१ तिमोथी 4:13 - जिरेल

¹³ ङा थेपा ओङ ओङसाक थेरू गाङेला परमेश्‍वर बात थोच्‍या खाला पढे खाला बिन थेमे थे बातला च्‍यि साबाते ईन्‍दे सिन लाप्‍ला बिन।

१ तिमोथी 4:13 Iomraidhean Croise

यूहन्‍ना 5:39

परमेश्‍वर बातला साबाच्‍योक खासीन नोमुङ मिसिन्‍च्‍येते जुनी ङेत्‍क्‍यो सिन ख्‍योकोन थे बाततेबा आउदी लेमु खाला पढे खिदुक। थे बातला ङा सु ईन्‍दे सिन लेमु खाईन टिबा ओत।

शक्ति काम 17:11

थेरू यहूदीओनगीचेन थिस्‍सलोनिकादु ओतातेबेकी च्‍योक मेलेबा मिक्‍किता खाईन पावलगी लापाते येशू बात लेमु खाईन ङेन्‍सुङ। थेमे थेकी लापाते बात परमेश्‍वर बातला टिबाते बातताङ डिइकाना मिडिक्‍का सिन थेबेकी ङीमे ठाङमा परमेश्‍वर बात आउदी खाईन पढे खाईन तासुङ।

शक्ति काम 6:4

ङ्योकोन ङेराङचेन खालि प्रार्थना खित्‍च्‍येते थेमे परमेश्‍वर बात लोप्‍च्‍येते कामकामा खिओ,” सिन बात खासुङ।

रोमी 12:8

ज्‍येनला सल्‍लाह बिन्‍ला आँट तेरा थुप्‍कान्‍ते मिकी ज्‍येनतेबे नाङ दोक खिता फाप्‍क्‍यो। थेमे दुक्‍पा ङेता ओताते मिओनताङ गोला साच्‍येते सीप बिन्‍दा ओताते मिकीङ कुच्‍यीरी मिक्‍किता खाला तेरा थुपासम्‍म तेरा फाप्‍क्‍यो। थोकराङ खाला सुइँदाला परमेश्‍वरगी थे खोरोङ सन्‍तानओनला ताकान्‍ते छ्येते मि जोला दुक सासीन थोक्‍ते मिकीङ अल्‍छी मिक्‍किता खाला लेमु खाला थे काम खिता फाप्‍क्‍यो। नाबाते थेमे सुङ मेताते गरीब दुःखीला ताच्‍येते सीप ङेता ओताते मिकीङ सुइँदे करला फाप्‍कीन खाबाच्‍योक मिक्‍किता खाला सोचित्तेकीराङ थे काम खिता फाप्‍क्‍यो।

१ कोरिन्‍थी 14:26

आज्‍यो न्‍वावे, ख्‍योकोन गाङेराङ जम्‍मा ओङजीन ख्‍योकोन कोई परमेश्‍वरला छ्ये जोच्‍येते लु लिन्‍कान्‍ते, कोई सु सुकी चुक चुक खिता फाप्‍कीते सिन लोप्‍कान्‍ते थेमे कोईचेन परमेश्‍वरगी खोपरोङला तेन्‍गीन बिन्‍दाते तिरी ओङच्‍येते बात खित्‍कान्‍ते मि ओङगो। थोकराङ खाला कोई खोपरोङगी छ्या मास्‍येबाते खुदुक खुदुकते भाषाला बात खित्‍कान्‍ते मि ओङगो सासीन कोईचेन थे भाषाला खाबाते बातकी अर्थ खोले खित्‍कान ओङगो। ख्‍योकोनगी जे खासीनोङ येशू ख्रीष्‍ट मि गाङेला लेमु ओङे लाईदु खि।

१ कोरिन्‍थी 14:3

तर परमेश्‍वरगी सिर च्‍युताते बात खित्‍कान्‍तेकीचेन ज्‍येनतेबेकीङ खोच्‍येते बात खिओ। थेकी खाबाते बात थोला येशू ख्रीष्‍ट मिओनगी झन लेमु खाला येशूला विश्‍वास खिता थुप्‍क्‍यो, जस्‍तो ओङजीनोङ सेम सेता मेङच्‍याक्‍वा सिन छ्या स्‍येक्‍यो थेमे आँटोङ ङेत्‍क्‍यो।

१ कोरिन्‍थी 14:6

थोगी आज्‍यो न्‍वावे, ङे ख्‍योकोन ओत्‍सादु ओङजीन परमेश्‍वरगी ङाला तेन्‍गीन बिन्‍दाते तिरी ओङच्‍येते बात कि परमेश्‍वरगी चुक खाला काम खिते सिन छ्या स्‍येबाते बात कि परमेश्‍वरगी सिर च्‍युताते बात कि ख्‍योकोनगी चुक चुक खिता फाप्‍कीते सिरच्‍येते बात मोलोपा खाईन खालि ङाराङगी छ्या मास्‍येबाते खुदुक खुदुकते भाषाला बात खासुङ सासीन च्‍यि ख्‍योकोनला खइँदा फाइदा ओङगोतरो? ङे थोक्‍ते भाषाला बात खालानी ख्‍योकोनला छ्याःङ लेमु मेङगो।

१ तिमोथी 4:16

खोरोङगी चुक खिन ओते, चुक्‍ते बात लोप्‍कीन ओते सिन लेमु खाला विचार खिन देत। खुई दोक खिन देत्‍सीन खोरोङगी थेमे खुई लापाते बात ङेन्‍कान्‍ते मिओनगी तिरी पापकी सजाय भोगे खिता माफाबो।

१ तिमोथी 4:6

दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

२ तिमोथी 3:15

थेमे च्‍याक फिजामेईराङ खोरोङगी दि बात चुक खाईन ङेन्‍गीन वाबाते ईन्‍दे सिन टोक माज्‍येत। परमेश्‍वर बात ताला येशू ख्रीष्‍टला विश्‍वास खित्‍कान्‍ते मिओनला थेकी पापदुकी डेल्‍ग्‍यो सिन खुई लेमु खाला छ्या स्‍येक्‍यो।

२ तिमोथी 4:2

खुई चुक खिता फाप्‍कीते सासीन मिओनला परमेश्‍वर बात लोप्‍कीनराङ देत, मिओनगी ङेन्‍सीनोङ माङेन्‍सीनोङ जुन बेलालाङ थे बात लोपा मातोङ थेमे गल्‍ती खित्‍कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्‍दे सिन गाङेला लाप्‍ला बिन। थानी दिबाला थोई लोप्‍च्‍ये सिराच्‍योक माकेत, सुङताङ स्‍येदाङ मिक्‍किता खाला खा छ्येत लेमु खिन दोक खाला लोप्‍कीनराङ देत।

तीतस 2:15

दि बाततेबा खुई थेरू गाङेला लोप। थेबाला दि बातओन लेमु खाला ङेन सि। सुइँदेकी दि बातला नामज्‍योक मेसेत्‍तुक सासीन थेबाला थोप। छ्याःङ ज्‍यीबा मिक्‍किता खाला खुई दि कामओन खि। दोक खित्‍जीन खोरोङला खुईते दोक खित्‍च्‍येते च्‍यि अधिकार ओते सिराच्‍योक खित्‍च्‍येते लाम सुङलाङ मातेर।