१ तिमोथी 4:7 - जिरेल

⁷ थेपा कोई कोई मिकी लोप्‍कीन ओताते कामराङ लै मिक्‍किच्‍येते कथाला खुई नामज्‍योक मासेत, ज्‍येनलाङ ङेन माज्‍युत। थेबेकी लोप्‍च्‍येते बातनी सत्‍यते बातताङ डिकराङ मिडिक्‍च्‍येते थेमे थाङनेते फेम्‍मे मि बात च्‍योक्‍ते ईन। थोगी खुई परमेश्‍वरला चुक खाला माने खिन ओते थे छ्य्‌वापा स्‍येत लै खाला झन थोक खिनराङ देत।

१ तिमोथी 4:7 Iomraidhean Croise

शक्ति काम 24:16

ङीमाई पक्‍काराङ दोक ओङगो सिन ङा दि जुनीला थुपासम्‍म जहिलेङ परमेश्‍वरगी साबा साबा च्‍योकराङ खित्‍च्‍येते थेमे ज्‍येनला लेमु ओङच्‍येते कामकामा खिता छोल्‍ग्‍यो।

१ तिमोथी 1:4

थेमे थेबाला छ्याःङ काम लै मिक्‍किच्‍येते कथा थेमे थाङबो थाङबोमे वंशावली बात खाला दिन तोङच्‍येते माकेत सि। थोक्‍ते बात खित्‍जीन खालि टेकाटेउरीकामा स्‍योरग्‍यो, नोमुङ डिक्‍च्‍येते बात मेङगो। थोक्‍ते बात खित्‍कान्‍ते मिओनगीचेन परमेश्‍वरगी मिओन नाङ खिता चालाते काम मिक्‍किओ। येशू ख्रीष्‍टला लेमु खाला विश्‍वास खालाकामा परमेश्‍वरगी खिता चालाते काम खिता थुप्‍क्‍यो।

१ तिमोथी 1:9

परमेश्‍वर नियमचेन थे नियमला खि साबा साबाच्‍योक खित्‍कान्‍ते मिओन लाईदु जोबाते मेन सिनोङ ङुरूङला छ्या ओत। थे नियम चुक्‍ते मिओन लाईदु जोबाते ईन्‍दे सासीन नियम कानून मेङेन्‍कान्‍तेताङ मनपरी खाला ख्‍याम्‍कान्‍ते मिओन, परमेश्‍वरला मान मिक्‍किकान्‍तेताङ पापीओन, परमेश्‍वरला मन परे मिक्‍किच्‍येते काम खित्‍कानताङ परमेश्‍वर ओतराङ मेत सिन थे विरोध खित्‍कान्‍ते मिओन लाईदु जोबाते ईन। थोक्‍ते मिओन लाईदुकामा मेन, दाक्‍पोन आबा आमाला थेमे ज्‍येन मिओनला सेत्‍कान्‍ते मिओन,

१ तिमोथी 2:10

बरू परमेश्‍वरला माने खित्‍कान्‍ते फेम्‍मे मिओनगी खिता फापाच्‍योक खाला थेबेकी लेमु काम खिता फाप्‍क्‍यो।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

१ तिमोथी 4:8

मिओनगी दाक्‍पोन ङार्मा ओङस्‍यीत सिन खोपरोङ जीउला दुक्‍पा बिन्‍गीन तालिम खाबाते छ्याःङ काम लै मिक्‍किच्‍येतेचेन मेन। ईन्‍सीनोङ परमेश्‍वरला माने खित्‍जीन खाबाते कामचेन दि भन्‍दा खापान खापान खुदुक ईन। दोक्‍ते काम खित्‍कान्‍ते मिलाचेन परमेश्‍वरगी दि जुनीलाकामा मेन तिरी जुनीलाङ आशी तेरग्‍यो सिन साबा ओत।

१ तिमोथी 6:11

तर खोचेन परमेश्‍वरगी खि साबाते काम खित्‍कान्‍ते मि ईन। थोगी खुई थोक्‍ते मेलेबा काम छ्याःङ माकेत। खुईचेन परमेश्‍वरगी खि साबा च्‍योकराङ खिन देत, थेला चुक खाला माने खिता फाप्‍च्‍येते ईन्‍दे थोकराङ खाला माने खि, येशू ख्रीष्‍टला विश्‍वास खिन देत। दोस्‍यिककामा मेन, ज्‍येनला ङिङज्‍ये खि, दुक्‍पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्‍च्‍ये छ्य्‌वापाकामा सेम लै खि।

१ तिमोथी 6:20

लो तिमोथी, परमेश्‍वरगी खोरोङला जिम्‍मा बिन्‍दाते काम खि साबा च्‍योकराङ खाला खिन देत। परमेश्‍वर बातताङ डिकराङ मिडिक्‍च्‍येते कामराङ लै मिक्‍किच्‍येते बातला नामज्‍योक मासेत। च्‍यि बात चुक ईन्‍दे सिन लेमु खाईन छ्या स्‍येबा ओताच्‍योक खाला सत्‍यते बात ईन सिन मेन्‍दे बात लोप्‍कान्‍ते मि बात नोमुङ माङेन।

१ तिमोथी 6:3

थेमे सुइँदेकी ङे लापाच्‍योक मेन्‍गीन खुदुकराङ बात लाप्‍ला ङुरूङ प्रभु येशू ख्रीष्‍ट सत्‍यते बातताङ मिडिक्‍च्‍येते बात लाप्‍सीन थेमे परमेश्‍वरला चुक खाला माने खिता फाप्‍कीते सिन लापा ओताच्‍योक खाईन मालाप्‍सुङ सासीन

१ तिमोथी 6:5

थेमे जहिलेङ थोम्‍मुकामा खिन देत्‍च्‍येते ओङगो। थेबे सेम मेलेबा ओतेकी सत्‍यते बात थेबाला छ्याःङ काम लै मिक्‍किओ। थेबेकी परमेश्‍वरला माने खित्‍च्‍येतेचेन सम्‍पत्ति ज्‍वा थुप्‍क्‍यो सिनकामा ईन।

२ तिमोथी 2:16

थेमे सत्‍यते बातताङ डिकराङ मिडिक्‍च्‍येते कामराङ लै मिक्‍किच्‍येते बातला नोमुङ नामज्‍योक मासेत। थोक्‍ते बात खिन देत्‍कान्‍ते मिओनगीनी झन झन परमेश्‍वरगी माकेत साबाते कामकामा खिन डुइओ।

२ तिमोथी 2:23

थेमे छ्याःङ काम लै मिक्‍किच्‍येतेताङ ईनराङ मेन्‍दाते बात खासीन खालि थोम्‍मु जीङगाकामा स्‍योरग्‍यो सिन खोल्‍ला छ्याराङ ओतेकी होदोक्‍ते बात खित्‍कान्‍ते मिओनताङ खुई थोक्‍ते बात छ्याःङ माकेत।

२ तिमोथी 3:12

ईन्‍दालाचेन येशू ख्रीष्‍टताङ जीउज्‍यीकराङ ओङगीन परमेश्‍वरला मन परे खित्‍च्‍येते काम खिता छोल्‍कान्‍ते मि गाङेला ज्‍येनगी दाक खेदापानी खिओ।

२ तिमोथी 3:5

थेबा परमेश्‍वरला माने खित्‍कान्‍ते मि ईन सिरा च्‍योकराङ खाला ख्‍याम्‍ग्‍यो। तर लेमु खाईन तासीन थेबेकी परमेश्‍वरला खोपरोङ सेमदु काम खित माच्‍युत्‍ला थेला मन परे खित्‍च्‍येते सिराते कामज्‍यीगोङ मिक्‍किओ। थोक्‍ते मिओनताङ साङ माकेत।

२ तिमोथी 4:4

थोक खाला थेबेकी सत्‍यते बात ङेन्‍दा ताङला छ्याःङ काम लै मिक्‍किच्‍येते कथाओनका लेमु खाला ङेन्‍ग्‍यो।

तीतस 1:14

थोक खाला थेबेकी थे यहूदीओनगी जोला लोप्‍च्‍येते छ्याःङ काम लै मिक्‍किच्‍येते बातताङ कथाओनला नामज्‍योक मेसेत्‍स्‍यीत थेमे सत्‍यते बात मेङेन्‍कान्‍ते मिओनगी ङेन्‍दा फाप्‍क्‍यो सिन साबाते रीतिथिति माने खिता तोङस्‍यीत सिन होथोक खि।

तीतस 2:12

परमेश्‍वर दयेकी खित्‍सादु चुक चुक खिता फाप्‍कीते सिन ङुरूङ लोप्‍कीन ओत। थोगी ङुरूङगी परमेश्‍वरगी माकेत साबाते काम खित्‍च्‍येते थेमे पापताङ लोभ खित्‍च्‍येते ताङला दाक्‍पोन सेम काबूला ज्‍य्‌वाबा थुप्‍क्‍यो थेमे दि कलि जुगला थेकी खि साबा साबाच्‍योक खिन थेला झन लेमु खाला माने खिता थुप्‍क्‍यो।

तीतस 3:9

तर बात खाला नोमुङ डिक्‍पा मुथुप्‍च्‍येते छ्याःङ काम लै मिक्‍किच्‍येते थाङबो थाङबोमे वंशावली बातओन खित्‍च्‍येते थेमे परमेश्‍वर नियम बात खाला टेकाटेउरी खिन थोम्‍मु खित्‍च्‍येतेचेन नोमुङ माकेत। थोक्‍ते बात खाला डिक्‍च्‍येतेताङ सुइँदाला लेमु ओङच्‍येते सिराते नोमुङ छ्याःङ मेङगो।

हिब्रू 5:14

दोक मेन्‍देकी पाको गाल्‍गीन ज्‍येनलाङ लोपा थुप्‍कान्‍ते मिओनगीचेन परमेश्‍वर बात लेमु खाला खोबा थुप्‍क्‍यो। थेबाचेन छारगीन दाक्‍पोनगी मुरला साच्‍येते साप साकान्‍ते मि च्‍योक्‍ते ईन। होदोक्‍ते मिओनगीचेन च्‍यि खिता लेमु ईन्‍दे, च्‍यि मेलेबा ईन्‍दे सिन खोपरोङगीराङ छ्या स्‍येला दोक्‍ते बात जहिलेङ डेला थुप्‍क्‍यो।