१ तिमोथी 4:14 - जिरेल

¹⁴ येशू ख्रीष्‍ट मिओनला ताकान्‍ते मिओनगी खुई गोःकी लाक लाक्‍पा ज्‍याक्‍ला प्रार्थना खिते बेलाला कोई कोईकी परमेश्‍वरगी खुई विषयला सिर च्‍युताते बात खाबा ओतान। थोक खाईन परमेश्‍वरगी खोल्‍ला सीप बिन्‍दा ओतान सिन खुई टोक ज्‍येता मेतासीन। थेकी खोरोङला दोक खाईन बिन्‍दाते सीप पित मोतोङा खाला लेमु खाला चले खिन देत।

१ तिमोथी 4:14 Iomraidhean Croise

शक्ति काम 11:30

थेमे थे पैसाबरी थेबेकी थेपा ओताते येशू ख्रीष्‍ट मिओनला ताकान्‍ते मिओन लाःक्‍तु बिन सिन बारनाबासताङ शावल लाःक्‍तु बिन्‍गीन ताङसुङ।

शक्ति काम 13:3

परमेश्‍वर आत्‍मेकी थोक सानामेई थेबेकी थोरूमोङ बर्त देत्‍कीन परमेश्‍वरला प्रार्थना खासुङ। थोक खाईन सिन्‍नामेकी थेबेकी बारनाबासताङ शावल लाक्‍तु लाक्‍पा ज्‍यागीन प्रार्थना खासुङ। थेमे परमेश्‍वर आत्‍मेकी थेबाला खि साबाते काम खिताला थेरूकी ताङसुङ।

शक्ति काम 19:6

थेमे थेकी थेबे लाक्‍तु लाक्‍पा ज्‍यागीन प्रार्थना खानामेई थेबेकी परमेश्‍वर आत्‍मा ङेत्‍सुङ। परमेश्‍वर आत्‍मा ङेत्‍नामेई थेबेकी खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ, परमेश्‍वरगी सिर च्‍युताते बादोङ खासुङ।

शक्ति काम 22:5

ङे थोक खाबा ओतान सिन गाङे भन्‍दा छ्येते पूजारी, धर्मे गुरूओन थेमे ज्‍येन छ्ये छ्ये मि गाङेकी सिरा थुप्‍क्‍यो। थेबेकीराङ ङाला दमस्‍कस सारदु येशूला विश्‍वास खित्‍कान्‍तेबाला जुम्‍ला सजाय तेराला दुरू खुलाङ छ्युत सिन दमस्‍कसपे यहूदी छ्ये छ्ये मिला चिट्ठी टिकीन बिन्‍गीन ताङा ओतान।

शक्ति काम 6:6

थेमे थेबेकी खोपरोङगी छाने खाबाते मेन्‍दा दुईनला येशू ख्रीष्‍टकी खटे खाबाते मिओन ओत्‍सादु खुला लिच्‍युङ। थेमे येशू ख्रीष्‍टकी खटे खाबाते मिओनगी थेबा मेन्‍दा दुईनबो लाक लाक्‍पा ज्‍यागीन प्रार्थना खाईन बिन्‍सुङ।

शक्ति काम 8:17

थोक खाईन थेबा ङिबोकी थेबे लाक्‍तु लाक्‍पा ज्‍यागीन प्रार्थना खानामेई थेबेकी परमेश्‍वर आत्‍मा ङेत्‍सुङ।

१ थिस्‍सलोनिकी 5:19

थेमे परमेश्‍वर आत्‍मेकी खिता चालाते काम रोके माकेत,

१ तिमोथी 1:18

फुज्‍युङ तिमोथी, ङे खोल्‍ला कोई कोई मिओनला चुक खि सिन कोत साबा ओताने ङे साकीन ज्‍याक्‍पा च्‍योकराङ खि। थेमे परमेश्‍वरगी सिर च्‍युताते बात खित्‍कान्‍ते मिओनगी गोमा खोरोङ विषयला साबाते बाततेबा टोक माज्‍येत। होथे बाततेबा सम्‍झे खाला खुई ङे खोरोङला खि साबाते काम लडाइँ खित्‍च्‍येते च्‍योकराङ दुक्‍पा ईन्‍सीनोङ लेमु खाला खिता थुप्‍क्‍यो।

१ तिमोथी 4:15

खोरोङला खि साबाते दि कामबरी थुपासम्‍म स्‍येत खाला खि। थोक खिन देत्‍नामेई खुई झन लेमु खिन दुक सिन गाङेकी छ्या स्‍येक्‍यो।

१ तिमोथी 5:17

थेमे येशू ख्रीष्‍ट मिओनला ताकान्‍तेबे नाङ खोपरोङ काम लेमु खाला खित्‍कान्‍ते मिओनला आउदी खाला मान खिता फाप्‍क्‍यो। थेबे नाङोङ गा लाङच्‍येते बात च्‍यि ईन्‍दे सिन लोप्‍कान्‍तेबालाचेन झन मान खिता फाप्‍क्‍यो। थेमे थेबा गाङेला गोच्‍येतेङ तेरा फाप्‍क्‍यो।

१ तिमोथी 5:19

थेमे सुइँदेकी वाकीन च्‍याकीन येशू ख्रीष्‍ट मिओनला ताकान्‍तेबे नाङ फलानेकी दोक दोक गल्‍ती खासुङ सिन सासीन थे बात माङेन। फलानेकी दोक दोक गल्‍ती खाबाते ङेराङ थोङाते ईन सिन मेरा ङि सुमगी सानामेईकामा थोक्‍ते बात ङेन।

१ तिमोथी 5:22

थेमे होत्ताराङ सुइँदे लाक्‍तु लाक्‍पा ज्‍याक्‍ला येशू ख्रीष्‍ट मिओनला ताच्‍येते कामगी जिम्‍मा मातेर। सु मि चुक्‍ते ईन्‍दे सिन छ्या मास्‍येबालाराङ थे जिम्‍मा बिन्‍सुङ थेमे थोक्‍ते मिकी खइँदा गल्‍ती खासुङ सासीन ज्‍येनगी खुईतेङ गल्‍ती ईन सिन सिओ। थोक मेङस्‍यीत सिन ताला पेलाकामा काम खि।

१ तिमोथी 6:12

येशू ख्रीष्‍टला विश्‍वास खाईन ङेन्‍दाते बात ङेन्‍दा मोतोङा खाला जति दुक्‍पा ओङसीनोङ थे बातला साबा च्‍योकराङ खि। नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी खोल्‍ला थे खोरोङ दोन्‍दु स्‍योक सिन काताङाते ईन मेन? थेजीन खुई मि काल्‍बेई ङोन्‍दु ङा प्रभु येशू ख्रीष्‍टला विश्‍वास खिओ सिनोङ साबा ओत। था थे नोमुङ मिसिन्‍च्‍येते जुनी खुई खोरोङ लाःक्‍तुकी स्‍योर माज्‍युत।

२ तिमोथी 1:6

बात दोक ईन्‍देकी था ङा खोल्‍ला च्‍यि सिते सासीन ङे खुई गोःकी लाक लाक्‍पा ज्‍याक्‍ला प्रार्थना खिते बेलाला परमेश्‍वरगी खोल्‍ला थे खोरोङ काम खिताला बिन्‍दाते सीप चले खिता नोमुङ मातोङ।