२ कोरिन्‍थी 1:10 - जिरेल

¹⁰ थेजीन थेकी ङ्योकोनला थोक छ्येज्‍यीक दुक्‍पाताङ कालगी खादुकी समेत जोए खाबेकी थोक ओङजीन था जहिलेङ थेकी ङ्योकोनला दोकराङ खिओ सिन ङ्योकोनगी थेला भर परे खाबा ओत। दि बातला ङ्योकोनला छ्याःङ शंका मेत।

२ कोरिन्‍थी 1:10 Iomraidhean Croise

शक्ति काम 26:21

ङे गाङेला दोक दोक खि सिन लाप्‍कीन ख्‍याम्‍बेकीराङ यहूदीओनगी ङाला परमेश्‍वर मन्‍दिरदु ओते बेलाला जुम्‍गीन दुकीन झन्‍दै सेत्‍सुङ।

रोमी 15:31

ख्‍योकोनगी चुक सिन प्रार्थना खिसे सासीन ङा यरूशलेमपा डोजीन थेपा यहूदिये अञ्‍चलदु ओताते येशू ख्रीष्‍टला विश्‍वास मिक्‍किकान्‍ते यहूदीओनगी ङाला मेलेबा खिता मुथुप्‍स्‍यीत थेमे ज्‍येन ज्‍येन जातकी मिकी जम्‍मा खाबाते ङे यरूशलेमदु परमेश्‍वर सन्‍तानओनला खेरच्‍येते थे पैसा थेबेकी गा खिन लिन्‍स्‍यीत सिन प्रार्थना खि।

२ कोरिन्‍थी 1:9

ङ्योकोनलानी था सोन्‍च्‍येते सिराते दोस्‍यिकराङ दुका सिराच्‍योक लाकीन सिन्‍दा ओतान। सुङगीङ दाक्‍पोनगीराङ दाक्‍पोन लाईदु छ्याःङ खिता मुथुबो, खालि स्‍याप्‍ते मिओनला सोम्‍बो लोक्‍कान्‍ते परमेश्‍वरगीकामा जस्‍तोङ खिता थुप्‍क्‍यो सिन ङ्योकोनगी छ्या स्‍येस्‍यीत सिनराङ थोक दुक्‍पा ओङाते दुका।

२ कोरिन्‍थी 6:9

ङ्योकोन दोक्‍ते मि ईन सिन लेमु खाला छ्या ओत्‍सीनोङ मिकी ङ्योकोन चुक्‍ते मि ईन्‍दे सिन छ्या स्‍येबा मेता च्‍योकराङ खिदुक। पालोताङ पालो था नाम स्‍यिइताना सिराच्‍योक खाईन देता फाप्‍सीनोङ ङ्योकोन थोरूमसाक दि धर्ती लाक काम्‍बा चुला ख्‍याम्‍गीनराङ ओत। थेमे ङ्योकोन च्‍येते खाला ङेराङ काम खिता तोङस्‍यीत सिन ङ्योकोनला दुकीन सेता चाल्‍सीनोङ थोरूमसाक स्‍यापराङचेन मेत।

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।