१ तिमोथी 6:6 - जिरेल

⁶ ईन्‍दानी परमेश्‍वरला माने खानामेई लेमु मेङच्‍येते मेन। थेला माने खित्‍जीन चुक खाला सम्‍पत्ति ज्‍वा थुबोङा सिराच्‍योक मिक्‍किता खाला आउदी गा खिन देता थुप्‍क्‍यो।

१ तिमोथी 6:6 Iomraidhean Croise

लूका 12:15

थेमे थेकी थेरू ओताते मि गाङेला “ख्‍योकोन च्‍याङबो खि। ख्‍योकोनगी लोभ सिराते छ्याःङलाङ माकेत। सम्‍पत्ति थुप्रो ओत्‍जीनमेईराङ मिकी लेमु खाला जुनीकाल्‍बा क्‍योङा थुप्‍च्‍येते मेन,” सिन सासुङ।

लूका 3:14

थोकराङ खाईन मिल्‍टेरीओनगीङ वाकीन थेला “ङ्योकोनगीचेन चुक खिसे याङ?” सिन ठिजीन थेकी “मिला ज्‍यीबा लाङला थाराङ पैसा माजो, पैसा ज्‍वाप लाईदु थाराङ दोष लै खाला सुङलाङ दुक्‍पा मातेर। खेराङ जागिरला सन्‍तो खाला देत,” सिन सिदुक।

रोमी 8:28

थेमे दि बादोङ ङुरूङला लेमुराङ खाला छ्या ओत। च्‍यि सासीन परमेश्‍वरला ङिङज्‍ये खित्‍कान्‍ते मिओनलाचेन दुक्‍पा किम्‍मु जेराङ ओङसीनोङ परमेश्‍वरगी लेमुराङ ओङ ज्‍युत्‍क्‍यो। थेबे लाईदु थे खोरोङगी खिओ साबाते काम खिताप सिन परमेश्‍वरगी थेबाला थे खोरोङ दोन्‍दु स्‍योक सिन काताङाते ईन।

२ कोरिन्‍थी 4:17

थरिङोला टिक्‍पी दिन दोक्‍ते दुक्‍पा भोगे खिता फाप्‍सीनोङ दोक खाईन सिन्‍नामेईनी परमेश्‍वरगी ङेराङला सधैँभरि लाईदु मान बिन्‍ला थे खोरोङगी ज्‍वा चाला च्‍योकराङ लेमुका जोइओ। होथे बात सम्‍झे खित्‍जीन ङ्योकोनलानी थरिङोला टिक्‍पी दिन ङेराङगी भोगे खिन ओताते होदोक्‍ते पीरताङ दुक्‍पा छ्याःङ मेन सिराच्‍योक लाङगीदुक।

फिलिप्‍पी 1:21

ख्रीष्‍टला मान खितालाराङ ङा सोन्‍ला देत्‍क्‍यो। ङे लाईदु दि जुनीते छ्येते बात दिराङ ईन। स्‍यिसुङराङ सासीनोङ झन ङाला लेमुराङ ओङगो।

१ तिमोथी 4:8

मिओनगी दाक्‍पोन ङार्मा ओङस्‍यीत सिन खोपरोङ जीउला दुक्‍पा बिन्‍गीन तालिम खाबाते छ्याःङ काम लै मिक्‍किच्‍येतेचेन मेन। ईन्‍सीनोङ परमेश्‍वरला माने खित्‍जीन खाबाते कामचेन दि भन्‍दा खापान खापान खुदुक ईन। दोक्‍ते काम खित्‍कान्‍ते मिलाचेन परमेश्‍वरगी दि जुनीलाकामा मेन तिरी जुनीलाङ आशी तेरग्‍यो सिन साबा ओत।

१ तिमोथी 6:8

साप थुङाताङ खोन्‍दाला दाङच्‍या ओङसीन ङुरूङ सन्‍तो खाला देता थुप्‍क्‍यो।

हिब्रू 13:5

थेमे ख्‍योकोनगी पैसे लोभ माकेत। खेराङताङ जति दुक थेलाराङ सन्‍तो खाला देत। च्‍यिला सासीन परमेश्‍वरगी “ङा ख्‍योकोनला सधैँ लेमु खाला तेइओ। नोमुङ ङा ख्‍योकोनला ताङला मोन्‍डोओ,” सिन साबा ओत।