१ तिमोथी 6:19 - जिरेल

¹⁹ थोक खित्‍च्‍येतेराङ थेबे लाईदु स्‍वर्गने जम्‍मा ओङगीन डोच्‍येते सम्‍पत्ति ईन। दि सम्‍पत्ति ओत्‍नामेई तिरी थेबाला लेमु ओङला नोमुङ मिसिन्‍च्‍येते जुनी ङेत्‍क्‍यो।

१ तिमोथी 6:19 Iomraidhean Croise

मत्ती 19:21

थेमे थेकी “खोल्‍ला परमेश्‍वरगी खि साबा साबा च्‍योककामा खाला साँच्‍चीराङ नोमुङ मिसिन्‍च्‍येते जुनी ङेता सेम लाङगीदुक सासीन था गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

लूका 12:33

खेराङताङ ओताते सम्‍पत्ति च्‍वाला दुक्‍पा ङेताते मिओनला गोला बिन। दुरू सम्‍पत्ति सोक्‍पा साटोला ख्‍योकोनगी स्‍वर्गने दाक्‍पोन मिनला सम्‍पत्ति स्‍वा। स्‍वर्गे सम्‍पत्तिचेन दुरूते च्‍योक घटेङ मिक्‍किओ, चोरगीङ क्‍वा मुथुबो थेमे बुईकीङ मास्‍साओ।

लूका 16:25

थेकी थोक सिरजीन अब्राहामगी ‘फुज्‍यो, खुई गोमे बात ठेम्‍बा खि। थोङला खुई स्‍यीम्‍बु स्‍यीम्‍बु सोकीन थुकीन जुनी क्‍याङा ओतान। थेजीन लाजरसकी चुकस्‍यिक दुक्‍पा ङेता ओताने सिन खुई टोक ज्‍येता मेतासीन। था दि दुरू आनन्‍द खाईन देत्‍ला दुक। थेमे खोचेन दुक्‍पा भोगे खिन दुक।

लूका 16:9

ङा ख्‍योकोनलाचेन चुक खि सिते सासीन खेराङ सम्‍पत्ति दुक्‍पा ङेताते मिओनला गोला बिन। थेमे थेबा ख्‍योकोन र्‍वा ओङगो। सम्‍पत्ति सिरे जानी ङीमाई दाक सिन्‍ला डुइओ। थोगी ख्‍योकोनगी ङे खि साबा च्‍योकराङ खि। थोक खासीनराङ ख्‍योकोनगी स्‍वर्गने देत्‍च्‍येते ठाउँ ङेत्‍क्‍यो।

लूका 18:2

थेकी च्‍यि सिका सासीन “पालोई सारज्‍यीक्‍तु न्‍यायाधीशज्‍यीक ओताक्‍वालो। थेचेन परमेश्‍वरगी छ्येन विचार खिओ सिन छ्याःङ ज्‍यीबा खिन मेतानलो। थेमे मि दुक्‍पा छ्याःङ मोखोबा खाला मनपरी खाला न्‍याय खिन ओतानलो।

लूका 18:22

थेमे येशूकी थेला “नोमुङ मिसिन्‍च्‍येते जुनी ङेता सेम लासीन थोरूमोङ खुई खिता फाप्‍च्‍येते कामज्‍यीक ओत। था खुई गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

एफिसी 3:17

थेमे थेला विश्‍वास खाबेकी खित्‍सादु ख्‍योकोन सेमगी नाङ ख्रीष्‍ट देत्‍स्‍यीत सिन प्रार्थना खिओ। थेमे ख्रीष्‍ट ङुरूङला थोई ङिङज्‍ये खित्‍कान्‍ते ईन्‍दे सिन नोमुङ टोक मेज्‍येता खाला जहिलेङ ख्‍योकोनगी ज्‍येनला ङिङज्‍ये खिन देता थुप्‍स्‍यीत।

फिलिप्‍पी 3:12

ङे छ्या स्‍येबा चालाते होथे बातबरी गाङे छ्या स्‍येकीन सिन्‍दा ओत थेमे ङाराङगी ङेत्‍च्‍येते गाङे ङेत्‍कीन सिन्‍दा ओत सिन ङा मिसिरो। थेमे परमेश्‍वरगी ज्‍वा चाला च्‍योकराङ ङाराङ लेमु ओङगीन सिन्‍दा ओत सिनोङ मिसिरो। येशू ख्रीष्‍टकी ङाला थे खोरोङ मि जोबा ओतेकी परमेश्‍वरगी तेरग्‍यो साबाते इनाम ङेत्‍च्‍ये छ्य्‌वापा ङा थुपासम्‍म स्‍येत खिन ओत।

फिलिप्‍पी 3:14

दोक खाला ङा खालि ङाराङगी नाम इनाम ङेदोङा सिरच्‍ये छ्य्‌वापाकामा स्‍येत खिन देत्‍क्‍यो। ङे ङेत्‍च्‍येते इनामचेन स्‍वर्गने देता ङेत्‍च्‍येते ईन। येशू ख्रीष्‍टकी खाबाते कामगी खित्‍सादु परमेश्‍वरगी ङाला थेने देताला काताङाते ईन।

१ तिमोथी 6:12

येशू ख्रीष्‍टला विश्‍वास खाईन ङेन्‍दाते बात ङेन्‍दा मोतोङा खाला जति दुक्‍पा ओङसीनोङ थे बातला साबा च्‍योकराङ खि। नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी खोल्‍ला थे खोरोङ दोन्‍दु स्‍योक सिन काताङाते ईन मेन? थेजीन खुई मि काल्‍बेई ङोन्‍दु ङा प्रभु येशू ख्रीष्‍टला विश्‍वास खिओ सिनोङ साबा ओत। था थे नोमुङ मिसिन्‍च्‍येते जुनी खुई खोरोङ लाःक्‍तुकी स्‍योर माज्‍युत।

२ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङे कामचेन परमेश्‍वरगी तेरग्‍यो साबाते नोमुङ मिसिन्‍च्‍येते जुनीचेन येशू ख्रीष्‍टकी खित्‍सादु ङेत्‍क्‍यो सिन ज्‍येनला लोप्‍च्‍येते ईन।

२ तिमोथी 2:19

तर परमेश्‍वर सत्‍यते बातचेन नोमुङ माराम्‍च्‍या खाईन तिङाते खाम्‍बे जग च्‍योकराङ ईन। थे बात नोमुङ खुदुक मोन्‍डोओ। खइँदा खाम्‍बा च्‍यि लाईदु जोबाते ईन्‍दे सिन खाम्‍बे दोज्‍यीकला कोरगीन टिबाते बात च्‍योक खाईन परमेश्‍वर सत्‍यते बातला दोक दोक सिन टिबा ओत। चुक सासीन “थे खोरोङ मि सु सु ईन्‍दे सिन प्रभु परमेश्‍वरगी लेमु खाला छ्या स्‍येक्‍यो,” थेमे “प्रभु परमेश्‍वर मि ईन सिन सिरकान गाङेकी मेलेबा काम खिता तोङा फाप्‍क्‍यो,” सिन टिबा ओत।

१ पत्रुस 1:4

थेकी थे खोरोङ मिओनला स्‍वर्गने तेरग्‍यो सिन साबाते ङेत्‍क्‍यो सिन ङुरूङ गुकीन देता ओत। थेने ङुरूङगी ङेत्‍च्‍येते नोमुङ नाश मोन्‍डोओ, सिन्‍ला तोरलाङ मोन्‍डोओ।