१ तिमोथी 4:3 - जिरेल

³ थेबेकी मिओनला चुक चुक्‍ते बात लोप्‍कीते सासीन फाङमा खिता मेङगो, दि सा मेङगो थे सा मेङगो सिन लोप्‍क्‍यो। थेबेकी सा मेङगो साबाते सापतेबा गाङे मिओनगी सारस्‍यीत सिन परमेश्‍वरगीराङ जोबाते ईन। थोगी येशू ख्रीष्‍टला विश्‍वास खाला सत्‍यते बात ङेन्‍कान्‍ते मिओनगी खोपरोङ सापकी लाईदु परमेश्‍वरला धन्‍यवाद बिन्‍नामेई जुन सापोङ सोसीन ओङगो।

१ तिमोथी 4:3 Iomraidhean Croise

मत्ती 14:19

थेमे थे मिओनला साला पाङगी सो लाई नाङला देत च्‍युत्‍कीन थेकी थे स्‍योबेन ङाताङ ङ्या ङि लाःक्‍तु लाकीन नामने ताकीन थे सापकी लाईदु परमेश्‍वरला धन्‍यवाद बिन्‍सुङ। थेमे थेकी थे स्‍योबेन च्‍य्‌वाकीन गाङेला गोला बिन सिन चेलातेबाला तेरगीन खानामेई थेबेकीङ साबा च्‍योकराङ खाईन गोकीन बिन्‍सुङ।

मत्ती 15:11

च्‍यि सासीन ङुरूङगी दि सा ओङच्‍येते, थे सा मेङच्‍येते थेमे लाक्‍पा चोके खालाकामा सा ओङगो सिरच्‍येते छ्याःङ मेत। साप सोला पा मोफोगो। मि खानामेकी थेन्‍च्‍येते बातकीका मिला पा फोइओ,” सिन सिदुक।

मत्ती 15:36

थेरूई थेकी थे स्‍योबेन दुईनताङ ङ्यातेबा लाःक्‍तु लाकीन परमेश्‍वरला धन्‍यवाद बिन्‍गीन सिन्‍नामेकी स्‍योबेनतेबा च्‍य्‌वाकीन थेमे ङ्यातेबा टुक्रा जोइन मिओनला गोला बिन सिन चेलातेबाला तेरगीन खासुङ। चेलातेबेकीङ मि गाङेला गोकीन बिन्‍सुङ।

लूका 24:30

थेमे साप सा बेलाला स्‍योबेनज्‍यीक लाःक्‍तु लाकीन थेकी परमेश्‍वरला सापकी लाईदु धन्‍यवाद बिन्‍सुङ। थेमे थे स्‍योबेन च्‍यागीन थेबाला गोकीन बिन्‍सुङ।

यूहन्‍ना 6:23

थेजीनराङ तिबेरियास नाङपेकी वाबाते डुङ्गा काल्‍बेई थे समुन्‍द्रे छेउकी नाङला ख्‍योल्‍सुङ। थे समुन्‍द्रे छेउकी खादुराङ गोमे छोमु प्रभु येशूकी स्‍योबेनताङ ङ्ये लाईदु परमेश्‍वरला धन्‍यवाद बिन्‍नामेई मिओनला सा बिन्‍दा ओतान।

शक्ति काम 27:35

थोक सानामेकी थेकी लाःक्‍तु स्‍योबेन लाकीन थेबा गाङे ङोन्‍दु परमेश्‍वरला धन्‍यवाद बिन्‍गीन स्‍योबेन च्‍यागीन साप्‍ला स्‍यूसुङ।

रोमी 14:17

दि बातओन ङे च्‍यिला खाबाते ईन्‍दे सासीन परमेश्‍वर राज्‍यदु स्‍यूबाते मिओन नाङ दि सा थुङा ओङगो, थे सा थुङा मेङगो सिरच्‍येते बात छ्याःङ छ्येते बात मेन। छ्येते बातचेन परमेश्‍वर आत्‍मे छ्य्‌वापेई परमेश्‍वरगी खि साबा साबाच्‍योक खित्‍च्‍येते, दाक्‍पोन नाङ डिक्‍ला थुन्‍ला देत्‍च्‍येते थेमे गा खिन देत्‍च्‍येतेराङ ईन।

रोमी 14:3

जे सोसीनोङ ओङगो सिन स्‍या साकान्‍ते मिकी स्‍या मास्‍साकान्‍तेला थेनी स्‍या साप्‍ला ज्‍यीबा खिदुक, थे चुक लेम्‍बा ईन्‍दाका सिराच्‍योक खाला छ्ये माकेत। थोकराङ खाला स्‍या मास्‍साकान्‍तेकीङ खो च्‍यिला स्‍या सेइते? खुई दोक खाबातेनी पाप खाबाते ईन सिन मासेर। च्‍यिला सासीन स्‍या साकान्‍तेलाङ परमेश्‍वरगी थे खोरोङ मिराङ ईन सिन साबा ओत।

रोमी 14:6

प्रभु येशू ख्रीष्‍टला लेमु खाला माने खिताप सिनराङ कोईकी कोई दिनला ज्‍येन भन्‍दा खुदुक दिन ईन सिन माने खिओ। लोक्‍ला येशू ख्रीष्‍टला लेमु खाला माने खिताप सिनराङ कोईकी स्‍या सेइओ, कोईकी साराङ मास्‍साओ। स्‍या साकानगीङ परमेश्‍वरला धन्‍यवाद बिन्‍ला सेइओ, मास्‍साकान्‍तेबेकीङ खोपरोङगी जे सेइदुक थे लाईदु परमेश्‍वरला धन्‍यवाद बिन्‍ला सेइओ।

१ कोरिन्‍थी 6:13

ख्‍योकोनगी “मिला साप थुङा गोक्‍यो, साप थुङा मेताला मि चुक खाला सोन्‍गीते?” सिरा ठीकराङ ईन। तर ङीमाई परमेश्‍वरगी मि जीउ साप थुङा मोगोच्‍या खुदुक जोइओ। बात च्‍यि सासीन परमेश्‍वरगी ङुरूङला दि जीउ बिन्‍दाते रन्‍डीबाजी थेमे होदि च्‍योक्‍ते खिता मेङच्‍येते काम खिताला मेन, प्रभु येशूला मन परे खित्‍च्‍येते काम खिताला ईन। ङुरूङला गोच्‍येते तेरकान्‍ते प्रभु येशूराङ ईन।

१ कोरिन्‍थी 7:28

तर ख्‍योकोनगी फाङमा खासीन दि पाप खाबाते मेन। थोकराङ खाला फाङमा खाबा मेताते फेम्‍मे फिजेकी फाङमा खिताङ पाप मेन। ईन्‍सीनोङ फाङमा खानामेई ख्‍योकोनला काल्‍बेई दुक्‍पा ओङगो। ङाचेन ख्‍योकोन थोक्‍ते दुक्‍पाला माफाप्‍स्‍यीत सिन सेम खिओ।

१ कोरिन्‍थी 8:8

बात चुक ईन्‍दे सासीन साप थुङेकी ङुरूङला परमेश्‍वर दोन्‍दु लेमुङ ज्‍वा मुथुबो, मेलेबाङ ज्‍वा मुथुबो। पूजा खाबाते स्‍या सोला परमेश्‍वर दोन्‍दु पा फोक्‍च्‍येतेङ मेन, मासोला थे दोन्‍दु लेमु ओङच्‍येतेङ मेन।

कलस्‍सी 2:16

बात दोक दोक ईन्‍देकी सुइँदेकी ख्‍योकोनला च्‍यिला दि सेइते, दि थुङगीते, च्‍यिला दि दि चाड माने मिक्‍किते, च्‍यिला औंसी माने मिक्‍किते, सन्‍चारी छोमु दि दि खि, दि दि माकेत सिरजीन ख्‍योकोनगी थोक्‍ते मि बातला नामज्‍योकराङ मासेत।

कलस्‍सी 3:17

ख्‍योकोनगी काम बात जे खासीनोङ प्रभु येशू मिओनगी खिता फापा च्‍योकराङ खाला खि। थेमे प्रभु येशू छ्य्‌वापेई आबा परमेश्‍वरला धन्‍यवाद तेरगीन देत।

१ तिमोथी 2:4

मि सुङगीङ पापकी सजाय भोगे खिता माफाप्‍स्‍यीत थेमे गाङेकी सत्‍यते बात छ्या स्‍येला ङेन्‍स्‍यीत सिरच्‍येते परमेश्‍वर सेम ओत।

१ तिमोथी 4:4

च्‍यिला सासीन मिओनला सिन जोबाते ईन्‍स्‍यीत, ज्‍येनतोक ईन्‍स्‍यीत परमेश्‍वरगी जोबाते जति गाङे लेमु ईन, मेलेबा सिराते छ्याःङ मेत। थेकीराङ बिन्‍दाते ईन सिन थेला धन्‍यवाद बिन्‍गीन सोसीन सा मेङच्‍येते सिराते छ्याःङ मेत।

१ तिमोथी 5:14

थेबेकी थोक खिन माख्‍याम्‍स्‍यीत सिन ङा च्‍यि सिते सासीन थोरूमोङ उमेर ओताते ख्‍योबो स्‍याप्‍ते फेम्‍मे मिओनगीचेन बरू याङराङ फाङमा खासीन लेमु ईन। थोक खाला थेबेते फुज्‍युङ फुमु ओङला थेबेकी खाम्‍बा खाला सारस्‍यीत। थोक खासीन येशू ख्रीष्‍ट मिओनला विरोध खित्‍कान्‍ते मिओनगी बात खित्‍च्‍येते लाम छ्याःङ मेङेदो।

हिब्रू 13:4

ख्‍योकोन दाक्‍पोन ख्‍यावा फेम्‍मेताङकामा देत। सुङगीङ ज्‍येन मि ख्‍यावा फेम्‍मेताङ ङ्याल्‍ला रन्‍डीबाजी माकेत। फाङमा खाबातेबा ईन्‍स्‍यीत, माक्‍याबातेबा ईन्‍स्‍यीत रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबाला जोराङ ईन्‍सीनोङ परमेश्‍वरगी न्‍याय खाला सजाय तेरग्‍यो।

हिब्रू 13:9

बात दोक ईन्‍देकी परमेश्‍वर बात ईन सिन थे बातताङ डिकराङ मिडिक्‍च्‍येते खुदुक खुदुकते बात ङेन्‍ला छक्‍के माकेत। परमेश्‍वरगी दया खाबा ओतेकी खित्‍सादु होथोक्‍ते बातला नामज्‍योक मेसेता खाला छ्याःङ शंका मिक्‍किता खाला थेला विश्‍वास खिन देता लेमु ईन। दि सा ओङगो, थे सा मेङगो सिरच्‍येते नियम ङेन्‍ला सुङलाङ छ्याःङ फाइदा मेत।