१ तिमोथी 6:3 - जिरेल

³ थेमे सुइँदेकी ङे लापाच्‍योक मेन्‍गीन खुदुकराङ बात लाप्‍ला ङुरूङ प्रभु येशू ख्रीष्‍ट सत्‍यते बातताङ मिडिक्‍च्‍येते बात लाप्‍सीन थेमे परमेश्‍वरला चुक खाला माने खिता फाप्‍कीते सिन लापा ओताच्‍योक खाईन मालाप्‍सुङ सासीन

१ तिमोथी 6:3 Iomraidhean Croise

मत्ती 22:21

थोक सिरजीन थेबेकी “रोमी गेल्‍बोते,” सिन सासुङ। थेमे थेकी “थोक ईन्‍देकी रोमी गेल्‍बोला तेरा फाप्‍च्‍येते थेला बिन, परमेश्‍वरला तेरा फाप्‍च्‍येतेचेन परमेश्‍वरलाराङ बिन,” सिन सिदुक।

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

रोमी 16:17

आज्‍यो न्‍वावे, था थोरूम बातज्‍यीक च्‍यि सासीन ओर्च्‍ये ख्‍योकोनगी खेराङ नाङ फाटो ओङ ज्‍युत्‍कान्‍ते थेमे खेराङला गोमाका लाप्‍कीन बिन्‍दाते गा लाङच्‍येते बातताङ मिडिक्‍च्‍येते बात लाप्‍ला अलमल्‍ल लोङकान्‍ते मिओन सु सु ईन्‍दाका सिन छ्या स्‍येला थेबाताङ च्‍याङबो खि। थोक्‍ते मिओनताङचेन ख्‍योकोनगी साङराङ माकेत।

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।

१ तिमोथी 1:10

रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते मिओन, मि छोङकान्‍तेबा, ढाँर खित्‍कान्‍तेबा थेमे मेन्‍दे बातलाङ ईन सिन ना केल्‍कान्‍ते मिओन लाईदुङ ईन। परमेश्‍वर नियमचेन होदोक दोक काम खित्‍कान्‍ते मिओन लाईदुकामा मेन। येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातताङ डिकराङ मिडिक्‍च्‍येते कामताङ बात खित्‍कान्‍ते मिओन लाईदु जोबाते ईन।

१ तिमोथी 1:3

ङे थोङला खोत्ताङ ठाल्‍ला म्‍यासिडोनिये अञ्‍चलपा डोजीन साकीन ज्‍याक्‍पाते बात ङा याङराङ सिन ओत। च्‍यि सासीन खुई एफिससदु देत्‍ला थेरू ङेन्‍दा फाप्‍च्‍येते बातताङ डिकराङ मिडिक्‍च्‍येते बात लोप्‍कान्‍ते मिओनला थोक्‍ते बात मालोप सिन कोत।

१ तिमोथी 1:6

होदोक दोक खिता ताङगीन थेबा खालि छ्याःङ काम लै मिक्‍किच्‍येते बातकामा खाला दिन तोङगीन दुक।

२ तिमोथी 1:13

थेमे था ङा खोल्‍ला चुक खि सिते सासीन ङे खोल्‍ला च्‍यि बात चुक सिन लाप्‍कीन बिन्‍दा ओताने थे थेराङ ङेन्‍दा फाप्‍च्‍येते बात ईन सिन टोक मेज्‍येता खाला ज्‍येनतेबाला होथे बातराङ लोप्‍कीन देत। थोक खाला लोप्‍जीन येशू ख्रीष्‍टताङ जीउज्‍यीकराङ ओङाते खुई थेला विश्‍वास खिन देता मातोङ थेमे ज्‍येनला ङिङज्‍ये खिन देताङ मातोङ।

२ तिमोथी 4:3

ङे च्‍यिला दोक साबाते ईन्‍दे सासीन था समयज्‍यीक ओङगो। थेजीनचेन मिओनला मिकी ङेन्‍दा फाप्‍च्‍येते सत्‍यते बात ङेन्‍दाला गाराङ मालाङो। बरू जसकी खोपरोङला ङेन्‍दा सेम लाङच्‍येते बात लोप्‍कीदुक होथोक्‍ते मि काल्‍बेईला रूला गा खिन थेबे बात ङेन्‍ग्‍यो।

तीतस 1:1

दि चिट्ठी टिक्‍कान्‍ते ङा पावल ईन। ङा परमेश्‍वर काम खित्‍कान्‍ते मि ईन। थेमे ङा येशू ख्रीष्‍टकी खटे खाबाते मिङ ईन। परमेश्‍वरगी थे खोरोङ मि सिन छाने खाबाते मिओनगी झन लेमु खाला थेला विश्‍वास खिता थुप्‍स्‍यीत थेमे सत्‍यते बात लेमु खाला छ्या स्‍येला झन थेला लेमु खाला माने खिता थुप्‍स्‍यीत सिन थेबाला लाप्‍ला कोत्‍ला तेरच्‍येते जिम्‍मा ङाला बिन्‍दा ओत।

तीतस 1:9

दोस्‍यिककामा मेन, थोक्‍ते मिचेन सत्‍यते बात दाक्‍पोनला जस्‍तो खाईन लाप्‍कीन बिन्‍ला दुक थोकराङ खाला ङेन्‍गीन देत्‍कानज्‍यीक ओङा फाप्‍क्‍यो। थोक खानामेकी थेकी ज्‍येनतेबेकी खाङ बात ङेन्‍दा फाप्‍च्‍येते ईन्‍दे साला लाप्‍ला बिन्‍ला थेबाला थोकराङ खि सिन लोपा थुप्‍क्‍यो। थेमे थे बातताङ डिकराङ मिडिक्‍च्‍येते बात खित्‍कान्‍ते मिओनला ख्‍योकोनगी मेन्‍दे बात लोप्‍कीन दुक साला हगे हगे ज्‍य्‌वाबा थुप्‍क्‍यो।

तीतस 3:8

दि बात साँच्‍चीराङ ईन्‍दाते बात ईन। थोगी ङा खोल्‍ला च्‍यि सिते सासीन परमेश्‍वरला विश्‍वास खित्‍कान्‍ते थेरू मिओनगी लेमुते काम खित्‍च्‍ये छ्य्‌वापाकामा सेम लै खाला थोकराङ खित्‍स्‍यीत सिन थेबाला दि बात दोरे खाला खाला लाप्‍ला बिन। दि बात लेमु ईन्‍देकी मिओनगी ङेन्‍सुङ सासीन गाङेला लेमु ओङगो।