२ कोरिन्‍थी 1:15 - जिरेल

¹⁵ ङाराङला होदि बात लेमु खाला छ्या ओतेकी ङा गोमा ख्‍योकोन ओत्‍सादु ओङाला ठीक खाबा ओतान। थोक खाला पालो ङि ठेता ङेत्‍जीन परमेश्‍वरगी ख्‍योकोनला झन आशी तेरच्‍या ओतान।

२ कोरिन्‍थी 1:15 Iomraidhean Croise

मत्ती 1:19

थेकी फुज्‍यीमा खुराते बात छ्या स्‍येनामेकी यूसुफकी थेला तोङा चाला ओतान। तर थे परमेश्‍वरगी खि साबाच्‍योक खित्‍कान्‍ते मि ईन्‍देकी थेकी मरियमला मि ङोन्‍ला ङोचा मेङस्‍यीत सिन मि रूसादु मेखेरा खाईन थोकराङ तोङा चाल्‍सुङ।

रोमी 1:11

ङाला ख्‍योकोनला ठेता आउदी सेम ओत। दोक खाईन ङुरूङ ठेता ङेत्‍सीन परमेश्‍वर आत्‍मेकी तेरच्‍येते सीपताङ शक्ति ख्‍योकोनगीङ ङेत्‍स्‍यीत सिन लाप्‍ला तेरा थुप्‍च्‍या ओतान। दोक खाईन ख्‍योकोनगीङ थोक्‍ते सीपताङ शक्ति ङेत्‍नामेई प्रभु येशूला झन लेमु खाला विश्‍वास खिता थुप्‍च्‍या ओतान।

रोमी 15:29

थेपा ख्‍योकोनला ठेता खित ओङजीन ख्रीष्‍टकी छ्य्‌वापेई ङे ख्‍योकोनला आउदी खाला आशी तेरा थुप्‍क्‍यो सिरच्‍येते बात ङाला लेमु खाला छ्या ओत।

१ कोरिन्‍थी 11:34

थेमे सुइँदाला त्‍वाबा लाङगीदुक सासीन बरू थेकी खाम्‍बादुराङ साप सोला ग्‍युक। प्रभु भोज साप्‍ला जम्‍मा ओङे बेलालाचेन ख्‍योकोनगी खेराङ गोःनामा परमेश्‍वर सजाय माफाप्‍स्‍यीत सिन लेमु खाला विचार खाला थे भोज सो। थेमे थरिङ ङे माटिबाते बातओनचेन था ङाराङ थेपा लेप्‍नामेकीराङ ख्‍योकोनला सिरामीन।

१ कोरिन्‍थी 16:7

ङा ख्‍योकोनला रकस्‍यिककामा ठेता खिताला ओङच्‍येते मेन। प्रभु येशूकी ङाला थेरूराङ देत्‍सीन ओङगो सासीन ङेते ख्‍योकोनताङ आदोराङ देत्‍च्‍येते सेम ओत।

१ कोरिन्‍थी 4:19

प्रभु येशूकी ग्‍युक सिन सासीन था होत्ताराङ ङा ख्‍योकोन ओत्‍सापा ओङगो। थेमे ङा थेपा वाला थेबेकी छ्ये खिन बातकामा खित्‍च्‍येते ईन्‍दाकाना थेबाताङ परमेश्‍वर शक्तिङ ओता ईन्‍दाका सिन लेमु खाला छ्या स्‍येबा खिओ।

२ कोरिन्‍थी 12:14

थेमे ङा याङराङ ख्‍योकोन ओत्‍सापा ओङाला ठीक खाबा ओत। दि बाजिताङनी ङा थेपा वाबाते पालो सुम छाङगो। जेराङ ईन्‍सीनोङ गोमाबा च्‍योकराङ दि पालोलाङ ङा ख्‍योकोनताङ छ्याःङज्‍यीक खाङज्‍यीक नाङ मिसिरो। ङाला ख्‍योकोन सम्‍पत्ति चिमाईओङ गोबा मेत। ख्‍योकोनगी ङाला ङिङज्‍ये खासीन दाक दाङगो। दि बाई ङाला छ्याःङ मोगोओ। ईन्‍दाबोङ फिजाओनगी आबा आमातेबे स्‍याहार सुसार खित्‍च्‍येते मेन, आबा आमातेबेकीका फुज्‍युङ फुमुतेबाला च्‍यि च्‍यि गोकीका बिन्‍ला स्‍याहार सुसार खिओ।

२ कोरिन्‍थी 6:1

ङेराङ परमेश्‍वरताङ डिक्‍ला काम खित्‍कान ईन्‍देकी ङ्योकोन ख्‍योकोनला दोक सिनोङ सिओ। च्‍यि सासीन ख्रीष्‍टकी खित्‍सादु परमेश्‍वरगी खेराङला दया खाबाते थाराङ खेरो मोन्‍डोस्‍यीत सिन ओर्च्‍ये ख्‍योकोनगी थेला मन परे खित्‍च्‍येते काम खि।