१ तिमोथी 6:18 - जिरेल

¹⁸ थेबाला सम्‍पत्ति सोक्‍पा साटोला ज्‍येनलाङ ता फाप्‍क्‍यो सिन खोपरोङ सम्‍पत्ति ज्‍येनताङ गोला सो सि। दोक खिन लेमुते कामकामा खि सि।

१ तिमोथी 6:18 Iomraidhean Croise

मत्ती 5:42

सुइँदेकी खइँदा नाङ खासीन थेबाला बिन। थेमे ऋण छ्याबा नाङ सिरकानलाङ मेतेरो मासेर, थेलाङ बिन।

लूका 12:21

थोगी बुद्धि मेताते मि सिरातेचेन होथोक्‍ते मि ईन। तिरी बो माताबा खाला थोक्‍तेकीचेन सम्‍पत्ति लाक सम्‍पत्ति साला छ्युक्‍पु डुइओ। परमेश्‍वर दोन्‍दु धनी ओङच्‍येतेचेन दोक खाला मेन। दोक्‍ते सम्‍पत्ति ओत्‍ला तिरी छ्याःङ फाइदा मेङगो,” सिन सिदुक।

लूका 3:11

थेकी “ख्‍योकोनगी दोक खि। च्‍यि सासीन सुइँदाताङ फेङगाक ङि ओत्‍सीन दोक्‍पोई ज्‍येन मेत्‍कानला बिन। थोकराङ खाला ओत्‍कान्‍तेबेकी छ्याःङ मेतातेबाताङ गोला सो,” सिन सिदुक।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

शक्ति काम 11:29

अगाबसकी साबाते बात थोनामेकी थेरू ओताते चेलातेबा गाङेकी यहूदिये अञ्‍चलदु ओताते येशूला विश्‍वास खित्‍कान्‍ते ज्‍येन आज्‍यो न्‍वाओन लाईदु पैसा दुला तोङगी सिन ठो खासुङ। थेमे थेबाबरीकी खोपरोङगी जति जति तेरा थुप्‍कीदुक उति उतिराङ पैसा जम्‍मा खासुङ।

शक्ति काम 9:36

योप्‍पादु तबीता सिराज्‍यीक फेम्‍मे मि ओतान। थेङ येशू चेला ओतान। तबीता साबाते खास्‍याक साबाते ईन। थेकी मि काल्‍बेईला लेमु खिन ओतान। थेमे दुक्‍पा ङेताते मिओनलाङ दुक्‍पाला आउदी खाला तेइन ओतान।

रोमी 12:13

परमेश्‍वर सन्‍तान नाङ दुक्‍पा ङेतातेबाताङ गोला सो। खाम्‍बादु वाबाते मि गाङेला लेमु खि।

रोमी 12:8

ज्‍येनला सल्‍लाह बिन्‍ला आँट तेरा थुप्‍कान्‍ते मिकी ज्‍येनतेबे नाङ दोक खिता फाप्‍क्‍यो। थेमे दुक्‍पा ङेता ओताते मिओनताङ गोला साच्‍येते सीप बिन्‍दा ओताते मिकीङ कुच्‍यीरी मिक्‍किता खाला तेरा थुपासम्‍म तेरा फाप्‍क्‍यो। थोकराङ खाला सुइँदाला परमेश्‍वरगी थे खोरोङ सन्‍तानओनला ताकान्‍ते छ्येते मि जोला दुक सासीन थोक्‍ते मिकीङ अल्‍छी मिक्‍किता खाला लेमु खाला थे काम खिता फाप्‍क्‍यो। नाबाते थेमे सुङ मेताते गरीब दुःखीला ताच्‍येते सीप ङेता ओताते मिकीङ सुइँदे करला फाप्‍कीन खाबाच्‍योक मिक्‍किता खाला सोचित्तेकीराङ थे काम खिता फाप्‍क्‍यो।

१ कोरिन्‍थी 16:2

चुक सासीन हप्‍ताई पिच्‍छे आदेरी छोमु छोमु ख्‍योकोन गाङेकी दाक्‍पोन दाक्‍पोन कमाइ ताला खेराङगी तेरा थुप्‍च्‍या थुप्‍च्‍याज्‍यीक पैसा थेबे लाईदु टाल्‍ला ठाउँज्‍यीक्‍तु जम्‍मा खाला स्‍योक। थोक खाईन जम्‍मा खाईन ज्‍याक्‍सीन ङा थेपा वानामेकी थे पैसा दुत्‍च्‍येते काम खिता माफाबो।

२ कोरिन्‍थी 8:12

ख्‍योकोनते तेरच्‍येते सेम ओत्‍सुङ सासीन खेराङगी जति तेरा थुप्‍कीदुक थोस्‍यिकराङ बिन्‍सीनोङ परमेश्‍वरला लेमुराङ लाङगो। खेराङताङ ओतराङ मेतातेका परमेश्‍वरगी बिन सिनोङ मिसिरो।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

गलाती 6:10

बात दोक ईन्‍देकी ज्‍येनला लेमु खित्‍च्‍येते मौका ओत्‍केलाराङ ङुरूङगी मि गाङेला लेमु खिता फाप्‍क्‍यो। थोरूम काल्‍बा च्‍योक्‍तेचेन ङुरूङगी येशू ख्रीष्‍टला विश्‍वास खाईन खाम्‍बाज्‍यीक मि च्‍योकराङ ओङा ओताते मिओन नाङ दोक खिता फाप्‍क्‍यो।

एफिसी 4:28

गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

१ तिमोथी 5:10

दोस्‍यिककामा मेन, थेबाचेन लेमु कामगी लाईदु मिन चले खाबाते मि ओङा फाप्‍क्‍यो। थोक साबाते च्‍यि सासीन फुज्‍युङ फुमुला लेमु खाईन हुर्के खाबाते, खाम्‍बादु वाबाते मिला लेमु खित्‍कान्‍ते, परमेश्‍वर सन्‍तानओन खाम्‍बादु ओङजीन काम्‍बा टुला तेरकान्‍ते, दुक्‍पा ओताते मिओनला ताकान्‍ते थेमे ज्‍येनोङ होदोक्‍ते लेमुते काम खित्‍च्‍ये छ्य्‌वापा स्‍येत खिन देताते फेम्‍मे मि ओङा फाप्‍क्‍यो।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

तीतस 3:8

दि बात साँच्‍चीराङ ईन्‍दाते बात ईन। थोगी ङा खोल्‍ला च्‍यि सिते सासीन परमेश्‍वरला विश्‍वास खित्‍कान्‍ते थेरू मिओनगी लेमुते काम खित्‍च्‍ये छ्य्‌वापाकामा सेम लै खाला थोकराङ खित्‍स्‍यीत सिन थेबाला दि बात दोरे खाला खाला लाप्‍ला बिन। दि बात लेमु ईन्‍देकी मिओनगी ङेन्‍सुङ सासीन गाङेला लेमु ओङगो।

हिब्रू 13:16

थेमे दोक्‍पोईकी ज्‍येनज्‍यीकला लेमु खित्‍च्‍येतेताङ ज्‍येनताङ गोला साच्‍येते खिन देत। थेला मन परे खित्‍च्‍येते भोग बिन्‍दा च्‍योक्‍तेचेन होदोक दोक खित्‍च्‍येते ईन।

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

१ पत्रुस 3:11

मेलेबा काम खिता ताङला लेमु काम खिता फाप्‍क्‍यो। थेमे चुक खाला गाङेताङ डिक्‍ला थुन्‍ला देता थुप्‍कीका थे छ्य्‌वापाराङ स्‍येत खिता फाप्‍क्‍यो।

१ यूहन्‍ना 3:17

दोक सिइना, सुइँदा मित्ताङ जेसुकै वालछ्येल दुक थेमे थेकी थे खोरोङ आज्‍यो न्‍वातेबा सुइँदा दुक्‍पा ङेत्‍कीन फेटेक फेटेक परे खाबा थोङजीनोङ थेला मिक कार्बोकीङ ग्‍युरला मातादुक सासीन च्‍यि थेकी परमेश्‍वरगी ज्‍येनला ङिङज्‍ये खि साबाच्‍योक खाईन ङिङज्‍ये खाबाते ईनरो?

३ यूहन्‍ना 1:11

ङिङज्‍येते र्‍वा खुईचेन ज्‍येनगी मेलेबा बानी मालोप, लेमुते बानीकामा लोप। लेमुते कामताङ बात खित्‍कान्‍ते मिचेन परमेश्‍वरताङ डिक्‍कान्‍ते ईन। मेलेबा काम खित्‍कान्‍ते मिकीनी परमेश्‍वरला थोङाराङ मेत।