१ तिमोथी 6:17 - जिरेल

¹⁷ थेमे थरिङोला छ्युक्‍पु ओताते मिओनला दोक सिन कोत। थेबाला छ्ये माकेत सि, सम्‍पत्ति ओत्‍कीन ओत सिन ढुक्‍क खाला मादेत सि। थोक्‍ते सम्‍पत्तिनी नामसाक दाक्‍पोन लाःक्‍तु देत्‍कीते सिन छ्याःङ छ्या मेङगो। बरू थेबाला परमेश्‍वरला भर परे खिता लोप सिन सि। थेकीराङ ङुरूङला गोच्‍येतेबरी दाङच्‍या ख्‍योप्‍च्‍या खाला बिन्‍ला गा खिन देत ज्‍युत्‍क्‍यो।

१ तिमोथी 6:17 Iomraidhean Croise

मत्ती 12:32

थोकराङ खाला परमेश्‍वर ओत्‍सादुई वाबाते मि ङे विरोध खाला मेलेबा बात खिदुक सासीन थेकी माफ ङेता थुप्‍क्‍यो। ईन्‍दा मेन्‍दा साकीन परमेश्‍वर आत्‍मे विरोध खासीन थोक्‍ते मिकीचेन दि जुनीलाङ तिरी जुनीलाङ नोमुङ माफ मेङेदो।

मत्ती 19:23

थे मि थोक खाईन गाल्‍नामेई येशूकी चेलातेबाला “ङा ख्‍योकोनला दि बात सिओ। चुक सासीन छ्युक्‍पुते मिओनला स्‍वर्गे राज्‍यने स्‍यूक्‍पाला आउदी दुक्‍पा ओङगो।

मत्ती 25:16

थोक खाईन मालिकते गाल्‍नामेई थे चाँदी डबल धार्नी खाल सुमजो ङेत्‍कान्‍तेकी होत्ताराङ थे पैसा बेपारला लै खाईन थे लाक्‍तु ज्‍येन चाँदी डबल धार्नी खाल सुमजो जोदुक्‍लो।

मत्ती 27:57

थेमे थे छोमु नाम स्‍योनामेई यूसुफ सिराते मिज्‍यीक थेरू लेप्‍सुङ। थे छ्युक्‍पुज्‍यीक ओतान। थेमे थे अरिमाथियापे मि ओतान। थेकीङ येशूला विश्‍वास खिताला स्‍यूबा ओतान।

मत्ती 6:32

परमेश्‍वरला छ्या मेस्‍येकान्‍ते मिओनगीकामा खालि साच्‍या थुङच्‍याताङ खोन्‍च्‍ये विचारकामा खिन देत्‍क्‍यो। ख्‍योकोनला साप थुङा थेमे खोन्‍दा गोक्‍यो सिननी स्‍वर्गने देत्‍कान्‍ते ख्‍योकोन आबा परमेश्‍वरला दाक छ्या ओत याङ।

मर्कूस 10:24

थेकी दोक सिरजीन चेलातेबाला आउदी अचम्‍ब लासुङ। लोक्‍ला थेकी थेबाला “ईन फिजावे, परमेश्‍वर राज्‍यने स्‍यूक्‍पाला आउदी दुक्‍पा ईन।

लूका 19:2

थे सारदु जखायस सिराज्‍यीक मि ओतान। थेचेन कर लिन्‍कान्‍ते मिओनते छ्येते मि ओतान। थे आउदी छ्युक्‍पु ओतान।

लूका 3:11

थेकी “ख्‍योकोनगी दोक खि। च्‍यि सासीन सुइँदाताङ फेङगाक ङि ओत्‍सीन दोक्‍पोई ज्‍येन मेत्‍कानला बिन। थोकराङ खाला ओत्‍कान्‍तेबेकी छ्याःङ मेतातेबाताङ गोला सो,” सिन सिदुक।

शक्ति काम 14:17

थेकी ख्‍योकोनला सधैँभरि लेमु खिनराङ देत्‍सुङ। खेतीपाती लै खिताला बेला बेलाला छ्यार्बा देक च्‍युत्‍ला बालीनाली ले ज्‍युत्‍कान्‍ते थेराङ ईन। थेमे मिओनला गोच्‍येते साप थुङा बिन्‍ला गाङेला गा खिन देत ज्‍युत्‍कान्‍तेङ थेराङ ईन,” सिन बात खासुङ।

शक्ति काम 14:27

थेपा लेप्‍नामेकी येशू ख्रीष्‍ट मि गाङेला जम्‍मा खाईन थेबा ङिबोकी परमेश्‍वरगी खोपरोङला चुक चुक खित च्‍युत्‍सुङा थेमे ज्‍येन ज्‍येन जातकी मिलाङ थेकी चुक खाईन येशूला विश्‍वास खित्‍च्‍येते मौका बिन्‍सुङा सिन गाङे बात लाःप्‍सुङ।

शक्ति काम 17:25

थेलानी मिओनगी चढे खाबातेङ छ्याःङ मोगोओ। मिओनला जुनी तेरकान्‍ते थेराङ ईन। मिओनला गोच्‍येते जेसुकै थेकीराङ तेरग्‍यो।

रोमी 11:20

ईन्‍दानी ईन। तर दि बात टोक माज्‍येत। च्‍यि सासीन परमेश्‍वरगी खोपरोङला येशू ख्रीष्‍ट छ्य्‌वापेकी लेमु खिओ सिन पत्ते माक्‍याबेकी थेकी थेबाला थोक खाईन ताङाते ईन। थेमे ख्‍योकोनगीचेन थे बात पत्ते खाईन थेला विश्‍वास खिन देतेकी खित्‍सादुकामा थेबे साटोला थेकी ख्‍योकोनला थे खोरोङ मि ईन सिरच्‍येते ईन। थोगी छ्ये मिक्‍किता खाला बरू ख्‍योकोन ज्‍यीबाका खाला देत।

एफिसी 5:5

ख्‍योकोनगी दि बात छ्या स्‍येबा खि। च्‍यि सासीन रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते थेमे लोभ खित्‍कान्‍ते मि सुङ था तिरी ख्रीष्‍टताङ परमेश्‍वर राज्‍यदु देताराङ मेङेदो। लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

कलस्‍सी 3:16

थेमे खेराङगी ख्रीष्‍टकी बात झन झन लेमु खाला छ्या स्‍येबा थुप्‍स्‍यीत सिन थे बात ख्‍योकोनगी सेमगी नाङ गुने खिनराङ देत। चुक सासीन परमेश्‍वरगी बिन्‍दाते बुद्धिकी ख्‍योकोनगी थे बात खेराङ नाङ लोप्‍कीन देत, थेरू साबा च्‍योकराङ खिन देता फाप्‍क्‍यो सिन दोक्‍पोईकी ज्‍येनज्‍यीकला सिनराङ देत। थेमे परमेश्‍वरगी खेराङला चुक दया खासुङा सिन गा खिन थेला धन्‍यवाद सिनकामा खेराङ नाङ भजन लिन्‍च्‍येते, परमेश्‍वरला छ्ये जोच्‍येते लु लिन्‍च्‍येते थेमे परमेश्‍वर आत्‍मेकी लिन च्‍युताते ज्‍येनोङ लु लिन्‍च्‍येते खि।

१ थिस्‍सलोनिकी 1:9

ङ्योकोन जुन ठाउँदु ख्‍योल्‍सीनोङ थेङले मिओनगी दोक सिन ख्‍योकोन बातकामा खिदुक। थेबेकी ङ्योकोन ख्‍योकोनला प्रभु येशू बात लोपाला डोजीन ख्‍योकोनगी ङ्योकोनला चुक लेमु खाबा ओताने सिरच्‍येते बात थेमे ख्‍योकोनगी ल्‍हा लुतेबा माने खिता ताङगीन सोम्‍बोतेताङ सत्‍यते परमेश्‍वर छ्य्‌वापा लै खाईन थेलाकामा माने खिताला स्‍यूबाते बात खिदुक।

१ तिमोथी 1:3

ङे थोङला खोत्ताङ ठाल्‍ला म्‍यासिडोनिये अञ्‍चलपा डोजीन साकीन ज्‍याक्‍पाते बात ङा याङराङ सिन ओत। च्‍यि सासीन खुई एफिससदु देत्‍ला थेरू ङेन्‍दा फाप्‍च्‍येते बातताङ डिकराङ मिडिक्‍च्‍येते बात लोप्‍कान्‍ते मिओनला थोक्‍ते बात मालोप सिन कोत।

१ तिमोथी 3:15

केही कुरोकी ङा होत्ता मासीनोङ दि बातओन पढे खानामेई परमेश्‍वर खाम्‍बे मिओनगी चुक खिता फाप्‍च्‍या ईन्‍दाका, चुक खाला देता फाप्‍च्‍या ईन्‍दाका सिन खुई छ्या स्‍येक्‍यो। थोक्‍ते मिओन सोम्‍बोते परमेश्‍वर मि ईन। थेबेकी खित्‍सादु परमेश्‍वर सत्‍यते बात च्‍यि ईन्‍दे सिन गाङेकी छ्या स्‍येला थे बातताङ मिडिक्‍च्‍येते बात डेला थुप्‍क्‍यो।

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।

१ तिमोथी 5:21

ङे खि साबाते दोक्‍ते काम खित्‍जीन खुई छ्ये टेक्‍टे मेडेला खाला सुङलाङ काका पाका मिक्‍किता खाला खि। परमेश्‍वरताङ येशू ख्रीष्‍ट थेमे परमेश्‍वरगी छाने खाबाते दूतओन ङोन्‍दु ङा खोल्‍ला दोक खि सिन कोत्‍क्‍यो।

१ तिमोथी 6:13

थेमे ओताते जति गाङेला ङेपाक तेरकान्‍ते परमेश्‍वर थेमे रोमी गेल्‍बो हाकिम पन्‍तियस पिलातस दोन्‍दु साँचोते बात लाःप्‍कान्‍ते येशू ख्रीष्‍ट ङोन्‍दु ङा खोल्‍ला दोक दोक खि सिन कोत्‍क्‍यो।

१ तिमोथी 6:9

छ्युक्‍पु ड्वा छोल्‍कान्‍ते मिओनलाचेन झन झन पैसे लोभ लाला तोर्बाकला फाप्‍लु खाला मेलेबा ओङगो। पैसे लोभकी खित्‍सादु थोक्‍ते मिओनगीचेन लेम्‍बा च्‍योक खाला आउदी मेलेबातेन्‍दे काम खाला खोपरोङ स्‍यूक्‍च्‍येते डालुम खोपरोङगीराङ ठुइओ।

२ तिमोथी 4:10

डेमासकीचेन दि जुनी बातकामा विचार खाईन ङाला ताङगीन थिस्‍सलोनिकापा गाल्‍सुङ। ज्‍येन ङात्ताङ ओतातेबे नाङ क्रेसेन्‍सचेन गलातिये अञ्‍चलपा थेमे तीतसचेन दलमातियापा गाला ओत।

तीतस 2:12

परमेश्‍वर दयेकी खित्‍सादु चुक चुक खिता फाप्‍कीते सिन ङुरूङ लोप्‍कीन ओत। थोगी ङुरूङगी परमेश्‍वरगी माकेत साबाते काम खित्‍च्‍येते थेमे पापताङ लोभ खित्‍च्‍येते ताङला दाक्‍पोन सेम काबूला ज्‍य्‌वाबा थुप्‍क्‍यो थेमे दि कलि जुगला थेकी खि साबा साबाच्‍योक खिन थेला झन लेमु खाला माने खिता थुप्‍क्‍यो।

तीतस 3:6

ङुरूङला पापदुकी डेल्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी ङुरूङला दोस्‍यिक थोस्‍यिक सिरा मुथुप्‍च्‍या खाईन तेरासम्‍म परमेश्‍वर आत्‍मा बिन्‍दा ओत।

२ पत्रुस 1:11

थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी गा खिनकामा ख्‍योकोनला थे खोरोङ राज्‍यदु स्‍यूक ज्‍युत्‍क्‍यो। थे राज्‍यचेन नोमुङ तोरला मोन्‍डोओ।