१ तिमोथी 5:16 - जिरेल

¹⁶ येशू ख्रीष्‍टला विश्‍वास खित्‍कान्‍ते सुइँदा फेम्‍मे मिते दाक्‍पोनते फाप्‍च्‍येते ख्‍योबो स्‍याप्‍ते फेम्‍मे मि सुइँदा ओत्‍सीन थेकीराङ थेबाला ता फाप्‍क्‍यो। थोक खासीन ख्‍योबो स्‍याप्‍ते फेम्‍मे मि गाङेला येशू ख्रीष्‍ट मिओनगीकामा ता माफाप्‍ला थेबेते दाक्‍पोनते सिराते सुङ मेत्‍कीन दुक्‍पा ङेताते फेम्‍मे मिओनला लेमु खाला ता थुप्‍क्‍यो।

१ तिमोथी 5:16 Iomraidhean Croise

१ तिमोथी 5:10

दोस्‍यिककामा मेन, थेबाचेन लेमु कामगी लाईदु मिन चले खाबाते मि ओङा फाप्‍क्‍यो। थोक साबाते च्‍यि सासीन फुज्‍युङ फुमुला लेमु खाईन हुर्के खाबाते, खाम्‍बादु वाबाते मिला लेमु खित्‍कान्‍ते, परमेश्‍वर सन्‍तानओन खाम्‍बादु ओङजीन काम्‍बा टुला तेरकान्‍ते, दुक्‍पा ओताते मिओनला ताकान्‍ते थेमे ज्‍येनोङ होदोक्‍ते लेमुते काम खित्‍च्‍ये छ्य्‌वापा स्‍येत खिन देताते फेम्‍मे मि ओङा फाप्‍क्‍यो।

१ तिमोथी 5:8

दाक्‍पोन मिला थे लाक्‍तुङ दाक्‍पोन खाम्‍बे मिला माताकान्‍ते मिकीचेन येशू ख्रीष्‍टला विश्‍वास खित्‍जीन ङेन्‍दाते बात ङेन्‍दा ताङाते ईन। थोक्‍ते मिचेन येशू ख्रीष्‍टला विश्‍वास खाबा मेताते मि भन्‍दाङ मेलेबा ईन।

१ तिमोथी 5:9

थेमे ख्‍योबो स्‍याप्‍ते फेम्‍मे मिओनते गन्‍तीला मिन टिक्‍जीन खालि दोक्‍तेबे मिनकामा टि। चुक सासीन थेबा लो खाल सुम छाङगीन सिन्‍दाते ओङा फाप्‍क्‍यो। थेमे थेबा थे मोरोङ ख्‍योबोताङकामा देताते ओङा फाप्‍क्‍यो।