१ तिमोथी 4:4 - जिरेल

⁴ च्‍यिला सासीन मिओनला सिन जोबाते ईन्‍स्‍यीत, ज्‍येनतोक ईन्‍स्‍यीत परमेश्‍वरगी जोबाते जति गाङे लेमु ईन, मेलेबा सिराते छ्याःङ मेत। थेकीराङ बिन्‍दाते ईन सिन थेला धन्‍यवाद बिन्‍गीन सोसीन सा मेङच्‍येते सिराते छ्याःङ मेत।

१ तिमोथी 4:4 Iomraidhean Croise

शक्ति काम 10:15

थेकी याङराङ “परमेश्‍वरगी सा ओङगो सानामेकी था खो चुक खाला साच्‍ये सिन मासेर,” सिन सिरा थोसुङ।

शक्ति काम 15:29

थे बातओन च्‍यि ईन्‍दे सासीन ख्‍योकोनगी ल्‍हाला पूजा खाबाते छ्याःङ मासा, ठागोङ मासा। ठाक मेदेन्‍दा खाईन सेताते छ्याःङगीतेङ स्‍या मासा। थेमे रन्‍डीबाजी थेमे होदि च्‍योक्‍ते खिता मेङच्‍येते काम माकेत। ङ्योकोनगी माकेत साबाते दि कामओन ख्‍योकोनगी माक्‍यासीन लेमु ओङगो। लो ख्‍योकोन गाङेला साबा च्‍योक ओङस्‍यीत,” सिन टिबा ओतान।

शक्ति काम 21:25

येशूला विश्‍वास खित्‍कान्‍ते ज्‍येन ज्‍येन जातकी मिकी चुक खिता फाप्‍कीते सिन ङ्योकोनगी गोमाकाराङ साकीन सिन्‍दा ओत। थेबाला ङ्योकोनगी ल्‍हाला पूजा खाबाते छ्याःङ मासा, ठागोङ मासा, ठाक मेदेन्‍दा खाईन सेताते छ्याःङगीतेङ स्‍या मासा। थेमे रन्‍डीबाजी थेमे होदि च्‍योक्‍ते खिता मेङच्‍येते काम माकेत सिन टिकीन ताङा ओत,” सिन सिदुक।

रोमी 14:14

प्रभु येशूताङ जीउज्‍यीकराङ ओङाते मि ईन्‍देकी दि बात ङे लेमु खाईन छ्या स्‍येबा ओत। च्‍यि सासीन स्‍या ईन्‍सीनोङ ज्‍येनतोक ईन्‍सीनोङ सा मेङच्‍येते सिराते छ्याःङ ओतराङ मेत। मिकी जे सोसीनोङ पा फोक्‍च्‍येते मेन। दोक ईन्‍सीनोङ सुइँदाला दिनी सा मेङगो, दि सोसुङ सासीन पा फोइओ सिराच्‍योक लाङगीन लाङगीन थोक्‍ते साप सोसुङ सासीन थेबालाचेन दाक पा फोइओ।

रोमी 14:20

साच्‍या थुङच्‍ये बातला माडिक्‍ला परमेश्‍वरगी खेराङ नाङ खाबाते काम ङ्ये माज्‍युत। ईन्‍दाका ङे आनाङका साबा च्‍योकराङ जे सोसीनोङ मिला पा फोक्‍च्‍येते मेन। ईन्‍सीनोङ ख्‍योकोनगी खइँदा सोबा थुबेकी खित्‍सादु ज्‍येनगीङ खोपरोङगी मास्‍साओ मुथुङो सिन साबाते सेइदुक थुङगीदुक सासीन ख्‍योकोनगी थोक खाईन सोबा थुबाते लेमु मेन।

रोमी 14:6

प्रभु येशू ख्रीष्‍टला लेमु खाला माने खिताप सिनराङ कोईकी कोई दिनला ज्‍येन भन्‍दा खुदुक दिन ईन सिन माने खिओ। लोक्‍ला येशू ख्रीष्‍टला लेमु खाला माने खिताप सिनराङ कोईकी स्‍या सेइओ, कोईकी साराङ मास्‍साओ। स्‍या साकानगीङ परमेश्‍वरला धन्‍यवाद बिन्‍ला सेइओ, मास्‍साकान्‍तेबेकीङ खोपरोङगी जे सेइदुक थे लाईदु परमेश्‍वरला धन्‍यवाद बिन्‍ला सेइओ।

१ कोरिन्‍थी 10:23

थेमे मिओनगी खोपरोङगी जे खासीनोङ ओङगो सिन खिदुक। ईन्‍दानी ईन, खिता ओङगो। थोक ईन्‍सीनोङ गाङे काम लेमुकामा मेन। जेङ खित्‍जीन ज्‍येनला मेलेबा ओङगो।

१ कोरिन्‍थी 10:25

स्‍या छोङसाला गाल्‍ला ख्‍योकोनगी दि स्‍या खापेकी खुलाबाते ईन्‍ताका, ना खइँदाला पूजा खाबातेका ईन्‍दा सिन छ्याःङ शंका मिक्‍किता खाला ङ्योला सो।

१ कोरिन्‍थी 10:26

च्‍यिला सासीन परमेश्‍वर बातला “दि सा लुङबा खाङ ओताते जति गाङे प्रभु परमेश्‍वरतेराङ ईन,” सिन टिबा ओत।

१ कोरिन्‍थी 10:30

थेमे ल्‍हाला पूजा खाबाते थे स्‍ये लाईदु ङे परमेश्‍वरला धन्‍यवाद बिन्‍गीन सोसीन ङाराङगी परमेश्‍वरला धन्‍यवाद बिन्‍दाते थे स्‍या सोबाते पाप खाबाते ईन सिन ज्‍येनगी च्‍यिला सिरच्‍ये?

१ तिमोथी 4:3

थेबेकी मिओनला चुक चुक्‍ते बात लोप्‍कीते सासीन फाङमा खिता मेङगो, दि सा मेङगो थे सा मेङगो सिन लोप्‍क्‍यो। थेबेकी सा मेङगो साबाते सापतेबा गाङे मिओनगी सारस्‍यीत सिन परमेश्‍वरगीराङ जोबाते ईन। थोगी येशू ख्रीष्‍टला विश्‍वास खाला सत्‍यते बात ङेन्‍कान्‍ते मिओनगी खोपरोङ सापकी लाईदु परमेश्‍वरला धन्‍यवाद बिन्‍नामेई जुन सापोङ सोसीन ओङगो।