१ तिमोथी 4:6 - जिरेल

⁶ दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

१ तिमोथी 4:6 Iomraidhean Croise

मत्ती 13:52

थेमे थेकी “थोगी थानामेईचेन स्‍वर्गे राज्‍य सिराते च्‍यिन्‍दे, थे चुक्‍ते ईन्‍दे सिन लेमु खाईन छ्या स्‍येबाते धर्मे गुरूओन ओङगो। थेबाचेन खाम्‍बादु जेसुकै खटेन खित्‍कान्‍ते खाम्‍बे धनी च्‍योक्‍ते ईन। चुक खाला सासीन खाम्‍बे धनीकी गोमामेकी साकीन ज्‍याक्‍पाते थेमे भर्खर ज्‍याक्‍पाते सामानतेबा खाम्‍बे मिओनला गोजीन गोजीन जोतकी नाङदुकी थेन्‍दा च्‍योकराङ खाला थेबेकीङ खोपरोङगी गोमामेकी छ्या स्‍येबा ओताते थेमे थरिङोला खोबाते परमेश्‍वर बात ज्‍येनला लोपा थुप्‍क्‍यो,” सिन सिदुक।

लूका 1:3

थेमे ङालाङ दि बातओन टिक्‍पा फाप्‍क्‍यो सिराच्‍योक लासुङ। थोगी दि गाङे बात नाम नाम खापा चुक ओङाते ईन्‍दाका सिन ङे लेमु खाईन छ्या स्‍येबा चालाप। ङाराङगी लेमु खाईन छ्या स्‍येनामेई था ङा थियोफिलस खुई लाईदु दि बातओन टिगीन ओत।

शक्ति काम 1:15

येशूला विश्‍वास खित्‍कान्‍ते मिओन थोक खाला जम्‍मा ओङजीन ङीमाई मेन्‍दा खाल ठुकचो ओतान। थेमे पत्रुसकी थेबा गाङे दोन्‍दु लाकीन

शक्ति काम 20:31

थोगी खेराङला सुङगीङ छक्‍के खिता मुथुप्‍स्‍यीत सिन च्‍याङबो खाला देत। ङे लो सुमसाक ख्‍योकोन गाङेला येशूला विश्‍वास खिनराङ देत सिन ङीन नुप ख्‍योकोन पीर खुरगीन दुक्‍पा खाईन खाईन खाबाते काम नोमुङ टोक माज्‍येत।

शक्ति काम 20:35

थेमे ङुरूङगी दाक्‍पोन जीउ स्‍वाप्‍लाकामा मेन, दुक्‍पा ङेतातेबाला ताप्‍लाङ दुक्‍पा खाला काम खिता फाप्‍च्‍याक्‍वा सिन ङे ख्‍योकोनला तेन्‍गीन बिन्‍दा ओत। जे काम खित्‍जीनोङ ङुरूङगी ‘ज्‍येनगीते लिन्‍दा भन्‍दा बरू ज्‍येनला तेरा लेमु ईन,’ सिन प्रभु येशू थे खोरोङगीराङ साबाते बात टोक ज्‍येता मेङगो,” सिन बात खासुङ।

रोमी 15:15

ईन्‍सीनोङ ख्‍योकोनगी छ्या स्‍येबा ओताते बात टोक मेज्‍येता खाला झन लेमु खाला छ्या स्‍येस्‍यीत सिन ङे दि चिट्ठीला कोई कोई बात छ्याःङ ज्‍यीबा मिक्‍किता खाईन टिबा ओत। परमेश्‍वरगी ङाला दया खाईन थे खोरोङ काम खि साबा ओतेकी ङे ख्‍योकोनला दोक खाईन टिबाते ईन।

१ कोरिन्‍थी 4:17

ङे खाबा च्‍योकराङ खित्‍च्‍येते ख्‍योकोनला लाप्‍ला तेरस्‍यीत सिनराङ तिमोथीला ङा ख्‍योकोन ओत्‍सापा तोङगीन ओत। दि प्रभु येशूकी खि साबा च्‍योकराङ खाला काम खित्‍कान्‍ते मि ईन। दिला ङा ङिङज्‍ये खिओ। दि ङेते ङाराङ फुज्‍युङ च्‍योकराङ ईन। ङा येशू ख्रीष्‍टताङ जीउज्‍यीकराङ ओङाते मि ईन्‍देकी ङे चुक खिका, च्‍यि खिका सिरच्‍येते गाङे बात था दिकी ख्‍योकोनला लोप्‍क्‍यो। ङे तिमोथीला ख्‍योकोनला लोप ताङाते बातराङ ङा गाङेपा ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लोप्‍कीन ओत।

२ कोरिन्‍थी 11:23

थेबेकी खोपरोङ येशू ख्रीष्‍ट काम खित्‍कान्‍तेबा ईन खिदुक। ङाङ येशू ख्रीष्‍ट काम खित्‍कान्‍तेराङ ईन। ईन्‍दानी दोक्‍ते बात खित्‍च्‍येते लेम्‍बे बात च्‍योक्‍ते ईन सिन ङाला छ्या ओत। ईन्‍सीनोङ ङा च्‍यि सिते सासीन थेबेकी भन्‍दा ङे खापान खापान ल्‍हाक्‍पा काम खाबा ओत। ङा पालो थोई जेलदु देते सिन टुङ्गो मेत। मिओनगी ङाला दुबाते बात खाला छ्याःङ साँधी मेत। पालोताङ पालो ङा कालगी खादुकी थाराते ईन।

२ कोरिन्‍थी 3:6

थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्‍येनला लोप सिन जिम्‍मा बिन्‍सुङ। ङ्योकोनगी लोप्‍च्‍येते होदि जमान बातचेन थाङबो मोशे पालोला दोई पाटीला टिबाते परमेश्‍वर नियम च्‍योक्‍ते मेन, परमेश्‍वर आत्‍मे बात ईन। होथे दोई पाटीला टिबाते नियमला खि साबाच्‍योक मिक्‍किकान्‍ते मिओनचेन पापकी सजाय ङेत्‍ला स्‍यिइओ। परमेश्‍वर आत्‍मेकीचेन मिओनला नोमुङ मिसिन्‍च्‍येते जुनी तेरग्‍यो।

२ कोरिन्‍थी 6:4

बरू ङेत परमेश्‍वर काम खित्‍कान ईन्‍देकी थोक्‍ते मिकी खिता फापा च्‍योकराङ खाला काम खिओ। च्‍यि सासीन जति दुक्‍पा ओङसीनोङ ङ्योकोन थोक्‍ते दुक्‍पा खपे खिन देत्‍क्‍यो। ज्‍येनगी दुक्‍पा तेरजीनोङ, आपत् विपत् आइ परे खित्‍जीनोङ थेमे पीर लाङजीनोङ ङ्योकोन सेम मेसेता खाला देत्‍क्‍यो।

एफिसी 6:21

ज्‍येन बात च्‍यि सासीन ङा चुक दुका, च्‍यि खिन दुका सिन था न्‍वा टाइकिकसकी ख्‍योकोनला गाङे लाःप्‍क्‍यो। दिला ङा ङिङज्‍ये खिओ। दिङ प्रभु ख्रीष्‍ट काम खित्‍कान्‍ते मिराङ ईन। दि थे काम आउदी लेमु खाला खित्‍कान्‍ते मि ईन।

फिलिप्‍पी 2:20

चुक खासीन ख्‍योकोनला लेमु ओङगीताका सिन ङात्ताङ डिक्‍ला काम खित्‍कान्‍ते मि दुरू तिमोथीकामा ओत।

फिलिप्‍पी 2:22

तिमोथी थे खोरोङगी खिता फाप्‍च्‍येते काम चुक लेमु खाला खित्‍कान्‍ते मि ईन्‍दे सिन ङे ख्‍योकोनला सिरा माफाप्‍तासीन। फुज्‍युङतेकी आबातेताङ डिगीन काम खाबा च्‍योकराङ खाईन दिकी ङात्ताङ डिगीन ज्‍येनला गा लाङच्‍येते बात लापा ओत।

फिलिप्‍पी 3:16

जे ईन्‍सीनोङ दाक्‍पोनगी थातासाक छ्या स्‍येबाते बात ङुरूङगी टोक मेज्‍येता खाला देता फाप्‍क्‍यो।

कलस्‍सी 2:19

थोक्‍ते मिचेन ख्रीष्‍टताङ ठाल्‍गीन सिन्‍दाते मि ईन। मि जीउकी गोः च्‍योकराङ थे खोरोङ मिओनते छ्येते ख्रीष्‍टराङ ईन। मि जीउचेन चाताङ छिकी जोरे खाबा ओङगो। थेमे गोः ओत्‍सीनकामा मि जीउ छारग्‍यो। थोकराङ खाला ख्रीष्‍टकीकामा थे खोरोङ मि गाङेला डिक च्‍युत्‍ला परमेश्‍वरगी चुक ओङा फाप्‍क्‍यो सिन साबाते ईन्‍दे पूरो खाला थोकराङ ओङ ज्‍युत्‍क्‍यो।

कलस्‍सी 3:16

थेमे खेराङगी ख्रीष्‍टकी बात झन झन लेमु खाला छ्या स्‍येबा थुप्‍स्‍यीत सिन थे बात ख्‍योकोनगी सेमगी नाङ गुने खिनराङ देत। चुक सासीन परमेश्‍वरगी बिन्‍दाते बुद्धिकी ख्‍योकोनगी थे बात खेराङ नाङ लोप्‍कीन देत, थेरू साबा च्‍योकराङ खिन देता फाप्‍क्‍यो सिन दोक्‍पोईकी ज्‍येनज्‍यीकला सिनराङ देत। थेमे परमेश्‍वरगी खेराङला चुक दया खासुङा सिन गा खिन थेला धन्‍यवाद सिनकामा खेराङ नाङ भजन लिन्‍च्‍येते, परमेश्‍वरला छ्ये जोच्‍येते लु लिन्‍च्‍येते थेमे परमेश्‍वर आत्‍मेकी लिन च्‍युताते ज्‍येनोङ लु लिन्‍च्‍येते खि।

कलस्‍सी 4:7

ज्‍येन बात च्‍यि सासीन ङिङज्‍येते न्‍वा टाइकिकसकी थेपा लेप्‍नामेई ख्‍योकोनला ङे बात गाङे लाःप्‍क्‍यो। दिकी खिता फापा च्‍योकराङ खाला प्रभु येशू काम खिन ओत। दिङ ङा च्‍योकराङ प्रभु येशू काम खित्‍कान्‍ते मि ईन।

१ थिस्‍सलोनिकी 3:2

ङुरूङ न्‍वा तिमोथीला ख्‍योकोन ओत्‍सापा ताङा ओतान। तिमोथीङ ङ्योकोनताङराङ परमेश्‍वर काम खिन मिओनला ख्रीष्‍टते गा लाङच्‍येते बात लोप्‍कान्‍ते मिराङ ईन सिन ख्‍योकोनला सिरा माफाप्‍तासीन। ज्‍येनगी दुक्‍पा तेरजीन ख्‍योकोन सुङगीङ प्रभु येशूला विश्‍वास खिता तोङा मेङगो, बरू जति दुक्‍पा ओङसीनोङ सेम मेसेता खाला थेला विश्‍वास खिनराङ देता फाप्‍क्‍यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्‍वास खाबेकी खित्‍सादु ङुरूङगी दुक्‍पा भोगे खिता फाप्‍क्‍यो सिन ख्‍योकोनला लेमु खाला छ्याराङ ओत।

१ तिमोथी 1:10

रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते मिओन, मि छोङकान्‍तेबा, ढाँर खित्‍कान्‍तेबा थेमे मेन्‍दे बातलाङ ईन सिन ना केल्‍कान्‍ते मिओन लाईदुङ ईन। परमेश्‍वर नियमचेन होदोक दोक काम खित्‍कान्‍ते मिओन लाईदुकामा मेन। येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातताङ डिकराङ मिडिक्‍च्‍येते कामताङ बात खित्‍कान्‍ते मिओन लाईदु जोबाते ईन।

१ तिमोथी 4:16

खोरोङगी चुक खिन ओते, चुक्‍ते बात लोप्‍कीन ओते सिन लेमु खाला विचार खिन देत। खुई दोक खिन देत्‍सीन खोरोङगी थेमे खुई लापाते बात ङेन्‍कान्‍ते मिओनगी तिरी पापकी सजाय भोगे खिता माफाबो।

१ तिमोथी 6:3

थेमे सुइँदेकी ङे लापाच्‍योक मेन्‍गीन खुदुकराङ बात लाप्‍ला ङुरूङ प्रभु येशू ख्रीष्‍ट सत्‍यते बातताङ मिडिक्‍च्‍येते बात लाप्‍सीन थेमे परमेश्‍वरला चुक खाला माने खिता फाप्‍कीते सिन लापा ओताच्‍योक खाईन मालाप्‍सुङ सासीन

२ तिमोथी 1:6

बात दोक ईन्‍देकी था ङा खोल्‍ला च्‍यि सिते सासीन ङे खुई गोःकी लाक लाक्‍पा ज्‍याक्‍ला प्रार्थना खिते बेलाला परमेश्‍वरगी खोल्‍ला थे खोरोङ काम खिताला बिन्‍दाते सीप चले खिता नोमुङ मातोङ।

२ तिमोथी 3:10

बात दोक दोक ईन्‍सीनोङ ङे बातचेन गाङे खोल्‍ला लेमुराङ खाला छ्या ओत। च्‍यि सासीन सत्‍यते बात लोप्‍जीन ङे च्‍यि बात चुक खाईन लापा ओताने, ङे चुक चुक खाबा ओताने थेमे ङे ङाराङ जुनी खाङ च्‍यि खिता चाला ओताने सिन खोल्‍ला छ्याराङ ओत। दोस्‍यिककामा मेन, ङे येशूला चुक खाला विश्‍वास खिन ओताने, ङा चुक खाला ज्‍येनताङ स्‍येदाङ मिक्‍किता खाला देत्‍कीन ओताने, ज्‍येनला चुक खाला ङिङज्‍ये खिन ओताने थेमे जस्‍तो दुक्‍पा ओङसीनोङ ङे चुक खाला खपे खिन ओताने सिन गाङे बात खुई छ्या स्‍येबाराङ ओत।

२ तिमोथी 4:3

ङे च्‍यिला दोक साबाते ईन्‍दे सासीन था समयज्‍यीक ओङगो। थेजीनचेन मिओनला मिकी ङेन्‍दा फाप्‍च्‍येते सत्‍यते बात ङेन्‍दाला गाराङ मालाङो। बरू जसकी खोपरोङला ङेन्‍दा सेम लाङच्‍येते बात लोप्‍कीदुक होथोक्‍ते मि काल्‍बेईला रूला गा खिन थेबे बात ङेन्‍ग्‍यो।

तीतस 2:1

थेमे खुईचेन येशू ख्रीष्‍ट मिओनला थेबेकी ङेन्‍दा फाप्‍च्‍येते बातताङ डिक्‍च्‍येते बातकामा लोप।

१ पत्रुस 2:2

बरू बालकते फिजेकी याङ याङ नुमा थुङा सेम खाबाच्‍योक खाला ख्‍योकोनगीङ परमेश्‍वर बात ङेन्‍ला थेरू खि साबा साबा खित्‍च्‍ये छ्य्‌वापाकामा सेम खि। परमेश्‍वर बातचेन मि बात मेन्‍देकी गाङे सत्‍यते बात ईन। दि बात ङेन्‍ला थेरू खि साबा च्‍योकराङ खिन गाल्‍नामेई ख्‍योकोन मेलेबा काम खिता ताङला पाको डुइओ।

२ यूहन्‍ना 1:9

ख्रीष्‍टकी लापाते बातकी लाक्‍तुङ ज्‍येन बात ङेन्‍दा छोल्‍कानगीचेन थेकी लापाते बात ङेन्‍दा तोङगो थेमे होथोक्‍ते मित्ताङचेन परमेश्‍वर ङ्योम्‍बु मेदेदो। ख्रीष्‍टकी लापाते बात ङेन्‍गीन देत्‍कान्‍ते मित्ताङचेन आबा परमेश्‍वर थेमे थे फुज्‍युङ ङ्योम्‍बुराङ देत्‍क्‍यो।

यहूदा 1:5

परमेश्‍वरगी थे खोरोङ मिओनला मिश्रे लुङबादुकी दुक्‍पादुकी टाल्‍गीन खुलाबा ओतान तर थे खोरोङ बात ङेन्‍दा तोङकान्‍तेबाला तिरी सजाय बिन्‍गीन सेता ओतान सिन ख्‍योकोनला छ्याराङ ओत। ईन्‍सीनोङ दि बाततेबा ङा ख्‍योकोनला ठेम्‍बा लाङस्‍यीत सिन खिन ओत।