१ तिमोथी 4:2 - जिरेल

² ढाँर खित्‍कान्‍तेबेकी होथे ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात लेमु बात ईन सिन ज्‍येनला लोप्‍क्‍यो। थोक्‍ते मि सेमचेन स्‍यिङ दो च्‍योकराङ स्‍येन्‍दे गाला ओतेकी खोपरोङगी थोक मेलेबा बात लोप्‍जीनोङ छ्याःङ च्‍योक मालाङो।

१ तिमोथी 4:2 Iomraidhean Croise

मत्ती 24:24

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

मत्ती 7:15

थेमे परमेश्‍वर बात खित्‍कान्‍ते मि ईन साला मेन्‍दे बात लोप्‍कान्‍ते मिओनताङ च्‍याङबो खाला देत। थेबाचेन सुङलाङ छ्याःङ मेलेबा मिक्‍किकान्‍ते लुक च्‍योकराङ थोङगो। ईन्‍सीनोङ थेबानी फारा च्‍योकराङ मेलेबा ईन।

शक्ति काम 20:30

दोस्‍यिककामा मेन, ख्‍योकोन खेराङ नाङदुकीङ कोई कोईकी मेन्‍दा मेन्‍दे बात लाप्‍ला थुप थुपला ख्‍योकोन गाङेला खोपरोङ छ्य्‌वापा लै खित ज्‍युता छोल्‍ग्‍यो।

रोमी 1:28

दोस्‍यिककामा मेन, थेबेकी परमेश्‍वरगी साबाते च्‍यिला ङेन्‍च्‍येरो सिन थेला छ्याःङ वास्‍ता माक्‍याबेकी थेकी थेबाला खोपरोङ सेमला लाबा लाबा खिता मेङच्‍येते कामराङ खित्‍स्‍यीत सिन ताङसुङ।

रोमी 16:18

थोक्‍ते मिओनगीचेन प्रभु ख्रीष्‍टला माने खिते साटोला खालि साच्‍या थुङच्‍ये बातताङ खोपरोङला जे जे खिता सेम लाङगीदुक थे थेराङ खिओ। थेबेकीनी स्‍यीम्‍बु स्‍यीम्‍बु बात खाला खोलु खिन साधा सुधोते मिओनला डिकस्‍यिकला ङ्योल्‍च्‍येते कामकामा खिओ।

एफिसी 4:14

दोक ओङनामेकीचेन ङुरूङ पाको गाला मेताते मिकी च्‍योक मिक्‍किओ। पाको गाला मेताते मिकीचेन परमेश्‍वर बात ईन सिन सुइँदेकी मेन्‍दे बात लाप्‍सीन थे ङेन्‍ग्‍यो। लोक्‍ला ज्‍येनज्‍यीगी होथोक्‍ते ज्‍येनराङ बात लाप्‍सीन थेङ ङेन्‍ग्‍यो। होथोक्‍ते बात लोप्‍कान्‍ते मिओन ज्‍येनला छक्‍के खिताला आउदी च्‍याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्‍याप्‍ला खोपरोङ लाःक्‍तु लिन्‍ग्‍यो।

एफिसी 4:19

थेबे सेमचेन स्‍यिङ दो च्‍योकराङ स्‍येन्‍दे गाला ओतेकी खिता मेङच्‍येते काम खित्‍जीनोङ थेबाला छ्याःङ च्‍योक मालाङो। दोक गालेकी थेबेकी खिता मेङच्‍येतेताङ ङोचा लाङच्‍येते कामकामा खिन देत्‍क्‍यो। होथोक्‍ते काम माक्‍याबाला ओङराङ मेङगो सिराच्‍योक खाला थेबेकी झन झन होथोक्‍ते कामकामा खिता छोल्‍ग्‍यो।

२ तिमोथी 3:5

थेबा परमेश्‍वरला माने खित्‍कान्‍ते मि ईन सिरा च्‍योकराङ खाला ख्‍याम्‍ग्‍यो। तर लेमु खाईन तासीन थेबेकी परमेश्‍वरला खोपरोङ सेमदु काम खित माच्‍युत्‍ला थेला मन परे खित्‍च्‍येते सिराते कामज्‍यीगोङ मिक्‍किओ। थोक्‍ते मिओनताङ साङ माकेत।

छ्या स्‍ये च्‍युताते बात 16:14

थे ल्‍हन्‍डीक सुमबोचेन शैतान छ्य्‌वापेकी अचम्‍ब अचम्‍बते काम खाला तेन्‍कान्‍ते ल्‍हन्‍डीक ईन। थेबा सुमबोकी गाङे भन्‍दा छ्येज्‍यीक शक्ति ओताते परमेश्‍वरगी तोके खाबाते छ्येते दिनगी छोमु परमेश्‍वरताङ लडाइँ खिताला सा लुङबा खाङ ओताते गेल्‍बोओनला ठाउँज्‍यीकराङ जम्‍मा खित्‍च्‍येते कामोङ खिओ।