१ तिमोथी 4:1 - जिरेल1 थेमे था तिरी कोई कोई मिकी मिला छक्के खिताला ल्हन्डीक स्यिन्डीपकी जोबाते मेन्दा मेन्दे बात ङेन्ला खोपरोङगी येशू ख्रीष्टला विश्वास खित्जीन ङेन्दाते बात ङेन्दा तोङगो। दोक खिओ सिन परमेश्वर आत्मेकी लेमु खाईन साबा ओत। Faic an caibideil |
१ तिमोथी 4:1
64 Iomraidhean Croise
थे मि रूक्सादु इपिक्युरीताङ स्तोइकी सिरातेन्दे पाटी गुरूओनोङ ओतान। पावलगी लापाते येशू बात थेमे स्यिनामेकी याङराङ सोम्बो लोइओ सिरच्येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्यि ङेन्च्ये?” सिन सासुङ। लालेकीचेन “दिकी ज्येन लुङबे ल्हे बात खित्च्या ईन्दा च्यिन्दा,” सिन सासुङ।
थोक ओङगीन थेबे नाङ बात माडिक्सुङ। थेमे थेरूई थेबा लाकीन ड्वाप्ला स्यूसुङ। थेबा गाल मागाल्लाराङ थोरूमोङ बात खिन पावलगी थेबाला “थाङबो ख्योकोन ज्युज्यु पुर्खाला परमेश्वर आत्मेकी परमेश्वर बात खित्कान्ते यशैयाला सिर च्युताते बात ख्योकोनलाङ डिगीदुक। परमेश्वरगी साबाते बात थेला दोक सिन सिर च्युता ओतान।
थेमे परमेश्वरला माने खिताला बर्त देत्च्येतेताङ दुक्पा खाला खाला होदोक्ते काम काल्बेई खिता फाप्क्यो, परमेश्वर दूतओनलाङ माने खिता फाप्क्यो सिन सिरकान्ते मि सुङगीङ बात माङेन। थोक्ते मि बात ङेन्सीन ख्योकोनगी परमेश्वरगी तेरच्येते इनाम मेङेदो। होथोक सिरकान्ते मिओनगीचेन परमेश्वरगी ङ्योकोनला मिलाम खित ज्युताच्योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्ते बात खिन छ्ये खिन ख्याम्ग्यो।
गोमा इस्राएलीओन नाङ परमेश्वर बात खित्कान्ते मि ईन सिन मेन्दे बात लोप्कान्ते मिओन ओता च्योकराङ ख्योकोन नाङचेन परमेश्वर बात लोप्कान्ते मि ईन सिन मेन्दे बात लोप्कान्ते मिओन ओङगो। थेबेकी ख्योकोनला ङ्ये ज्युताला परमेश्वर बातताङ डिकराङ मिडिक्च्येते बात लोप्क्यो। थेबेकीनी खोपरोङ पापकी मोल च्याल्ला खोपरोङला पापदुकी डेल्कान्ते छ्येज्यीक शक्ति ओताते प्रभु येशूला मानेराङ मिक्किओ। दोक दोक खानामेई थेबे गोःनामा परमेश्वर सजाय फाप्क्यो।
ङे च्यिला थे बात ङेन्दा तोङा मेङगो साबाते ईन्दे सासीन कोई कोई मि खाराक्पा ख्योकोन नाङ स्यूकीन सिन्दा ओत। थेबाचेन परमेश्वरगी माकेत साबा साबाते काम खित्कान्ते मि ईन। थेबेकी ङुरूङ परमेश्वरगी मिला दया खाला पापदुकी डेल्च्येते बातला चुक खिका सासीन परमेश्वरगी दाक्पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्डीबाजी थेमे होदि च्योक्ते खिता मेङच्येते काम खिदुक। थेमे ङुरूङ मालिक येशू ख्रीष्टलाङ माने मिक्किदुक। गाङेपा गाङेला राज्य खित्कान्ते थेकामा ईन। होथोक्ते मिओनगी चुकस्यिक सजाय ङेत्कीते सिन परमेश्वर बातला गोमाका टिबा ओत।
थे गोमे जन्तुला छ्ये ज्वाप्ला दोक्ते अचम्बते काम खाला तेन्च्येते शक्ति बिन्दा ओतेकी दि सादुकी थेन्दाते जन्तुकी होथोक्ते काम खाईन सा लुङबे मि गाङेला छक्के खासुङ। थेकी मि गाङेला होथे गोमे जन्तुला मान खिता फाप्क्यो सिन थे जन्तु मूर्ति जोर च्युत्सुङ। थे जन्तुचेन स्यिच्या खाईन तरवारगी तुप्कीन मा थोता ओत्सीनोङ सोन्दा ओतान।
तर थे जन्तुताङ थे छ्य्वापेकी आउदी अचम्बतेन्दे काम खाला तेन्कान्ते जन्तु ङिकारला जुम्गीन ठासुङ। थे ज्येनते जन्तुचेन डुगी सिर च्युताते बात खित्कान्ते ईन। अचम्बतेन्दे काम खाईनराङ थे जन्तुकी थे गोमे जन्तु मिनगी छाप देक ज्युत्कान्ते मिओनताङ थे मूर्तिला माने खित्कान्तेबाला छक्के खाबा ओतान। जुम्गीन ठानामेई थेबा ङिकारला सोम्बोराङ गन्धकताङ मे बाराते ज्यीबा लाङच्याज्यीक मे धुनीमा क्युरसुङ।
ङेन्दा सेम ओत्कान्ते मिकी ठाउँ ठाउँला जम्मा ओङकान्ते येशू ख्रीष्ट मिओनला परमेश्वर आत्मेकी च्यि सिन दुका सिन लेमु खाला ङेन। शैतान शक्तिला ग्याल्कान्ते मिला ङा परमेश्वरताङ ओताते ब्वाकीन ज्याक्पाते मन्न सा तेरग्यो। थेमे ङा थेला दो कार्मुज्यीक तेरग्यो। थे दोला साम्बाज्यीक मिन टिबा ओङगो। थे दो ङेत्कान्ते मिकीकामा थेरू टिबाते मिनगी अर्थ खोक्यो।
थेमे ईन्सीन थोक खाला मिओनला छक्के खित्कान्ते शैतानला गन्धकताङ मे बाराते ज्यीबा लाङच्याज्यीक मे धुनीमा क्युरसुङ। थे जन्तु थेमे डुगी सिर च्युताते बात खित्कान्ते जन्तुलाङ गोमाका थेमाराङ क्युरा ओतान। था थेबा सुमबोकी ङीन नुप नोमुङ ङा स्वा मेङेता खाला खपेराङ खिता मुथुप्च्येते दुक्पा भोगे खिनराङ देता फाप्क्यो।
Sanasan