१ तिमोथी 5:14 - जिरेल

¹⁴ थेबेकी थोक खिन माख्‍याम्‍स्‍यीत सिन ङा च्‍यि सिते सासीन थोरूमोङ उमेर ओताते ख्‍योबो स्‍याप्‍ते फेम्‍मे मिओनगीचेन बरू याङराङ फाङमा खासीन लेमु ईन। थोक खाला थेबेते फुज्‍युङ फुमु ओङला थेबेकी खाम्‍बा खाला सारस्‍यीत। थोक खासीन येशू ख्रीष्‍ट मिओनला विरोध खित्‍कान्‍ते मिओनगी बात खित्‍च्‍येते लाम छ्याःङ मेङेदो।

१ तिमोथी 5:14 Iomraidhean Croise

रोमी 14:13

थोगी ङुरूङ गाङेकी खुई च्‍यिला थोक खाबे, दोक खाबातेनी पाप ईन सिन साला दोक्‍पोईकी ज्‍येनज्‍यीकला दोष लै खित्‍च्‍येते तोङा फाप्‍क्‍यो। ख्‍योकोनगी खेराङ आज्‍यो न्‍वा च्‍योकराङ ओङाते मिओनला थेबेकी सा मेङगो साबाते साप सोसीन ओङगो साला शंका मालोङ। थेबेकी मास्‍साओ साबाते सो सिन कर लै माकेत।

२ कोरिन्‍थी 11:12

ङा थाङ थरिङसाक खाबा च्‍योकराङ खिन देत्‍क्‍यो। ङे ख्‍योकोनताङ पैसा लासुङ सासीन होथे येशू ख्रीष्‍टकी खटे खाबाते मि नाङ खापान खापान छ्ये ईन सिरकान्‍ते मिओनगी ङ्योकोनोङ पावल च्‍योकराङ ईन सिन सिओ। थेबेकी खोपरोङला ङ्योकोन च्‍योकराङ ईन सिन सिरा मेङेत्‍स्‍यीत सिन ङा ख्‍योकोनताङ छ्याःङ मिलिनो।

१ तिमोथी 2:8

थेमे ङा च्‍यि सिते सासीन येशू ख्रीष्‍ट मिओन जम्‍मा ओङजीन गाङेपा ख्‍योओ मिओनगी प्रार्थना खिता फाप्‍क्‍यो। प्रार्थना खिताला लाक्‍पा लोङजीन थेबा मेलेबा काम खिता ताङगीन सिन्‍दाते मि ओङा फाप्‍क्‍यो। थेबेकी सुङताङ स्‍येदाङ खुरा मेङगो। थेमे थेबा थोम्‍मु जीङगा खिता छोल्‍कान्‍ते मि ओङा मेङगो।

१ तिमोथी 4:3

थेबेकी मिओनला चुक चुक्‍ते बात लोप्‍कीते सासीन फाङमा खिता मेङगो, दि सा मेङगो थे सा मेङगो सिन लोप्‍क्‍यो। थेबेकी सा मेङगो साबाते सापतेबा गाङे मिओनगी सारस्‍यीत सिन परमेश्‍वरगीराङ जोबाते ईन। थोगी येशू ख्रीष्‍टला विश्‍वास खाला सत्‍यते बात ङेन्‍कान्‍ते मिओनगी खोपरोङ सापकी लाईदु परमेश्‍वरला धन्‍यवाद बिन्‍नामेई जुन सापोङ सोसीन ओङगो।

१ तिमोथी 5:11

ख्‍योबो स्‍याप्‍ते ईन्‍सीनोङ उमेर गाला मेताते फेम्‍मे मिओनतेचेन सुङगीतेङ गन्‍तीला मिन माटिक। च्‍यिला सासीन थोक्‍ते फेम्‍मे मिला तिरी ङालानी ख्‍योबो मेताला ओङराङ मेङगो सिराच्‍योक लाला लोक्‍ला दाक ख्‍योबोताङ ड्वा थुप्‍क्‍यो। थोक खासीन गन्‍तीला मिन टिक्‍जीन था ङा फाङमा मिक्‍किता खाला देत्‍ला काम खिओ सिन खोपरोङगी ख्रीष्‍टताङ खाबाते जमान खाबाच्‍योक मिक्‍किओ।

१ तिमोथी 6:1

थेमे येशूला विश्‍वास खित्‍कान्‍ते मिओन नाङ योक्‍पो योङमु गाङेकी खोपरोङ मालिकओनगी साबाते ङेन्‍ला थेबाला मान खिता फाप्‍क्‍यो। थेबेकी थोक माक्‍याबाते ज्‍येनगी थोङसीन परमेश्‍वर विरोध खिओ थेमे ङुरूङगी लोप्‍कीन ओताते बात लेमु मेन सिओ।

तीतस 2:5

दोस्‍यिककामा मेन, थेबेकी स्‍यार्मुतेबाला दाक्‍पोन सेम काबूला ज्‍य्‌वाबा फाप्‍क्‍यो, थेबे बानी बिवारा लेमु ओङा फाप्‍क्‍यो, खाम्‍बा खाला सा थुपा फाप्‍क्‍यो, ज्‍येनला दया खिता फाप्‍क्‍यो थेमे ख्‍योबोतेकी साबाते ङेन्‍कान ओङा फाप्‍क्‍यो सिन लोपा थुप्‍क्‍यो। स्‍यार्मुतेबेकी दोक दोक खासीन परमेश्‍वर बात लेमु मेन सिन सुङगीङ सिरा मुथुबो।

तीतस 2:8

खुई लोप्‍च्‍येते बातला दि मेन्‍दे बात ईन सिन सुङगीङ सिरा मेङेत्‍स्‍यीत सिन लेमु खाला लोप। दोक दोक खासीन ङुरूङ विरोध खित्‍कान्‍ते मिओनगी थेबेकी दि दि मेलेबा खासुङ सिरच्‍येते लाम छ्याःङ माङेत्‍ला खोपरोङराङ खर्के देइओ।

हिब्रू 13:4

ख्‍योकोन दाक्‍पोन ख्‍यावा फेम्‍मेताङकामा देत। सुङगीङ ज्‍येन मि ख्‍यावा फेम्‍मेताङ ङ्याल्‍ला रन्‍डीबाजी माकेत। फाङमा खाबातेबा ईन्‍स्‍यीत, माक्‍याबातेबा ईन्‍स्‍यीत रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबाला जोराङ ईन्‍सीनोङ परमेश्‍वरगी न्‍याय खाला सजाय तेरग्‍यो।