१ तिमोथी 5:15 - जिरेल

¹⁵ थोक्‍ते फेम्‍मे मि नाङ कोई कोई येशू ख्रीष्‍टला विश्‍वास खिता ताङगीन शैतान छ्य्‌वापा लै खाबेकी खित्‍सादु ङे दि बात साबाते ईन।

१ तिमोथी 5:15 Iomraidhean Croise

मत्ती 4:10

येशूकी “खो दुरूकी ग्‍युक शैतान। परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन ङारसुङ।

१ तिमोथी 1:20

थेबे नाङ हाइमेनियसताङ अलेक्‍जेन्‍डरोङ फाप्‍क्‍यो। प्रभु येशू ख्रीष्‍टला विरोध खिता मेङच्‍याक्‍वा सिन छ्या स्‍येस्‍यीत सिन ङे थेबा ङिकारला शैतान लाःक्‍तु सोम्‍पे खाबा ओत।

२ तिमोथी 1:15

थेमे एशिये अञ्‍चलदु येशूला विश्‍वास खित्‍कान गाङेराङ ङे छ्य्‌वापेई ठाल्‍गीन सिन्‍दा ओत। थोक खित्‍कान्‍तेबे नाङ फाइगेलसताङ हर्मोगेनसोङ ईन। दि बातओन खोल्‍ला छ्या मेताते मेन।

२ तिमोथी 2:18

थेबा ङिबोकीचेन सत्‍यते बात ङेन्‍दा ताङगीन परमेश्‍वरगी थे खोरोङ मिओनला सोम्‍बो लोक्‍च्‍येते काम खाईन सिन्‍दा ओत सिन लोप्‍कीदुक। थेबेकी दोक्‍ते मेन्‍दाते बात लापेकी येशूला विश्‍वास खित्‍कान्‍तेबा कोई कोईकी सत्‍यते बात ङेन्‍दा तोङगीन दुक।

२ तिमोथी 4:10

डेमासकीचेन दि जुनी बातकामा विचार खाईन ङाला ताङगीन थिस्‍सलोनिकापा गाल्‍सुङ। ज्‍येन ङात्ताङ ओतातेबे नाङ क्रेसेन्‍सचेन गलातिये अञ्‍चलपा थेमे तीतसचेन दलमातियापा गाला ओत।

२ पत्रुस 2:2

थेबे बात ङेन्‍ला मि काल्‍बेईकी होथेबेकी खाबा च्‍योकराङ खिता ओङच्‍या मेङच्‍या आउदी ङोचा लाङच्‍येते काम खिओ। थेबेकी थोक खाबा थोङला ज्‍येनगी परमेश्‍वर बात लेमु मेन्‍दाक्‍वा सिन सिओ।

२ पत्रुस 3:16

प्रभु येशू ग्‍युरला ओङच्‍येते बात थेकी थे खोरोङ चिट्ठी गाङेला टिबा ओत। ईन्‍दानी थेकी टिबाते कोई कोई बातकी अर्थ खोबाला आउदी दुक्‍पाङ ओत। थोगीराङ परमेश्‍वर बात लेमु खाईन छ्या स्‍येबा मेताते सेम ङि ओताते मिओनगी थे चिट्ठी बाततेबा खोपरोङ अर्थ लै खाला लोप्‍कीदुक। थेबेकीचेन परमेश्‍वर बातला साबाते ज्‍येन बादोङ होदोकराङ खाला लोप्‍क्‍यो। दोक खाबेकी थेबे गोःनामा परमेश्‍वर सजाय फाप्‍क्‍यो।

१ यूहन्‍ना 2:19

ईन्‍दानी गोमा होथेबाङ ङुरूङताङ ङ्योम्‍बुराङ ओतान। तिरी थेबा ङुरूङताङ दाक ठाल्‍गीन गाल्‍सुङ। थेबाङ ङुरूङ च्‍योक्‍तेराङ ईन्‍दा ईन्‍सीन ङुरूङताङ डिक्‍ला देत्‍च्‍या ओतान। थोक खाईन थेबा ङुरूङताङ ठाल्‍गीन गालेकी थेबा सुङ ङुरूङताङ डिक्‍कान्‍ते मि मेन सिन गाङेकी छ्या स्‍येक्‍यो।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।