१ तिमोथी 6:14 - जिरेल

¹⁴ च्‍यि सासीन प्रभु येशू ख्रीष्‍ट स्‍वर्गनेकी ग्‍युरला ओङ ओङसाकराङ ङे खोल्‍ला खि साबाते दि बाततेबा दोक्‍पोईओङ मोतोङा खाला गाङे खिन देत। खुई दोक माक्‍यासुङ सिन सुङगीङ सिरा मेङेत्‍स्‍यीत।

१ तिमोथी 6:14 Iomraidhean Croise

१ कोरिन्‍थी 1:8

येशू ख्रीष्‍टकी ख्‍योकोनला तिरीसाकराङ थे खोरोङला विश्‍वास खिन देत ज्‍युत्‍क्‍यो। थोक खाला ङुरूङ प्रभु येशू ख्रीष्‍ट ग्‍युरला ओङे छोमु सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिरा मुथुबो।

एफिसी 5:27

दोस्‍यिककामा मेन, थेकी थोक खाबातेचेन ङेर्मा माच्‍युम्‍बाते, छ्याःङ खुना खोटी मेताते, ताजीनोङ आउदी लेमु थोङच्‍येते बेउली च्‍योकराङ थेबाला सेम खुदुक गालाते थेमे छ्याःङ गल्‍ती मेताते मि जोला थे खोरोङ दोन्‍दु देत ज्‍युता थुप्‍स्‍यीत सिनोङ ईन।

फिलिप्‍पी 1:10

थेकी थोक खानामेई ख्‍योकोनगी जुन बेलालाङ च्‍यि खिता लेमु ईन्‍दे सिन लेमु खाला डेला थुप्‍क्‍यो। थोक ओङनामेकी ख्रीष्‍ट ग्‍युरला ओङे छोमु ख्‍योकोन सेमला मेलेबा मेताते, सुङगीङ दिबेकी दि दि गल्‍ती खाबा ओत सिरा मुथुप्‍च्‍येतेन्‍दे

फिलिप्‍पी 1:6

ख्‍योकोन थेकी ज्‍वा चाला च्‍योकराङ लेमु ओङस्‍यीत सिन परमेश्‍वरगी ख्‍योकोन नाङ खिताला स्‍यूबाते लेमुते काम खिनराङ देत्‍क्‍यो सिन ङाला लेमु खाला छ्या ओत। येशू ख्रीष्‍ट ग्‍युरला ओङे छोमुसाकला थेकी दि काम पूरो खिओ।

फिलिप्‍पी 2:15

होथोक मिक्‍किता खाईन काम खासीन परमेश्‍वरगी साबाते मेङेन्‍दा खाला दाक्‍पोन खुशी खिन मनपरी खित्‍कान्‍ते मिओन नाङ देता ओत्‍सीनोङ सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिन सिरा मुथुबो, ख्‍योकोनचेन सेमला मेलेबा मेताते मि ओङगो थेमे ख्‍योकोन परमेश्‍वरगी लाःपा कोताते ङेन्‍कान्‍ते थे फुज्‍युङ फुमु ओङगो। दोक खाला ख्‍योकोनगी दि सा लुङबे मिओनगी चुक खिता फाप्‍कीते सिन तेन्‍ला तेरा थुप्‍क्‍यो।

कलस्‍सी 1:22

ख्‍योकोन गोमा थोक ओता ईन्‍सीनोङ ख्रीष्‍ट मि जुनी लाकीन स्‍याप्‍की खित्‍सादु थाचेन परमेश्‍वरगी ख्‍योकोनला थे खोरोङताङ डिक च्‍युता ओत। ख्‍योकोन थे खोरोङ दोन्‍दु सेम खुदुक गालाते, छ्याःङ गल्‍ती मेताते थेमे सुङगीङ दिबा दोक दोक गल्‍ती खित्‍कान्‍ते मि ईन सिरा मुथुप्‍च्‍या गालाते मि ओङस्‍यीत सिन थेकी ख्‍योकोनला दोक खाईन थे खोरोङताङ डिक च्‍युता ओत।

कलस्‍सी 4:17

थेमे अर्खिप्‍पसला च्‍यि सिसे सासीन प्रभु येशूकी थे खोरोङला जिम्‍मा बिन्‍दाते काम मासिनथुप खिनराङ देत सि।

१ थिस्‍सलोनिकी 3:13

दोस्‍यिककामा मेन, था ङुरूङ प्रभु येशू थे खोरोङ मि गाङेताङ ग्‍युरला ओङे छोमु ङुरूङ आबा परमेश्‍वर दोन्‍दु ख्‍योकोन छ्याःङ गल्‍ती मेताते थेमे मेलेबाते काम सिराते छ्याःङ माक्‍याबाते मि ओङस्‍यीत सिन थेकी ख्‍योकोनला थे खोरोङला विश्‍वास खिन देताला आँट तेरस्‍यीत सिनोङ ङ्योकोन प्रार्थना खिओ।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

२ थिस्‍सलोनिकी 2:1

थेमे आज्‍यो न्‍वावे, ङुरूङ प्रभु येशू ख्रीष्‍ट ग्‍युरला ओङच्‍येते थेमे ङुरूङला थे खोरोङताङ ङ्योम्‍बुराङ देताला टीला खेरच्‍येते बातला ङ्योकोन च्‍यि सिते सासीन

२ थिस्‍सलोनिकी 2:8

थेला किल्‍सादुकी ताङनामेईकामा थे दुरू ओङगो। थेमे थे खोरोङ नाम्‍दाककी झिलिमिली गाल्‍ला ग्‍युरला ओङाईताङ प्रभु येशूकी थेला दाक ग्‍याल्‍ग्‍यो, थेकी थेला पालोईला फु खालाराङ सेत्‍क्‍यो।

१ तिमोथी 6:20

लो तिमोथी, परमेश्‍वरगी खोरोङला जिम्‍मा बिन्‍दाते काम खि साबा च्‍योकराङ खाला खिन देत। परमेश्‍वर बातताङ डिकराङ मिडिक्‍च्‍येते कामराङ लै मिक्‍किच्‍येते बातला नामज्‍योक मासेत। च्‍यि बात चुक ईन्‍दे सिन लेमु खाईन छ्या स्‍येबा ओताच्‍योक खाला सत्‍यते बात ईन सिन मेन्‍दे बात लोप्‍कान्‍ते मि बात नोमुङ माङेन।

२ तिमोथी 4:1

थोगी परमेश्‍वरताङ येशू ख्रीष्‍ट दोन्‍दु ङा खोल्‍ला चुक खिता फाप्‍कीते सिन कोत्‍क्‍यो। स्‍याप्‍तेबा थेमे सोम्‍बोराङ ओताते मि गाङेला न्‍याय खित्‍कान्‍ते थेमे स्‍वर्गनेकी ग्‍युरला वाला गाङेपा गाङेला राज्‍य खित्‍कान्‍ते येशू ख्रीष्‍टराङ ईन सिन टोक माज्‍येत।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

हिब्रू 9:14

थोक खानामेईनी बिटुले खाबाते मि चोके खिओ सासीन ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु था ईन्‍सीन मेलेबाते कामगी सजाय ङेत्‍ला ङा नरककुण्‍डमा स्‍यूक्‍पा माफाबो सिन ख्‍योकोन ढुक्‍क खाला देता थुप्‍क्‍यो। दोक ओङला ख्‍योकोनगी सोम्‍बोते परमेश्‍वरगी खि साबा साबाते खिन थेला माने खिता थुप्‍क्‍यो। च्‍यिला सासीन छ्याःङ गल्‍ती खाबा मेताते ख्रीष्‍ट परमेश्‍वर आत्‍मे शक्ति ङेत्‍कीन परमेश्‍वरला थे खोरोङ ज्‍यानराङ बिन्‍गीन स्‍या ओत।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

१ पत्रुस 1:19

ख्रीष्‍ट थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ख्‍योकोन लाईदु थे मोल छ्योलाते ईन। ख्रीष्‍टनी परमेश्‍वरला पूजा खिताला सोई खित्‍च्‍येते छ्याःङ खुना खोटी मेताते लुई रीउ च्‍योकराङ ओतान।

१ पत्रुस 1:7

मेला लुगीन ताकीन सक्‍कली दुका सिन छ्या स्‍येबाते सेरोङ ङीमाई छ्याःङ काम लै मिक्‍किच्‍या डुइओ। सेर आउदी दामी चीज ईन्‍सीनोङ दि भन्‍दाङ ख्‍योकोनगी येशू ख्रीष्‍टला खिन ओताते विश्‍वास झन आउदी छ्ये ईन। दोक्‍ते परी परीतेन्‍दे दुक्‍पा ओङजीनराङ ख्‍योकोनगी थेला पक्‍काराङ खाईन विश्‍वास खाबाते ईन्‍दाकाना मेन्‍दाका सिन छ्या स्‍येक्‍यो। जति दुक्‍पा ओङजीनोङ सेम मेसेता खाईन थेला विश्‍वास खिनराङ देत्‍सीन था थे ग्‍युरला ओङे छोमु परमेश्‍वरगी ख्‍योकोनला आउदी लेमु खासुङ सिन साला थे खोरोङगी ज्‍वा चाला च्‍योकराङ लेमु जोला मान तेरग्‍यो।

२ पत्रुस 2:21

परमेश्‍वरगी खि साबाते खोपरोङला लाप्‍कीन बिन्‍दाते बात ङेन्‍दाला स्‍यूनामेकी थे ङेन्‍दा तोङा भन्‍दानी थेबेकी बरू परमेश्‍वरगी मिओनगी चुक खिता फाप्‍कीते सिन साबाते होदि बात नोमुङ छ्या मास्‍येबा ईन्‍सीन लेमु ओङच्‍या ओतान।

२ पत्रुस 3:14

थोगी ङिङज्‍येते आज्‍यो न्‍वावे, था तिरी दोक दोक ओङगो सिन खेराङ गुकीन देता ओतेकी ख्‍योकोन छ्याःङ गल्‍ती मेताते, सुङगीङ दिबेकी दोक दोक गल्‍ती खाबा ओत सिरा मुथुप्‍च्‍या थेमे परमेश्‍वरताङ डिक्‍ला देत्‍कान्‍ते मि ओङा थुप्‍स्‍यीत सिन ख्‍योकोनगी काम बात जे खित्‍जीनोङ लेमु खित्‍च्‍ये छ्य्‌वापाकामा स्‍येत खि।

२ पत्रुस 3:2

परमेश्‍वर बात खित्‍कान्‍ते मिओनगी गोमाका साबाते बाततेबा थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी खि साबाते थेकी खटे खाबाते मिओनगी खेराङला लाप्‍कीन बिन्‍दाते बातओन ख्‍योकोनगी नोमुङ टोक माज्‍येत।

१ यूहन्‍ना 3:2

ङिङज्‍येते फिजावे, था ङुरूङ परमेश्‍वर फुज्‍युङ फुमु ओङगीन सिन्‍दा ओत। था तिरी ङुरूङ चुक ओङोङा सिरच्‍येते बात थोरूमसाक ङुरूङला छ्या मेत। दि बातज्‍यीकचेन ङुरूङला लेमु खाला छ्या ओत। च्‍यि सासीन येशू ख्रीष्‍ट ग्‍युरला ओङे छोमु ङुरूङोङ थे च्‍योकराङ ओङगो। च्‍यिला सासीन थे जस्‍तो दुक उस्‍तोराङ ङुरूङगी थेला थोङा ङेत्‍क्‍यो।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।

छ्या स्‍ये च्‍युताते बात 1:7

लो दि बात टोक माज्‍येत। च्‍यि सासीन येशू ख्रीष्‍ट था मुक्‍पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्‍कान्‍ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्‍क्‍यो सिन ज्‍यीबेकी खित्‍सादु दि सा लुङबे मि गाङेराङ झ्‍याउँ झ्‍याउँ ङुइओ। दोकराङ ओङस्‍यीत। आमेन।