१ तिमोथी 6:21 - जिरेल

²¹ कोई कोईकी होथोक्‍ते बात खिताला स्‍यूकीन येशू ख्रीष्‍टला विश्‍वास खाईन ङेन्‍दाते बातराङ ङेन्‍दा ताङगीन सिन्‍दा ओत। प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत।

१ तिमोथी 6:21 Iomraidhean Croise

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

रोमी 16:20

ङुरूङला डिक्‍ला थुन्‍ला देत ज्‍युत्‍कान्‍ते परमेश्‍वरगी था होत्ताराङ शैतानला नोमुङ लाङा मुथुप्‍च्‍या खाला ख्‍योकोन तिङबे ओक्‍तु ज्‍य्‌वाक्‍यो। प्रभु येशूकी ख्‍योकोनला दया खिनराङ देत्‍स्‍यीत।

रोमी 16:23

थेमे गायसतेङ ख्‍योकोनला नमस्‍ते ओत्‍लो। ङा पावल थे खाम्‍बादुराङ डोम्‍बो ओङगीन देता ओत। देङला ओताते येशू ख्रीष्‍ट मिओन दि खाम्‍बादुराङ जम्‍मा ओङगीदुक। थेमे इरास्‍तसतेङ ख्‍योकोनला नमस्‍ते ओत्‍लो। थेचेन दि सारदु च्‍यि च्‍यि खिता फाप्‍च्‍या दुका, थोई खर्च लै खित्‍च्‍या दुका सिन ताकान्‍ते मि ईन। थोकराङ खाला ङुरूङ न्‍वा क्‍वार्टसतेङ ख्‍योकोनला नमस्‍ते ओत्‍लो।

कलस्‍सी 4:18

थेमे ङेतेङ ख्‍योकोनला नमस्‍ते सिनचेन ङा पावल ङाराङ लाक्‍पेकीराङ टिगीन ओत। ङा जेलदु ओताते बात टोक माज्‍येत। प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत।

१ तिमोथी 1:19

प्रभु येशू ख्रीष्‍टला विश्‍वास खिन ङेन्‍दाते बात ङेन्‍गीन देता मातोङ। थेमे थोरूमसाक खिन ओता च्‍योकराङ खाला दाक्‍पोनला ङे दोक खिता ठीक मेन सिराच्‍योक लाबाते काम छ्याःङ माकेत। कोई कोईकी होथोक मिक्‍किता खाईन प्रभु येशू ख्रीष्‍टला विश्‍वास खिता ताङेकी थेबाला छ्येज्‍यीक हानी ओङा ओत।

१ तिमोथी 1:6

होदोक दोक खिता ताङगीन थेबा खालि छ्याःङ काम लै मिक्‍किच्‍येते बातकामा खाला दिन तोङगीन दुक।

१ तिमोथी 6:10

च्‍यिला सासीन पैसे लोभकी खित्‍सादुराङ मिकी जेसुकै मेलेबा काम खित्‍च्‍येते ईन। पैसे लोभला स्‍यूकीन कोई कोईकी येशू ख्रीष्‍टला विश्‍वास खाईन ङेन्‍दाते बात ङेन्‍दा ताङला दुक। थोक खाबेकी खित्‍सादु थेबा हत्तेरिका ङे च्‍यिला थोक खाताका सिराच्‍योक गाल्‍गीन थेबे सेम पीरताङ तापकी छोला दुक।

२ तिमोथी 2:18

थेबा ङिबोकीचेन सत्‍यते बात ङेन्‍दा ताङगीन परमेश्‍वरगी थे खोरोङ मिओनला सोम्‍बो लोक्‍च्‍येते काम खाईन सिन्‍दा ओत सिन लोप्‍कीदुक। थेबेकी दोक्‍ते मेन्‍दाते बात लापेकी येशूला विश्‍वास खित्‍कान्‍तेबा कोई कोईकी सत्‍यते बात ङेन्‍दा तोङगीन दुक।

२ तिमोथी 4:22

लो प्रभु येशू ख्रीष्‍ट खोत्ताङ ङ्योम्‍बुराङ देत्‍स्‍यीत। थेमे ख्‍योकोन गाङेला थेकी दया खिनराङ देत्‍स्‍यीत।

तीतस 3:15

दुरू ङात्ताङ ओताते गाङेकी खोल्‍ला नमस्‍ते ओत्‍लो। येशूला विश्‍वास खिन ङ्योकोनला ङिङज्‍ये खित्‍कान्‍ते थेरू ओतातेबा गाङेला ङ्योकोनते नमस्‍ते ओत्‍लो सि। प्रभु येशू ख्रीष्‍टकी ख्‍योकोन गाङेला दया खिनराङ देत्‍स्‍यीत।

हिब्रू 13:25

प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत।