१ तिमोथी 5:19 - जिरेल

¹⁹ थेमे सुइँदेकी वाकीन च्‍याकीन येशू ख्रीष्‍ट मिओनला ताकान्‍तेबे नाङ फलानेकी दोक दोक गल्‍ती खासुङ सिन सासीन थे बात माङेन। फलानेकी दोक दोक गल्‍ती खाबाते ङेराङ थोङाते ईन सिन मेरा ङि सुमगी सानामेईकामा थोक्‍ते बात ङेन।

१ तिमोथी 5:19 Iomraidhean Croise

मत्ती 18:16

खेराङ दोक्‍पोईकीकामा सिरजीन थेकी ङे थोक खाबाते ईनराङ मेन सासीन ज्‍येनोङ मेन्‍दाज्‍यीक मेन्‍दा ङिला टीला खेरला थेकी थोक खाबाते लेमु मेन सिन याङराङ थेला थेबे दोन्‍दुङ सम्‍झे खि। च्‍यिला सासीन सुइँदेकी दिकी दोक दोक खाबाते ङे मिगीराङ थोङाते ईन सिन मेरा ङि सुमगी साबाते बात ङेन्‍लाकामा थे मि दोषी ईन सिरा ओङगो सिन सिरा ओत।

यूहन्‍ना 18:29

थोगी हाकिम पिलातसकी नाङनेकी फिनामा थेन्‍गीन च्‍याकीन “दि मिकी च्‍यि मेलेबा काम खाबेकी ख्‍योकोनगी दिला दुरू खुलाबे?” सिन ठिसुङ।

यूहन्‍ना 8:17

‘खइँदा बातला दि बात दोक दोक ईन सिन मेन्‍दा ङि मिकी सानामेई थे बात पक्‍का ओङगो,’ सिन ख्‍योकोनला बिन्‍दाते परमेश्‍वर नियमला टिबा ओत।

शक्ति काम 11:30

थेमे थे पैसाबरी थेबेकी थेपा ओताते येशू ख्रीष्‍ट मिओनला ताकान्‍ते मिओन लाःक्‍तु बिन सिन बारनाबासताङ शावल लाःक्‍तु बिन्‍गीन ताङसुङ।

शक्ति काम 25:16

थेबेकी थोक खित्‍जीन ङे थेबाला सुइँदा मिकी पक्‍काराङ गल्‍ती खाबाते ईन सिन छ्याराङ मास्‍येबाला थेला सजाय तेरा रोमी गेल्‍बो नियम कानूनताङ मिडिगो। ज्‍येनगी दोषी ईन साबाते मिकी थोक सिरकान्‍ते मिओन दोन्‍दुराङ अड्डादु थे खोरोङ बयान माबिनथुप थे मि न्‍याय खिता मेङेदो सिन साबाप।

२ कोरिन्‍थी 13:1

दि बाजिताङनी ङा थेपा वाबाते पालो सुम छाङगो। थेपा वाला ङा परमेश्‍वर बातला साबा च्‍योकराङ खाला कम्‍तीतेङ मेरा ङि सुम मिकी दिकी दोक खाबाते ङेराङ थोङाते ईन सिन सानामेईकामा सु सु दोषी ईन्‍दाका सिन डेल्‍ग्‍यो।

१ तिमोथी 4:14

येशू ख्रीष्‍ट मिओनला ताकान्‍ते मिओनगी खुई गोःकी लाक लाक्‍पा ज्‍याक्‍ला प्रार्थना खिते बेलाला कोई कोईकी परमेश्‍वरगी खुई विषयला सिर च्‍युताते बात खाबा ओतान। थोक खाईन परमेश्‍वरगी खोल्‍ला सीप बिन्‍दा ओतान सिन खुई टोक ज्‍येता मेतासीन। थेकी खोरोङला दोक खाईन बिन्‍दाते सीप पित मोतोङा खाला लेमु खाला चले खिन देत।

१ तिमोथी 5:17

थेमे येशू ख्रीष्‍ट मिओनला ताकान्‍तेबे नाङ खोपरोङ काम लेमु खाला खित्‍कान्‍ते मिओनला आउदी खाला मान खिता फाप्‍क्‍यो। थेबे नाङोङ गा लाङच्‍येते बात च्‍यि ईन्‍दे सिन लोप्‍कान्‍तेबालाचेन झन मान खिता फाप्‍क्‍यो। थेमे थेबा गाङेला गोच्‍येतेङ तेरा फाप्‍क्‍यो।

तीतस 1:6

येशू ख्रीष्‍ट मिओनला ताकान्‍ते मिचेन सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थेते फेम्‍मेज्‍यीककामा ओङा फाप्‍क्‍यो। थे फुज्‍युङ फुमुतेबाङ येशूला विश्‍वास खित्‍कान ओङा फाप्‍क्‍यो। थे फिजाओन बानी बिवारा थोङला सुङगीङ थेबाला मनपरी खिन ख्‍याम्‍कान्‍ते थेमे आबा आमेकी लाःपा कोताते मेङेन्‍कान्‍ते ईन सिन सिरा मुथुप्‍च्‍येतेन्‍दे ओङा फाप्‍क्‍यो।

हिब्रू 10:28

मोशेकी टिबाते परमेश्‍वर नियम माङेन्‍गीन सुइँदेकी गल्‍ती खासीन थेमे दि मिकी दोक दोक खाबाते ङेराङ थोङाप सिन मेन्‍दा ङि सुमगी मि रूसादु सानामेई गल्‍ती खित्‍कान्‍ते मिला छ्याःङ दया मिक्‍किता खाला दाक सेत्‍क्‍यो।