१ तिमोथी 5:6 - जिरेल

⁶ तर जो ख्‍योबो स्‍याप्‍ते फेम्‍मे मि खालि मोज मज्‍जा खिन दाक्‍पोन खुशीला ख्‍याम्‍गीदुक थेचेन सोम्‍बो ओत्‍सीनोङ परमेश्‍वर लाईदु स्‍याप्‍ते छेतराङ ईन।

१ तिमोथी 5:6 Iomraidhean Croise

मत्ती 8:22

थेकी “मेन मेन, खो थाल्‍लाराङ ङात्ताङ ख्‍योम। रो दिक्‍च्‍येतेनी परमेश्‍वरगी खि साबाते माङेन्‍गीन थे लाईदु स्‍याप छेतराङ गालाते मिओनगीङ खिता थुप्‍क्‍यो,” सिन सिदुक।

लूका 12:19

ङे भाग्‍येकी खित्‍सादु था ङाला जुनी खाङ साच्‍या थुङच्‍या वालछ्येल ओङच्‍या ओङसुङ। था ङा छ्याःङ पीर मिक्‍किता खाला स्‍यीम्‍बुराङ सोला लेमुराङ खोन्‍ला किम्‍मु खाला देतामीन सिन विचार खादुक्‍लो।

लूका 15:13

टिक्‍पी दिन तिरी कान्‍छातेकी च्‍यि खाकालो सासीन थे खोरोङ अंशबरी गाङे च्‍वाकीन आउदी थारी लुङबाज्‍यीक्‍तु गाल्‍दुक्‍लो। थेमे ओताते पैसाबरी मनपरी खाईन पुरदुक्‍लो।

लूका 15:24

च्‍यिला सासीन दि दुरूई गाल्‍गीन तोरनामेई थोरूमसाक सोम्‍बो मेतासीन साबाप। तर दि थरिङ सोम्‍बोराङ ग्‍युरगीन वादुक,’ सिन साकीन भोज लै खिताला जेसुकै ठीक खित च्‍युत्‍तुक्‍लो। थोक खाईन थेरू छ्येज्‍यीक भोज लै खादुक्‍लो।

लूका 15:32

थरिङ ङुरूङ गाङेकी गा खाला भोज सा फाप्‍च्‍येतेराङ ईन। च्‍यिला सासीन खुई न्‍वा दुरूई गाल्‍गीन तोरनामेई थोरूमसाक सोम्‍बो मेतासीन साबाप। तर दि थरिङ सोम्‍बोराङ ग्‍युरगीन वादुक,’ सिन सादुक्‍लो,” सिन सिदुक।

लूका 16:19

सम्‍पत्ति बात बातलाराङ येशूकी “बाजिई ठाउँज्‍यीक्‍तु आउदी छ्युक्‍पुज्‍यीक मि ओताक्‍वालो। थेचेन जहिलेङ आउदी दामीते लेमु लेमु खोलाक खोन्‍ला स्‍या सामे लाकराङ बाक चेकीन देता ओतानलो।

लूका 7:25

ना आउदी लेमुते खोलाक खोन्‍ला किम्‍मु खाला देत्‍कान्‍ते मि तार गाले? थोक्‍ते मिनी गेल्‍बो दरवार नाङलाका देत्‍क्‍यो सिन ख्‍योकोनला छ्याराङ ओत।

एफिसी 2:1

थेमे गोमाबा ख्‍योकोन खिता मेङच्‍येते कामकामा खिन पाप खिन ओतेकी परमेश्‍वर लाईदु स्‍याप छेतराङ गाला ओतान।

एफिसी 2:5

खिता मेङच्‍येते कामकामा खिन पाप खिन थे लाईदु स्‍याप छेतराङ गालाते ङुरूङला ख्रीष्‍टताङराङ सोम्‍बो लोगीन थेला बिन्‍दा च्‍योक्‍ते जुनी बिन्‍सुङ। थे खोरोङ दयेकी खित्‍सादुकामा परमेश्‍वरगी ख्‍योकोनला दोक खाईन पापकी सजायदुकी टाल्‍गीन बिन्‍दाते ईन सिन टोक माज्‍येत।

एफिसी 5:14

नाम्‍दाककी खित्‍सादुराङ थोक खाला थेबाङ मुन्‍दाकदुकी ठाल्‍ला नाम्‍दाकला देता ङेत्‍क्‍यो। थोगीराङ “ङ्याला ओतातेबा ङिक छेत्‍ला स्‍याप छेतराङ गाल्‍सादुकी ल्‍वा थेमे ख्रीष्‍टकी ख्‍योकोनला नाम्‍दाकला देत ज्‍युत्‍क्‍यो,” सिन सिरच्‍येते ईन।

कलस्‍सी 2:13

खेराङ सेम मेलेबा ओत्‍कीन गोमाबा ख्‍योकोन खेराङला चुक खिता सेम लाङगीका थोकराङ खिन पाप खिन देतेकी परमेश्‍वर लाईदु स्‍याप छेतराङ गाला ओतान। ख्‍योकोन थोक्‍ते मि ओता ईन्‍सीनोङ परमेश्‍वरगी ख्‍योकोनला ख्रीष्‍टताङराङ सोम्‍बो लोगीन थेला बिन्‍दा च्‍योक्‍ते साम्‍बाते जुनी बिन्‍सुङ। थेकी ङुरूङगी खाबाते पाप गाङे माफ बिन्‍दा ओत।

२ तिमोथी 3:6

थोक्‍ते मिओन नाङ कोई कोईचेन मि खाम्‍बा खाम्‍बाला डुइओ। थेमे खोपरोङगी छक्‍के खिता थुप्‍च्‍येते फेम्‍मे मिओनला लुला खोपरोङ छ्य्‌वापा लै खित ज्‍युत्‍क्‍यो। थोक्‍ते फेम्‍मे मिओनचेन पापताङ लोभकी खाङाते थेमे खोपरोङ सेमला जे जे खिता सेम लाङगीदुक थोक थोकराङ खित्‍कान्‍ते ईन।

याकूब 5:5

ख्‍योकोन स्‍यीम्‍बु स्‍यीम्‍बु सेइन थुङगीन किम्‍मु खाईन देत्‍ला दुक। दोक खाईन ख्‍योकोनगी था परमेश्‍वरगी मि गाङे न्‍याय खित्‍च्‍येते दिनगी लाईदु खेराङला पोस्‍ये खाईन ज्‍याक्‍ला दुक।

छ्या स्‍ये च्‍युताते बात 18:7

जति थेकी ङा छेतते सु ईन्‍दे, ङात्ताङ छेत सम्‍पत्ति सुङताङ मेत सिन छ्ये खिन किम्‍मु खिन देता ओतान थोस्‍यिकराङ था थेला सुक देक छ्युत, था थेला नोमुङ सेम सन्‍तो खाला देत माज्‍युत। च्‍यिला सासीन थेकी थे मोरोङ सेमगी नाङ ‘ङानी गेल्‍मुका ईन, ङा नोमुङ ख्‍योबो स्‍याप्‍ते फेम्‍मे मि च्‍योक ओङा माफाबो, दुक्‍पाताङ पीर सिराते च्‍यि ईन्‍दे सिन ङे नोमुङ थोङा माफाबो,’ सिन छ्ये खिदुक।

छ्या स्‍ये च्‍युताते बात 3:1

सार्डिस सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन परमेश्‍वर आत्‍मा दुईनबो ङ्योम्‍बु ओताते थेमे लाःक्‍तु कार्मा दुईन ओताते ङा सिन ओत। च्‍यि सासीन थेपा ख्‍योकोनगी च्‍यि च्‍यि खाबा ओते सिन गाङे बात ङाला छ्या ओत। मिओनगी ख्‍योकोनला परमेश्‍वरताङ डिक्‍कान्‍ते आउदी लेमु मि ईन खिदुक। दोक ईन्‍सीनोङ ख्‍योकोन थोक्‍ते मि मेन, ख्‍योकोननी परमेश्‍वर लाईदु स्‍याप छेतराङ गाल्‍ला दुक।