१ तिमोथी 5:23 - जिरेल

²³ थेमे खुई थोङला च्‍योक छ्युकामा माथुङ। सुबाला लेमु ओङस्‍यीत सिन थेमे खोरोङ घरी घरी मानास्‍यीत सिन कहिले कहिले टिक्‍पी टिक्‍पी अंगूर छ्याङ थुङ।

१ तिमोथी 5:23 Iomraidhean Croise

शक्ति काम 18:5

सिलासताङ तिमोथी म्‍यासिडोनियादुकी थेरू वानामेकीचेन ज्‍येनते काम ताङगीन पावलगी खालि गा लाङच्‍येते बातकामा लोपाला स्‍यूसुङ। थेकी यहूदीओनला येशूराङ परमेश्‍वरगी तोङगो साबाते ख्रीष्‍ट ईन सिन ठोके खाईन लाप्‍सुङ।

एफिसी 5:18

थेमे छ्याङ रक्‍सीकी जिला माख्‍याम। जा बेलाला मिकी छ्याःङ होस मोज्‍योबा खाला मेता मेता खिओ। बरू परमेश्‍वर आत्‍मेकी खाङाते मि ओङला काम खि।

१ तिमोथी 3:3

थे छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक, गाङेताङ खा छ्येत लेमु खित्‍कानज्‍यीक, थोम्‍मु जीङगा मिक्‍किकानज्‍यीक थेमे पैसे लोभ मिक्‍किकानज्‍यीक ओङा फाप्‍क्‍यो।

१ तिमोथी 3:8

थेमे येशू ख्रीष्‍ट मिओनला ताकान्‍ते छ्येते मिओन कामला मद्धत तेरकान्‍ते मिओनोङ लेमु बानी ओताते मि ओङा फाप्‍क्‍यो। थेबाचेन च्‍येला ङि खित्‍कान्‍ते थेमे छ्याङ रक्‍सीकी जिकान्‍ते मि ओङा मेङगो। थेबा सम्‍पत्ति ज्‍वाप सिन पैसे लोभला स्‍यूक्‍कान्‍तेन्‍दे ओङा मेङगो।

१ तिमोथी 4:4

च्‍यिला सासीन मिओनला सिन जोबाते ईन्‍स्‍यीत, ज्‍येनतोक ईन्‍स्‍यीत परमेश्‍वरगी जोबाते जति गाङे लेमु ईन, मेलेबा सिराते छ्याःङ मेत। थेकीराङ बिन्‍दाते ईन सिन थेला धन्‍यवाद बिन्‍गीन सोसीन सा मेङच्‍येते सिराते छ्याःङ मेत।

तीतस 1:7

दोक खाला येशू ख्रीष्‍ट मिओनला ताकान्‍ते छ्येते मिकीचेन परमेश्‍वरगी खि साबाते काम खित्‍च्‍येते ईन्‍देकी सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थोक्‍ते मि दाक्‍पोन बातलाकामा जिद्धी मिक्‍किकानज्‍यीक, होत्ता स्‍येदाङ मिक्‍किकानज्‍यीक, छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक थेमे सम्‍पत्ति ज्‍वाप सिन पैसे लोभला मुस्‍यूक्‍कानज्‍यीक ओङा फाप्‍क्‍यो।

तीतस 2:3

थोकराङ खाला गाम्‍मातेबाङ येशूला विश्‍वास खित्‍कान्‍ते फेम्‍मे मिओनगी खिता फापा च्‍योकराङ खित्‍कान ओङा फाप्‍क्‍यो सिन सि। थेबेकी मि मोत्‍कीन ख्‍याम्‍च्‍येते थेमे छ्याङ रक्‍सीकी जिला ख्‍याम्‍बा मेङगो सिन सि। बरू चुक चुक खिता लेमु ईन्‍दे सिन ज्‍येनला लोपा थुप्‍कान्‍तेन्‍दे ओङा फाप्‍क्‍यो सि।