दि बातओन छ्या स्येला ख्योकोन च्याङबो खाला देत। थेजीन ज्येनगी ख्योकोनला जुम्ला मिटिङ खित्च्येते खाम्बादु ओताते अड्डे छ्ये छ्ये मि दोन्दु केल्ग्यो। थेरू क्याल्ला ख्योकोनला दुङगो। दोस्यिककामा मेन, ख्योकोनला रोमी गेल्बो हाकिमओन थेमे गेल्बोओन दोन्दुङ केल्ग्यो। ङे मि ईन्देकीराङ ख्योकोनला दोक दोक खिओ। थेजीन ख्योकोनगी थेबाला खेराङ च्यिला ङाला विश्वास खिते सिन लाःपा ङेत्क्यो।
१ तिमोथी 4:16 - जिरेल16 खोरोङगी चुक खिन ओते, चुक्ते बात लोप्कीन ओते सिन लेमु खाला विचार खिन देत। खुई दोक खिन देत्सीन खोरोङगी थेमे खुई लापाते बात ङेन्कान्ते मिओनगी तिरी पापकी सजाय भोगे खिता माफाबो। Faic an caibideil |
१ तिमोथी 4:16
38 Iomraidhean Croise
थोगी ख्योकोनगी परमेश्वर ओत्सादुई वाबाते मि ङा ग्युरला ओङे छोमुसाक चुक खाला देता फाप्च्या ईन्दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्या थुङच्याताङ खोन्च्ये पीर माकेत। दोक खिन देत्सीन खरेउ तोर्बाकला थेप्लु खाला थे दिन लेपे छोमुकामा ख्योकोनगी छ्या स्येक्यो।
आज्यो न्वावे, था थोरूम बातज्यीक च्यि सासीन ओर्च्ये ख्योकोनगी खेराङ नाङ फाटो ओङ ज्युत्कान्ते थेमे खेराङला गोमाका लाप्कीन बिन्दाते गा लाङच्येते बातताङ मिडिक्च्येते बात लाप्ला अलमल्ल लोङकान्ते मिओन सु सु ईन्दाका सिन छ्या स्येला थेबाताङ च्याङबो खि। थोक्ते मिओनताङचेन ख्योकोनगी साङराङ माकेत।
दोक खाईन आउदी बुद्धि पुरे खाला काम खित्कान्ते परमेश्वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्येबा मुथुबो सिन तेन्गीन बिन्दा ओत। मिओनगी लेम्बे बात ईन सिरच्येते ङ्योकोनगी लोप्च्येते बातराङ मिओनगी ङेन्स्यीत थेमे दि बात ङेन्ला येशूला विश्वास खित्कान्तेबाला पापकी सजायदुकी डेल्ग्यो सिन परमेश्वरगी टुङ्गो खाईन दोक खिताराङ थेला लेमु लासुङ।
थोकराङ खाला येशू बात खोकीन पाको गाला मेताते मिओनताङ देत्जीनचेन थेबेकी येशूला झन लेमु खाला विश्वास खित्स्यीत सिन ङा थे बात गाङे छ्या स्येकीन पाको गालाते मि च्योक मिक्किता खाईन थेबा च्योकराङ खाईन देतान। थोक खाला थेबा दोक्पोई ङिकामा ईन्सीनोङ पापकी सजायदुकी थारस्यीत सिन गाङे लाईदु थेबा जस्तो जस्तो दुक ङेङ उस्तो उस्तोराङ ओङगीन काम खाबान।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
च्यिला सासीन परमेश्वरगी ज्येन ज्येन जातकी मिला पापदुकी डेल्स्यीत सिन ङ्योकोनगी थेबाला गा लाङच्येते बात लोप्जीन होथे यहूदीओनगी ङ्योकोनला थुपासम्म दुक्पा बिन्ला थे बात लोप मुज्युत्तुक। होदोक दोक्ते कामकामा खिन देत्कीन थानी थेबानी पापकीराङ नुप्कीन सिन्दा खाईन सिन्सुङ। था ईन्सीन परमेश्वरगी थेबाला स्येदाङगी चूर गाल्ला सजाय तेरच्येते बेला लेप्सुङ।
खुई चुक खिता फाप्कीते सासीन मिओनला परमेश्वर बात लोप्कीनराङ देत, मिओनगी ङेन्सीनोङ माङेन्सीनोङ जुन बेलालाङ थे बात लोपा मातोङ थेमे गल्ती खित्कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्दे सिन गाङेला लाप्ला बिन। थानी दिबाला थोई लोप्च्ये सिराच्योक माकेत, सुङताङ स्येदाङ मिक्किता खाला खा छ्येत लेमु खिन दोक खाला लोप्कीनराङ देत।
दोस्यिककामा मेन, थोक्ते मिचेन सत्यते बात दाक्पोनला जस्तो खाईन लाप्कीन बिन्ला दुक थोकराङ खाला ङेन्गीन देत्कानज्यीक ओङा फाप्क्यो। थोक खानामेकी थेकी ज्येनतेबेकी खाङ बात ङेन्दा फाप्च्येते ईन्दे साला लाप्ला बिन्ला थेबाला थोकराङ खि सिन लोपा थुप्क्यो। थेमे थे बातताङ डिकराङ मिडिक्च्येते बात खित्कान्ते मिओनला ख्योकोनगी मेन्दे बात लोप्कीन दुक साला हगे हगे ज्य्वाबा थुप्क्यो।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
थोक खित ज्युत्कान्ते मिकी दि बात लेमु खाला छ्या स्येबा खि। च्यि सासीन थेकी होथोक्ते मिला मेन्दे बात ङेन्गीन देत मुज्युदो। दोक खाला थेकी थे मिला स्यिला नरककुण्डमा स्यूक्पा फाप्च्येते सजायदुकी थार ज्युत्क्यो। थोक खित्कान्ते मिलाचेन थेकी जतिराङ पाप खाबा ओत्सीनोङ परमेश्वरगी माफ तेरग्यो।
Sanasan