मिक्‍किता खाला थेला विश्‍वास खिन देता लेमु ईन। दि सा ओङगो, थे सा मेङगो सिरच्‍येते नियम ङेन्‍ला सुङलाङ छ्याःङ फाइदा मेत।

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।

१ यूहन्‍ना 2:20

दोक ईन्‍सीनोङ सेमला पाप सिराते छ्याःङ मेताते ख्रीष्‍टकी ख्‍योकोनलाचेन परमेश्‍वर आत्‍मा बिन्‍दा ओत। थेमे ख्‍योकोन गाङेकी सत्‍यते बात छ्या स्‍येबा ओत।

१ यूहन्‍ना 2:27

ख्रीष्‍टकी ख्‍योकोनला बिन्‍दाते परमेश्‍वर आत्‍मा ख्‍योकोनताङ ओत्‍नामेकी सुङगीङ ख्‍योकोनला लोपा माफाबो। खेराङगी छ्या स्‍येबा फाप्‍च्‍येते बात गाङे ख्‍योकोनला थेकीराङ लाप्‍ला तेरग्‍यो। थेकी साँचोते बातकामा लोप्‍क्‍यो। थेकी खेराङला लापा च्‍योकराङ खाला येशू ख्रीष्‍टताङ डिक्‍ला देत।

छ्या स्‍ये च्‍युताते बात 1:6

थेकी ङुरूङला थे खोरोङताङराङ राज्‍य खित्‍कान्‍ते मि जोसुङ थेमे ङुरूङगी थे खोरोङ आबा परमेश्‍वरला माने खित्‍स्‍यीत सिन थेकी ङुरूङला परमेश्‍वर पूजारी जोसुङ। थेते सधैँभरि जय जय ओङस्‍यीत, थेकी राज्‍य खिनराङ देत्‍स्‍यीत। आमेन।

छ्या स्‍ये च्‍युताते बात 3:18

थोगी ङा ख्‍योकोनला च्‍यि खि सिते सासीन खेराङला जेसुकै दाङस्‍यीत ख्‍योप्‍स्‍यीत सिन मेला लुगीन ताकीन सक्‍कली दुका सिन छ्या स्‍येबाते सेर ङात्ताङ ङ्यो, ङोचा लाङच्‍या पेर्दुङबाराङ ओतेकी खोन्‍दाला ख्‍योकोनगी ङात्ताङ ओताते खापाङ छ्याःङ दाग माखोबाते खोलाक कार्मुते ङ्योला खोन थेमे खेराङ मिगी थोङस्‍यीत सिन ङात्ताङ ओताते मलम ङ्योला कु।