१ तिमोथी 6:9 - जिरेल

⁹ छ्युक्‍पु ड्वा छोल्‍कान्‍ते मिओनलाचेन झन झन पैसे लोभ लाला तोर्बाकला फाप्‍लु खाला मेलेबा ओङगो। पैसे लोभकी खित्‍सादु थोक्‍ते मिओनगीचेन लेम्‍बा च्‍योक खाला आउदी मेलेबातेन्‍दे काम खाला खोपरोङ स्‍यूक्‍च्‍येते डालुम खोपरोङगीराङ ठुइओ।

१ तिमोथी 6:9 Iomraidhean Croise

मत्ती 13:22

लोक्‍ला चाङगी बुटे नाङला फाप्‍कीन केकीनोङ चाङगी बुटेकीराङ सोबाते सोन साबातेचेन थोरूमोङ ज्‍येन थरीज्‍यीक मिला साबाते ईन। थोक्‍ते मिओनगी स्‍वर्गे राज्‍य बातनी ङेन्‍ग्‍यो। ईन्‍सीनोङ साच्‍या थुङच्‍याताङ खोन्‍च्‍ये पीर थेमे सम्‍पत्ति लोभकी खित्‍सादु थेबेकी थोबाते बात दाक टोक ज्‍येत्‍ला छ्याःङ काम लै मिक्‍किओ।

मत्ती 19:22

थोक सानामेई थे मि छ्येत सेत्‍कीन थेरूई दाक गाल्‍सुङ। च्‍यिला सासीन थे आउदी छ्युक्‍पु ओतान।

मत्ती 26:15

थेमे थेकी थेबाला “ङे येशूला ख्‍योकोन लाःक्‍तु सोम्‍पे खासीन ख्‍योकोन ङाला च्‍यि तेरगीते?” सिन बात खासुङ। थोक खासीन थेला चाँदी डबल खालज्‍यीकताङ च्‍युताम्‍बा तेरग्‍यो सिन बात डिक्‍पा खाईन थेबेकी थोस्‍यिक पैसाङ बिन्‍सुङ।

मत्ती 6:19

लोक्‍ला ज्‍येन बात च्‍यि सासीन ख्‍योकोनगी दुरू सम्‍पत्ति साला माज्‍यो। दोक्‍ते सम्‍पत्तिनी बुईकी सेइओ, चा छ्याक्‍यो, खिये खिओ थेमे चोरगी कुला सिन्‍ला तोरला डुइओ।

मर्कूस 4:19

ईन्‍सीनोङ साच्‍या थुङच्‍याताङ खोन्‍च्‍ये पीर, सम्‍पत्ति लोभ थेमे दाक्‍पोन खुशी खिता चालेकी खित्‍सादु थेबेकी थोबाते बात दाक टोक ज्‍येत्‍ला छ्याःङ काम लै मिक्‍किओ।

लूका 12:21

थोगी बुद्धि मेताते मि सिरातेचेन होथोक्‍ते मि ईन। तिरी बो माताबा खाला थोक्‍तेकीचेन सम्‍पत्ति लाक सम्‍पत्ति साला छ्युक्‍पु डुइओ। परमेश्‍वर दोन्‍दु धनी ओङच्‍येतेचेन दोक खाला मेन। दोक्‍ते सम्‍पत्ति ओत्‍ला तिरी छ्याःङ फाइदा मेङगो,” सिन सिदुक।

लूका 21:35

थोक खाला दि सा लुङबे मि सुङगीङ थाहाराङ मेङेता खाला थे दिन ओङगो।

शक्ति काम 8:20

थेकी थोक खित्‍जीन पत्रुसकी थेला “परमेश्‍वरगी मिओनला छ्याःङ मिलिन्‍दा खाला तेरच्‍येते परमेश्‍वर आत्‍मा पैसा च्‍याल्‍ला ङेत्‍कीतासीन सिन साबाप? खो चुकस्‍यिक ओता ईन्‍दाका। खुई पैसा खोत्ताङराङ स्‍योक। खोनी स्‍यिला नरककुण्‍डमा डोरस्‍यीत।

एफिसी 4:22

था खेराङला लापा च्‍योकराङ खि। च्‍यि सासीन गोमा खिन ओताच्‍योक खिन मेदेता खाला मेलेबाते कामताङ बात खित्‍च्‍येते बानी थोङ। गोमाबा ख्‍योकोन दाक्‍पोन सेमला लाबा लाबाच्‍योक खासीन लेमु ओङगो सिन थोकराङ खिन ओतान। होथोक खाबेकी ख्‍योकोन ङ्येला डुइन ओतान।

१ तिमोथी 1:9

परमेश्‍वर नियमचेन थे नियमला खि साबा साबाच्‍योक खित्‍कान्‍ते मिओन लाईदु जोबाते मेन सिनोङ ङुरूङला छ्या ओत। थे नियम चुक्‍ते मिओन लाईदु जोबाते ईन्‍दे सासीन नियम कानून मेङेन्‍कान्‍तेताङ मनपरी खाला ख्‍याम्‍कान्‍ते मिओन, परमेश्‍वरला मान मिक्‍किकान्‍तेताङ पापीओन, परमेश्‍वरला मन परे मिक्‍किच्‍येते काम खित्‍कानताङ परमेश्‍वर ओतराङ मेत सिन थे विरोध खित्‍कान्‍ते मिओन लाईदु जोबाते ईन। थोक्‍ते मिओन लाईदुकामा मेन, दाक्‍पोन आबा आमाला थेमे ज्‍येन मिओनला सेत्‍कान्‍ते मिओन,

१ तिमोथी 3:7

दोस्‍यिककामा मेन, थोक्‍ते मिचेन येशू ख्रीष्‍ट मि मेन्‍दाते मिओनगीङ लेमु मि ईन सिन माने खिन वाबाते मि ओङा फाप्‍क्‍यो। थोक्‍ते मि मेन्‍सीन ज्‍येनगी थे गल्‍ती थेप्‍क्‍यो। थेमे थे तोर्बाकला थेप्‍लु खाला शैतान लाःक्‍तु फाप्‍क्‍यो।

१ तिमोथी 6:10

च्‍यिला सासीन पैसे लोभकी खित्‍सादुराङ मिकी जेसुकै मेलेबा काम खित्‍च्‍येते ईन। पैसे लोभला स्‍यूकीन कोई कोईकी येशू ख्रीष्‍टला विश्‍वास खाईन ङेन्‍दाते बात ङेन्‍दा ताङला दुक। थोक खाबेकी खित्‍सादु थेबा हत्तेरिका ङे च्‍यिला थोक खाताका सिराच्‍योक गाल्‍गीन थेबे सेम पीरताङ तापकी छोला दुक।

१ तिमोथी 6:17

थेमे थरिङोला छ्युक्‍पु ओताते मिओनला दोक सिन कोत। थेबाला छ्ये माकेत सि, सम्‍पत्ति ओत्‍कीन ओत सिन ढुक्‍क खाला मादेत सि। थोक्‍ते सम्‍पत्तिनी नामसाक दाक्‍पोन लाःक्‍तु देत्‍कीते सिन छ्याःङ छ्या मेङगो। बरू थेबाला परमेश्‍वरला भर परे खिता लोप सिन सि। थेकीराङ ङुरूङला गोच्‍येतेबरी दाङच्‍या ख्‍योप्‍च्‍या खाला बिन्‍ला गा खिन देत ज्‍युत्‍क्‍यो।

२ तिमोथी 2:26

थेबेकी दि मौका ङेत्‍सीन खोपरोङगी चुक खिन ओता ईन्‍दाका सिन छ्या स्‍येला तोर्बाकला थेप्‍सादुकी स्‍योरा च्‍योकराङ खाला खोपरोङला होथोक्‍ते मेलेबा काम खित ज्‍युत्‍कान्‍ते शैतान लाःक्‍तुकी स्‍योरा थुप्‍क्‍यो।

तीतस 2:12

परमेश्‍वर दयेकी खित्‍सादु चुक चुक खिता फाप्‍कीते सिन ङुरूङ लोप्‍कीन ओत। थोगी ङुरूङगी परमेश्‍वरगी माकेत साबाते काम खित्‍च्‍येते थेमे पापताङ लोभ खित्‍च्‍येते ताङला दाक्‍पोन सेम काबूला ज्‍य्‌वाबा थुप्‍क्‍यो थेमे दि कलि जुगला थेकी खि साबा साबाच्‍योक खिन थेला झन लेमु खाला माने खिता थुप्‍क्‍यो।

२ पत्रुस 2:3

पैसे लोभकी खित्‍सादु थेबेकी ख्‍योकोनला मेन्‍दा मेन्‍दे बात जोला लाप्‍ला ठगे खिओ। दोक खित्‍कान्‍तेबाला परमेश्‍वरगी सजाय बिन्‍ला नरककुण्‍डमा लुक्‍यो सिन गोमाका साबा ओत। थेकी दि बात टोक ज्‍येता मेत। था थेकी होत्ताराङ थेबाला सजाय तेरग्‍यो।

यहूदा 1:11

था थेबाला आउदी मेलेबा ओङगो। च्‍यिला सासीन थेबेकी कयिनगी खाबा च्‍योकराङ खिदुक। पैसे लोभ खाईन बालामगी खाबा च्‍योकराङ मेलेबा काम खिदुक। थेमे कोरहेकी च्‍योक खाला छ्ये छ्ये मि विरोध खिदुक। दोक खाबेकी थेबाङ कोरह च्‍योकराङ सजाय ङेत्‍ला स्‍यिइओ।