१ तिमोथी 6:20 - जिरेल

²⁰ लो तिमोथी, परमेश्‍वरगी खोरोङला जिम्‍मा बिन्‍दाते काम खि साबा च्‍योकराङ खाला खिन देत। परमेश्‍वर बातताङ डिकराङ मिडिक्‍च्‍येते कामराङ लै मिक्‍किच्‍येते बातला नामज्‍योक मासेत। च्‍यि बात चुक ईन्‍दे सिन लेमु खाईन छ्या स्‍येबा ओताच्‍योक खाला सत्‍यते बात ईन सिन मेन्‍दे बात लोप्‍कान्‍ते मि बात नोमुङ माङेन।

१ तिमोथी 6:20 Iomraidhean Croise

शक्ति काम 16:1

थोक खिन पावलबा डर्बीपा लेप्‍सुङ। थेमे थेरूकीङ लिस्‍त्रापा गाल्‍सुङ। लिस्‍त्रादु तिमोथी सिराज्‍यीक येशू चेला ओतान। थेते आमाते यहूदी थेमे आबाचेन ग्रीक ओतान। थे आमातेङ येशूला विश्‍वास खित्‍कान्‍ते मि ओतान।

शक्ति काम 17:18

थे मि रूक्‍सादु इपिक्‍युरीताङ स्‍तोइकी सिरातेन्‍दे पाटी गुरूओनोङ ओतान। पावलगी लापाते येशू बात थेमे स्‍यिनामेकी याङराङ सोम्‍बो लोइओ सिरच्‍येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्‍यि ङेन्‍च्‍ये?” सिन सासुङ। लालेकीचेन “दिकी ज्‍येन लुङबे ल्‍हे बात खित्‍च्‍या ईन्‍दा च्‍यिन्‍दा,” सिन सासुङ।

शक्ति काम 17:21

थेबेकी च्‍यिला पावलला थोक साबा ओताने सासीन थे सारगी मि थेमे ज्‍येन लुङबादुकी थेरू देताला वाबाते मिओन काल्‍बा च्‍योक्‍ते गाङेराङ गोमा थोबा मेताते साम्‍बा साम्‍बाते बात खालाकामा ङीन तोङगीन ओतान।

रोमी 1:22

थेबेकी खोपरोङगी जे बादोङ छ्या स्‍येक्‍यो, जेङ खिता थुप्‍क्‍यो सिराला स्‍यूनामेई थेबा झन सो साकान पशु च्‍योकराङ डुइन गाल्‍सुङ।

रोमी 3:2

थोक सिरकानला ङा च्‍यि सिते सासीन यहूदी ओङाला काल्‍बेई फाइदा ओत। गाङे भन्‍दा गोमानी परमेश्‍वरगी थेबाताङ बात खाईन थेबाला थे खोरोङ बात बिन्‍दा ओत।

१ कोरिन्‍थी 2:6

ईन्‍सीनोङ बात लेमु खाला खोबा थुप्‍कान्‍ते पाकोते मिओनताङचेन ङ्योकोन बुद्धि बादोङ खिओ। तर ङ्योकोनगी खित्‍च्‍येते बुद्धि बातचेन दि सा लुङबे मिओन थेमे ज्‍येनला राज्‍य खित्‍कान्‍ते मिओनगी खित्‍च्‍येते बुद्धि बात च्‍योक्‍ते मेन। थे छ्ये छ्ये मिनी ङीमाई दाक स्‍यिला थेबेते जेसुकै तोरला डुइओ।

१ कोरिन्‍थी 3:19

दि सा लुङबे मित्ताङ जतिराङ बुद्धि ओत्‍सीनोङ परमेश्‍वर दोन्‍दु थे छ्याःङ काम लै मिक्‍किओ। परमेश्‍वर लाईदु दिनी लेम्‍बे बात च्‍योक ईन। परमेश्‍वर बातला “आउदी बुद्धि ओताते मिओनगी जतिराङ बुद्धि खिये खाईन जे खासीनोङ परमेश्‍वरगी दाक थेबे गल्‍ती थेप्‍क्‍यो,” सिन साला दुक।

कलस्‍सी 2:18

थेमे परमेश्‍वरला माने खिताला बर्त देत्‍च्‍येतेताङ दुक्‍पा खाला खाला होदोक्‍ते काम काल्‍बेई खिता फाप्‍क्‍यो, परमेश्‍वर दूतओनलाङ माने खिता फाप्‍क्‍यो सिन सिरकान्‍ते मि सुङगीङ बात माङेन। थोक्‍ते मि बात ङेन्‍सीन ख्‍योकोनगी परमेश्‍वरगी तेरच्‍येते इनाम मेङेदो। होथोक सिरकान्‍ते मिओनगीचेन परमेश्‍वरगी ङ्योकोनला मिलाम खित ज्‍युताच्‍योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्‍ते बात खिन छ्ये खिन ख्‍याम्‍ग्‍यो।

कलस्‍सी 2:8

ख्‍योकोन च्‍याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्‍च्‍येते बातनी छ्याःङ काम लै मिक्‍किच्‍येते ईनराङ मेन्‍दे बात ईन। थोक्‍ते बातनी दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति बातकामा ईन। थोक्‍ते बात ख्रीष्‍ट सु ईन्‍दे, चुक्‍ते ईन्‍दे सिरच्‍येते बातताङ बान्‍दा मिडिगो।

२ थिस्‍सलोनिकी 1:4

थेमे ज्‍येनगी खेराङला खेदा खाईन जति दुक्‍पा बिन्‍सीनोङ थेमे जति दुक्‍पा भोगे खिता फाप्‍सीनोङ ख्‍योकोनगी सेम मेसेता खाईन प्रभु येशूला विश्‍वास खिनराङ देताते बात ठाउँ ठाउँला जम्‍मा ओङकान्‍ते परमेश्‍वर मिओनला ङ्योकोन गा खिनकामा लाःप्‍कीन ख्‍याम्‍ग्‍यो।

२ थिस्‍सलोनिकी 2:15

बात दोक दोक ईन्‍देकी आज्‍यो न्‍वावे, ख्‍योकोनगी ङेन्‍गीन वाबाते बात ङेन्‍गीनराङ देत। ख्‍योकोनताङ ङ्योम्‍बु ओत्‍जीन लापाते ईन्‍स्‍यीत थेमे चिट्ठीला टिकीन ताङाते ईन्‍स्‍यीत ङ्योकोनगी लापाते बात ङेन्‍दा मोतोङा खाला चुक खि सिन लापा ओताने थोकराङ खिन देत।

१ तिमोथी 1:11

येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातचेन गा लाङच्‍येते बातला साबा ओत। गा लाङच्‍येते बातचेन आउदी अचम्‍बते बात ईन। दि बातचेन जेसुकै ओत्‍कान्‍ते परमेश्‍वरगी मिओनला छ्या स्‍ये च्‍युता ओत। थेमे दि बात ज्‍येन मिओनला लोप सिन थेकी ङाला जिम्‍मा बिन्‍दा ओत।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

१ तिमोथी 1:4

थेमे थेबाला छ्याःङ काम लै मिक्‍किच्‍येते कथा थेमे थाङबो थाङबोमे वंशावली बात खाला दिन तोङच्‍येते माकेत सि। थोक्‍ते बात खित्‍जीन खालि टेकाटेउरीकामा स्‍योरग्‍यो, नोमुङ डिक्‍च्‍येते बात मेङगो। थोक्‍ते बात खित्‍कान्‍ते मिओनगीचेन परमेश्‍वरगी मिओन नाङ खिता चालाते काम मिक्‍किओ। येशू ख्रीष्‍टला लेमु खाला विश्‍वास खालाकामा परमेश्‍वरगी खिता चालाते काम खिता थुप्‍क्‍यो।

१ तिमोथी 1:6

होदोक दोक खिता ताङगीन थेबा खालि छ्याःङ काम लै मिक्‍किच्‍येते बातकामा खाला दिन तोङगीन दुक।

१ तिमोथी 1:9

परमेश्‍वर नियमचेन थे नियमला खि साबा साबाच्‍योक खित्‍कान्‍ते मिओन लाईदु जोबाते मेन सिनोङ ङुरूङला छ्या ओत। थे नियम चुक्‍ते मिओन लाईदु जोबाते ईन्‍दे सासीन नियम कानून मेङेन्‍कान्‍तेताङ मनपरी खाला ख्‍याम्‍कान्‍ते मिओन, परमेश्‍वरला मान मिक्‍किकान्‍तेताङ पापीओन, परमेश्‍वरला मन परे मिक्‍किच्‍येते काम खित्‍कानताङ परमेश्‍वर ओतराङ मेत सिन थे विरोध खित्‍कान्‍ते मिओन लाईदु जोबाते ईन। थोक्‍ते मिओन लाईदुकामा मेन, दाक्‍पोन आबा आमाला थेमे ज्‍येन मिओनला सेत्‍कान्‍ते मिओन,

१ तिमोथी 4:7

थेपा कोई कोई मिकी लोप्‍कीन ओताते कामराङ लै मिक्‍किच्‍येते कथाला खुई नामज्‍योक मासेत, ज्‍येनलाङ ङेन माज्‍युत। थेबेकी लोप्‍च्‍येते बातनी सत्‍यते बातताङ डिकराङ मिडिक्‍च्‍येते थेमे थाङनेते फेम्‍मे मि बात च्‍योक्‍ते ईन। थोगी खुई परमेश्‍वरला चुक खाला माने खिन ओते थे छ्य्‌वापा स्‍येत लै खाला झन थोक खिनराङ देत।

१ तिमोथी 6:11

तर खोचेन परमेश्‍वरगी खि साबाते काम खित्‍कान्‍ते मि ईन। थोगी खुई थोक्‍ते मेलेबा काम छ्याःङ माकेत। खुईचेन परमेश्‍वरगी खि साबा च्‍योकराङ खिन देत, थेला चुक खाला माने खिता फाप्‍च्‍येते ईन्‍दे थोकराङ खाला माने खि, येशू ख्रीष्‍टला विश्‍वास खिन देत। दोस्‍यिककामा मेन, ज्‍येनला ङिङज्‍ये खि, दुक्‍पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्‍च्‍ये छ्य्‌वापाकामा सेम लै खि।

१ तिमोथी 6:14

च्‍यि सासीन प्रभु येशू ख्रीष्‍ट स्‍वर्गनेकी ग्‍युरला ओङ ओङसाकराङ ङे खोल्‍ला खि साबाते दि बाततेबा दोक्‍पोईओङ मोतोङा खाला गाङे खिन देत। खुई दोक माक्‍यासुङ सिन सुङगीङ सिरा मेङेत्‍स्‍यीत।

२ तिमोथी 2:1

थेमे फुज्‍यो, येशू ख्रीष्‍टकी खित्‍सादु परमेश्‍वरगी खोल्‍ला दया खाईन शक्ति बिन्‍दा ओतेकी खो छ्याःङ ज्‍यीबा माकेत।

२ तिमोथी 2:16

थेमे सत्‍यते बातताङ डिकराङ मिडिक्‍च्‍येते कामराङ लै मिक्‍किच्‍येते बातला नोमुङ नामज्‍योक मासेत। थोक्‍ते बात खिन देत्‍कान्‍ते मिओनगीनी झन झन परमेश्‍वरगी माकेत साबाते कामकामा खिन डुइओ।

तीतस 1:14

थोक खाला थेबेकी थे यहूदीओनगी जोला लोप्‍च्‍येते छ्याःङ काम लै मिक्‍किच्‍येते बातताङ कथाओनला नामज्‍योक मेसेत्‍स्‍यीत थेमे सत्‍यते बात मेङेन्‍कान्‍ते मिओनगी ङेन्‍दा फाप्‍क्‍यो सिन साबाते रीतिथिति माने खिता तोङस्‍यीत सिन होथोक खि।

तीतस 1:4

दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।

तीतस 1:9

दोस्‍यिककामा मेन, थोक्‍ते मिचेन सत्‍यते बात दाक्‍पोनला जस्‍तो खाईन लाप्‍कीन बिन्‍ला दुक थोकराङ खाला ङेन्‍गीन देत्‍कानज्‍यीक ओङा फाप्‍क्‍यो। थोक खानामेकी थेकी ज्‍येनतेबेकी खाङ बात ङेन्‍दा फाप्‍च्‍येते ईन्‍दे साला लाप्‍ला बिन्‍ला थेबाला थोकराङ खि सिन लोपा थुप्‍क्‍यो। थेमे थे बातताङ डिकराङ मिडिक्‍च्‍येते बात खित्‍कान्‍ते मिओनला ख्‍योकोनगी मेन्‍दे बात लोप्‍कीन दुक साला हगे हगे ज्‍य्‌वाबा थुप्‍क्‍यो।

तीतस 3:9

तर बात खाला नोमुङ डिक्‍पा मुथुप्‍च्‍येते छ्याःङ काम लै मिक्‍किच्‍येते थाङबो थाङबोमे वंशावली बातओन खित्‍च्‍येते थेमे परमेश्‍वर नियम बात खाला टेकाटेउरी खिन थोम्‍मु खित्‍च्‍येतेचेन नोमुङ माकेत। थोक्‍ते बात खाला डिक्‍च्‍येतेताङ सुइँदाला लेमु ओङच्‍येते सिराते नोमुङ छ्याःङ मेङगो।

छ्या स्‍ये च्‍युताते बात 3:3

ख्‍योकोनला गोमाका च्‍यि सिन लापा ओताने थेमे खेराङगी चुक लेमु खाईन ङेन्‍दा ओताने थे बात सम्‍झे खि। थेमे लोक्‍ला गोमा च्‍योकराङ खि। दोक माक्‍यासीन ङा ख्‍योकोन ओत्‍सादु चोर च्‍योक थाहाराङ मेङेता खाला ओङगो। ङा नाम ओङगीते सिन ख्‍योकोनगी छ्याःङ छ्या मेस्‍येओ।