१ तिमोथी 5:17 - जिरेल17 थेमे येशू ख्रीष्ट मिओनला ताकान्तेबे नाङ खोपरोङ काम लेमु खाला खित्कान्ते मिओनला आउदी खाला मान खिता फाप्क्यो। थेबे नाङोङ गा लाङच्येते बात च्यि ईन्दे सिन लोप्कान्तेबालाचेन झन मान खिता फाप्क्यो। थेमे थेबा गाङेला गोच्येतेङ तेरा फाप्क्यो। Faic an caibideil |
१ तिमोथी 5:17
41 Iomraidhean Croise
खेराङ स्यूबाते खाम्बे मिकी बिन्दाते साप थुङा ङोचा मिक्किता खाला सो थुङ। च्यिला सासीन खेतालेकी खोपरोङ निमेक ङेता च्योकराङ ख्योकोनोङ ज्येनतेबे लाईदु काम खित्कान्ते मि ईन्देकी ख्योकोनला गोच्येते जति थेबेकीराङ तेरा फाप्क्यो। थेरू देत देतसाक थे खाम्बादुराङ देत। खाम्बा खाम्बा युला स्यासा मादेत।
थेमे ङुरूङगी दाक्पोन जीउ स्वाप्लाकामा मेन, दुक्पा ङेतातेबाला ताप्लाङ दुक्पा खाला काम खिता फाप्च्याक्वा सिन ङे ख्योकोनला तेन्गीन बिन्दा ओत। जे काम खित्जीनोङ ङुरूङगी ‘ज्येनगीते लिन्दा भन्दा बरू ज्येनला तेरा लेमु ईन,’ सिन प्रभु येशू थे खोरोङगीराङ साबाते बात टोक ज्येता मेङगो,” सिन बात खासुङ।
ज्येनला सल्लाह बिन्ला आँट तेरा थुप्कान्ते मिकी ज्येनतेबे नाङ दोक खिता फाप्क्यो। थेमे दुक्पा ङेता ओताते मिओनताङ गोला साच्येते सीप बिन्दा ओताते मिकीङ कुच्यीरी मिक्किता खाला तेरा थुपासम्म तेरा फाप्क्यो। थोकराङ खाला सुइँदाला परमेश्वरगी थे खोरोङ सन्तानओनला ताकान्ते छ्येते मि जोला दुक सासीन थोक्ते मिकीङ अल्छी मिक्किता खाला लेमु खाला थे काम खिता फाप्क्यो। नाबाते थेमे सुङ मेताते गरीब दुःखीला ताच्येते सीप ङेता ओताते मिकीङ सुइँदे करला फाप्कीन खाबाच्योक मिक्किता खाला सोचित्तेकीराङ थे काम खिता फाप्क्यो।
खोपरोङ खुशीकीराङ थेबेकी थोक खाबा ओतान। ईन्दाका थेबेकी दोक खिता फाप्च्येतेराङ ईन। च्यिला सासीन परमेश्वरगी खोपरोङला आशी बिन्गीन लेमु खानामेई यहूदी परमेश्वर सन्तानओनगी ज्येन ज्येन जातकी मिलाङ थे बात लाप्कीन बिन्देकी थेबेकीङ परमेश्वरगी तेरच्येते आशी ङेत्च्या ओङाते ईन। दोक खाईन थेबेकी यहूदीओनला परमेश्वरगी बिन्दाते आशी ङेत्नामेई थेबेकीङ खोपरोङताङ ओताते सम्पत्ति यहूदीओनताङ गोला साच्येते ठीकराङ ईन।
ङे थोक मेलेबा खाबा ईन्सीनोङ परमेश्वरगी ङाला दया खाईन ज्येनला येशू ख्रीष्ट बात लोप्कान्ते मि जोसुङ। परमेश्वरगी ङाला दया खाबाते थाराङ खेरो मागाल्सुङ। ङेचेन ङाराङ च्योकराङ येशू ख्रीष्टकी खटे खाबाते मि गाङेकी भन्दा दुक्पा खाईन खाईन ल्हाक्पा काम खाबा ओत। ईन्सीनोङ ङे खाबाते काम ङाराङ स्येतताङ बुद्धिकी खाबाते मेन। दि गाङे परमेश्वर दयेकी खित्सादु खिता थुपाते ईन।
ङात्ताङ डिक्ला ङे च्योकराङ खाला काम खित्कान्ते ङे र्वा खुई थे फेम्मे मि ङिबोला डिक्पा खाला बिन। गा लाङच्येते बात फैले खिताला ङात्ताङ थोङला दुक्पा खाला खाला काम खित्कान्ते मि नाङ क्लेमेण्टताङ ज्येनतेबाकामा मेन, होथे फेम्मे मि ङिबोङ ईन। थेबा गाङे मिन नोमुङ मिसिन्च्येते जुनी ङेत्कान्ते मिओन मिन टिबाते किताबला टिबा ओत।
थोक ईन्देकीराङ ङुरूङगी स्याप स्याप खाला दुक्पा खिन थुपासम्म ज्येनलाङ सत्यते बात लोप्च्येते ईन। च्यिला सासीन सोम्बोते परमेश्वरगी साबा च्योकराङ खाला आशी तेरग्यो सिन ङुरूङ आश खाईन देता ओत। मि गाङेला पापदुकी डेल्कान्ते थेराङ ईन। थेकी थोक खिओ सिन येशू ख्रीष्टला विश्वास खित्कान्ते मि जोराङ ईन्सीनोङ परमेश्वरगी थेला पापकी सजायदुकी डेल्ग्यो।
येशू ख्रीष्ट मिओनला ताकान्ते मिओनगी खुई गोःकी लाक लाक्पा ज्याक्ला प्रार्थना खिते बेलाला कोई कोईकी परमेश्वरगी खुई विषयला सिर च्युताते बात खाबा ओतान। थोक खाईन परमेश्वरगी खोल्ला सीप बिन्दा ओतान सिन खुई टोक ज्येता मेतासीन। थेकी खोरोङला दोक खाईन बिन्दाते सीप पित मोतोङा खाला लेमु खाला चले खिन देत।
खुई चुक खिता फाप्कीते सासीन मिओनला परमेश्वर बात लोप्कीनराङ देत, मिओनगी ङेन्सीनोङ माङेन्सीनोङ जुन बेलालाङ थे बात लोपा मातोङ थेमे गल्ती खित्कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्दे सिन गाङेला लाप्ला बिन। थानी दिबाला थोई लोप्च्ये सिराच्योक माकेत, सुङताङ स्येदाङ मिक्किता खाला खा छ्येत लेमु खिन दोक खाला लोप्कीनराङ देत।
थेमे ज्येन बात खेराङला ताकान्ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्यीत सिन थेबेकी ख्योकोनला तेइनराङ देत्क्यो। थेबेकी चुक चुक खाबे, च्यि खाबे सिन ङीमाई परमेश्वर दोन्दु गाङे हर हिसाब तेरा फाप्क्यो। ख्योकोनगी थेबेकी लाःपा कोताते ङेन्सीन खोपरोङगी खित्च्येते काम थेबाला लेमु लाला गा खिन खिओ। ख्योकोनगी थोक माक्यासीन थेबाला थे काम खिता सेम मालाङो। थेमे ख्योकोनला च्यि फाइदा ओङगीते?
Sanasan