१ तिमोथी 5:5 - जिरेल

⁵ ख्‍योबो स्‍यिइन ताकान सुङ मेत्‍कीन पक्‍काराङ दुक्‍पा ङेताते फेम्‍मे मिचेन परमेश्‍वरगी थे मोरोङला तेइओ सिन ङीन नुप थेत्ताङ प्रार्थना खिन देत्‍क्‍यो।

१ तिमोथी 5:5 Iomraidhean Croise

लूका 18:1

थेमे चेलातेबेकी सेम मेसेता खाला परमेश्‍वरला प्रार्थना खिनराङ देत्‍स्‍यीत सिन येशूकी दोक सिन थेबाला कथा लाःपाला स्‍यूसुङ।

लूका 18:7

थोक्‍ते न्‍यायाधीशकीनी न्‍याय खाईन बिन्‍सुङ सासीन च्‍यि थे खोरोङगी छाने खाबाते मिओनगी दुक्‍पादुकी टाल्‍ला नाङ सिन ङीन नुप प्रार्थना खित्‍जीन परमेश्‍वर नामज्‍योकराङ मेसेता खाला देत्‍क्‍योतरो? ना थेकी गु च्‍युत्‍ला च्‍युत्‍लाकामा थेबेकी खाबाते बिन्‍ती ङेन्‍ग्‍यो सिराच्‍योक लाङगीका?

लूका 2:37

ख्‍योबोते स्‍यिनामेकी थोजोराङ देत्‍कीन था थे लो खाल स्‍यीताङ स्‍यी गाला ओतान। थेचेन ङीन नुप परमेश्‍वर मन्‍दिरदु परमेश्‍वरला प्रार्थना खिन देत्‍कीन ओतान। परमेश्‍वरला झन छ्ये ज्‍वा थुप्‍स्‍यीत सिन थे बेला बेलाला बर्तङ देत्‍कीन ओतान।

शक्ति काम 26:7

परमेश्‍वरगी दि जमान पूरो खाबाते थोङा ङेत्‍स्‍यीत सिन आश खाईन ङ्योकोन थर च्‍युन्‍ङी यहूदी गाङेराङ ङीन नुप थेला माने खिन गुकीन देता ओत। यहूदी गाङेकी आश खाईन गुकीन देताते दि बातला ङे पक्‍काराङ ईन सिरजीनचेन होथेबेकीराङ ङाला दोक खाईन दोष लै खाबाते ईन सरकार।

शक्ति काम 6:1

येशू चेला ओङाते मिओन आउदी खाला फेल्‍गीन डुइन ओतान। थेबे नाङ हिब्रू बात खित्‍कान्‍ते यहूदीओनताङ ग्रीक बात खित्‍कान्‍ते यहूदी खाईन हूल ङि ओतान। थोक खाला फेल्‍गीन ड्वाप्‍ला स्‍यूनामेकी थेबा हूल ङिकी नाङ टिक्‍पी ठाकठाक ठोकठोक स्‍योरसुङ। च्‍यिला सासीन ङीमे ठाङमा साप गोत्‍जीन खोपरोङ हूलगीते ख्‍योबो स्‍याप्‍ते फेम्‍मे मिओनला लेमु खाईन मातासुङ सिन ग्रीक बात खित्‍कान्‍तेबा हिब्रू बात खित्‍कान्‍ते ज्‍येन यहूदीओनताङ स्‍येदाङ खासुङ।

शक्ति काम 9:39

थेमे पत्रुस थे मिओनताङ योप्‍पापा लिच्‍युङ। थेरू लेपासात्तु मिओनगी थेला तबीते रो ज्‍याक्‍पाते खाम्‍बे ताले लाकने खेरसुङ। थे कोठादु ख्‍योबो स्‍याप्‍ते फेम्‍मे मितेबा काल्‍बेई ओतान। तबीतेकी खोपरोङला बिन्‍दाते खोलाकओन पत्रुसला तेन्‍गीनकामा “दि खोलाकओन दिकीराङ चेम्‍गीन बिन्‍दाते ईन,” सिन थेबाबरी पत्रुस फेरो खाङ लाकीन देत्‍कीन ङ्वाप्‍ला स्‍यूसुङ।

शक्ति काम 9:41

थेमे पत्रुसकी लाक्‍पाला जुम्‍गीन थेला थेरूकी लाङसुङ। थोक ओङनामेकी थेकी थेरू ओताते ख्‍योबो स्‍याप्‍ते फेम्‍मे मिओन थेमे परमेश्‍वर सन्‍तान ज्‍येन गाङेला नाङने काताङगीन च्‍याकीन तबीताला ठेता खाईन बिन्‍सुङ।

रोमी 1:12

ईन्‍दानी ङुरूङ ठेत्‍जीन ङे ख्‍योकोनलाकामा मद्धत तेरच्‍येते मेन। ङुरूङ ङ्योम्‍बुराङ देत्‍ला येशू ख्रीष्‍टला विश्‍वास खित्‍च्‍येते बात खित्‍जीन ङे ख्‍योकोनला थेमे ख्‍योकोनगी ङाला आँट तेरा थुप्‍च्‍या ओतान।

रोमी 1:5

जात जातकी मि गाङेकी थे खोरोङला विश्‍वास खाला थे खोरोङगी साबाते ङेन्‍स्‍यीत थेमे थे खोरोङ चुक छ्ये ईन्‍दे सिन छ्या स्‍येस्‍यीत सिन थेबाला गा लाङच्‍येते बात लोपाला परमेश्‍वरगीराङ दया खाईन ङ्योकोनला खटे खाबाते ईन।

१ कोरिन्‍थी 7:32

ख्‍योकोन सुङ छ्याःङ पीरताङ सुर्ता मिक्‍किता खाला देत्‍स्‍यीत सिरच्‍येते ङे सेम ओत। फाङमा माक्‍याबाते ख्‍योओ मिकीचेन चुक खासीन ङे प्रभु येशूला मन परे खित्‍च्‍येते काम खिता थुबोङा सिन थे छ्य्‌वापाकामा सेम खिओ।

१ कोरिन्‍थी 7:34

थोकराङ खाला फाङमा खाबातेताङ माक्‍याबाते फेम्‍मे मि बादोङ खुदुक ओङगो। फाङमा माक्‍याबाते फेम्‍मे मिकीचेन ङे काम बात जे खासीनोङ चुक खासीन प्रभु येशूला मन परे खित्‍च्‍येतेकामा खिता थुबोङा सिन थे छ्य्‌वापाकामा सेम खिओ। तर फाङमा खाबाते फेम्‍मे मिकीचेन चुक खाला थे मोरोङ ख्‍योबोला खुशी ज्‍वा थुप्‍कीका सिरच्‍येते बादोङ विचार खिता फाप्‍क्‍यो।

एफिसी 6:18

दोक दोक खित्‍जीन परमेश्‍वरताङ प्रार्थना खिनराङ देत। परमेश्‍वर आत्‍मे छ्य्‌वापेकी जहिलेङ थेत्ताङ प्रार्थना खिन देत्‍ला खेराङला च्‍यि च्‍यि गोकीका नाङ सि। थोक खाला प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि। प्रार्थना खित्‍जीन परमेश्‍वर सन्‍तान गाङे लाईदु प्रार्थना खिताङ नोमुङ मातोङ।

फिलिप्‍पी 4:6

थेमे छ्याःङ बातलाङ पीर माकेत। पीर मिक्‍किता खाला बरू दुक्‍पा किम्‍मु जस्‍तो ओङजीनोङ परमेश्‍वरला प्रार्थना खि। खेराङला च्‍यि गोकीका थेला नाङ सि। थोक खित्‍जीन खेराङला लेमु खाबे लाईदु थेला धन्‍यवाद सिरा नोमुङ टोक माज्‍येत।

१ तिमोथी 2:1

थेमे गाङे भन्‍दा गोमा था ङा च्‍यि सिते सासीन संगति खित्‍जीन येशू ख्रीष्‍ट मिओनगी परमेश्‍वरला प्रार्थना खिता फाप्‍क्‍यो। प्रार्थना खित्‍जीन थेबेकी च्‍यि च्‍यि गोकीका परमेश्‍वरला नाङ सिरा फाप्‍क्‍यो। ज्‍येन ज्‍येन मि लाईदुङ प्रार्थना खिता फाप्‍क्‍यो। परमेश्‍वरगी खाबाते कामगी लाईदु थेला धन्‍यवाद सिरा फाप्‍क्‍यो। थोक खाला मि गाङे लाईदु प्रार्थना खिता फाप्‍क्‍यो।

१ तिमोथी 5:16

येशू ख्रीष्‍टला विश्‍वास खित्‍कान्‍ते सुइँदा फेम्‍मे मिते दाक्‍पोनते फाप्‍च्‍येते ख्‍योबो स्‍याप्‍ते फेम्‍मे मि सुइँदा ओत्‍सीन थेकीराङ थेबाला ता फाप्‍क्‍यो। थोक खासीन ख्‍योबो स्‍याप्‍ते फेम्‍मे मि गाङेला येशू ख्रीष्‍ट मिओनगीकामा ता माफाप्‍ला थेबेते दाक्‍पोनते सिराते सुङ मेत्‍कीन दुक्‍पा ङेताते फेम्‍मे मिओनला लेमु खाला ता थुप्‍क्‍यो।

१ तिमोथी 5:3

थेमे ख्‍योबो स्‍यिइन दुक्‍पा ङेताते फेम्‍मे मिओनला चुक खाला ता फाप्‍कीते थोकराङ खाला ताला मान खि।

२ तिमोथी 1:3

थेमे परमेश्‍वरताङ प्रार्थना खित्‍जीन ङा ङीन नुप जहिलेङ खुई लाईदुङ प्रार्थना खिन खुई लाईदु थेला धन्‍यवाद सिओ। ङा ङाराङ ज्‍युज्‍यु पुर्खेकी माने खिन वाबाते परमेश्‍वरला थेबेकी च्‍योकराङ खाला थेला जस्‍तो खाला माने खिता फाप्‍च्‍येते ईन थोकराङ खाला माने खिओ।

१ पत्रुस 3:5

परमेश्‍वरगी साबा च्‍योकराङ खिओ सिन भर परे खित्‍कान्‍ते गोमा गोमाबे फेम्‍मे मिओनगीङ होदोकराङ खिन ओतान। थेबा दाक्‍पोन ख्‍योबो अधीनला देत्‍ला थेबाला मान खिन ओतान।