१ तिमोथी 3:7 - जिरेल

⁷ दोस्‍यिककामा मेन, थोक्‍ते मिचेन येशू ख्रीष्‍ट मि मेन्‍दाते मिओनगीङ लेमु मि ईन सिन माने खिन वाबाते मि ओङा फाप्‍क्‍यो। थोक्‍ते मि मेन्‍सीन ज्‍येनगी थे गल्‍ती थेप्‍क्‍यो। थेमे थे तोर्बाकला थेप्‍लु खाला शैतान लाःक्‍तु फाप्‍क्‍यो।

१ तिमोथी 3:7 Iomraidhean Croise

मर्कूस 4:11

थोक सिरजीन थेकी “परमेश्‍वर राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। तर ज्‍येनला परमेश्‍वर राज्‍य बात लोप्‍जीनचेन ङा कथालाकामा लोप्‍क्‍यो, कथे अर्थचेन मालाःबो।

शक्ति काम 10:22

थेमे थेबा सुमबोकी “मिल्‍टेरी क्‍याप्‍टेन कर्नेलियसकी खोल्‍ला लाला खोरच्‍योक सिन ङ्योकोनला देपा ताङसुङ। थे परमेश्‍वरला आउदी खाला माने खित्‍कान्‍ते लेमु मि ईन। थेला यहूदीओनगीङ गाङेकी मन परे खाला दुक। खोल्‍ला थे खाम्‍बापा लाला खुलाला च्‍याला खुई साबाते बाततेबा ङेन सिन थेला परमेश्‍वर दूतज्‍यीगी सिदुक्‍लो। थोगी ङ्योकोन खोल्‍ला लिन्‍दाला देपा वाबाते ईन,” सिन सिदुक।

शक्ति काम 22:12

थेजीन दमस्‍कसदु परमेश्‍वर नियम गाङे लेमु खाला ङेन्‍कान्‍ते हननिया सिराज्‍यीक मि ओतान। थे सारदु ओताते यहूदी गाङेकी थेला आउदी मान खिन ओतान। थेकी ङा ओत्‍सादु वाकीन

शक्ति काम 6:3

थोगी आज्‍यो न्‍वावे, ङुरूङगी च्‍यि खिइसे सासीन ख्‍योकोनगी खेराङ नाङ गाङेकी लेमु मि ईन सिन मन परे खाबाते मेन्‍दा दुईन मि छाने खि। थेबाचेन परमेश्‍वर आत्‍मेकी खाङाते मि ओङा फाप्‍क्‍यो। थेबा आउदी बुद्धि ओतातेन्‍दे ओङा फाप्‍क्‍यो। थेमे दि साच्‍या थुङच्‍या ताच्‍येते काम ङ्योकोन थेबाला जिम्‍मा तेरग्‍यो।

१ कोरिन्‍थी 10:32

ख्‍योकोनगी खाबाते कामगी खित्‍सादु ज्‍येनला पाप खित माज्‍युत। यहूदीओनला ईन्‍सीनोङ, ग्रीकओनला ईन्‍सीनोङ कि परमेश्‍वर मिओनलाराङ ईन्‍सीनोङ सुङलाङ ख्‍योकोनगी खाबाते कामगी खित्‍सादु पाप खित माज्‍युत।

१ कोरिन्‍थी 5:12

फलानेकी दोक दोक खासुङ सिन येशू ख्रीष्‍ट मिओन मेन्‍दाते मि बात खित्‍च्‍येते ङाला छ्याःङ खाँचो मेत। खेराङ नाङ मेलेबा काम खित्‍कानला सजाय तेरच्‍येते च्‍यि ख्‍योकोन काम मेनरो?

२ कोरिन्‍थी 6:3

थेमे ङेराङला परमेश्‍वरगी जिम्‍मा बिन्‍दाते काम खित्‍जीन फलानेकी दि दि गल्‍ती खासुङ सिन सुङगीङ सिरा मेङेत्‍स्‍यीत सिन ङ्योकोन ज्‍येनला लेमु मेङच्‍येते काम छ्याःङ मिक्‍किओ।

२ कोरिन्‍थी 8:21

च्‍यिला सासीन प्रभु येशू ख्रीष्‍ट दोन्‍दुकामा मेन्‍देकी मि दोन्‍दुङ ङेराङ लेमु काम खित्‍कान दुका सिन ज्‍येनगी छ्या स्‍येस्‍यीत सिरच्‍येते ङ्योकोन सेम खिओ।

कलस्‍सी 4:5

येशू ख्रीष्‍ट मि मेन्‍दाते मिओनताङ चुक खाला बात खिता फाप्‍कीते, थेबे दोन्‍दु च्‍यि काम खिता लेमु ईन्‍दे सिन लेमु खाला विचार खाला खि। दोक्‍ते काम खिता ङेत्‍च्‍येते समय था काल्‍बा मेत सिन छ्या स्‍येला टोले मिक्‍किता खाला दोक खिन देत।

१ थिस्‍सलोनिकी 4:12

दोक खासीन सुङगीङ ख्‍योकोनला थाराङ स्‍वा माफाबो, येशू ख्रीष्‍ट मि मेन्‍दाते मिओनगीङ ख्‍योकोनला लेमु मि ईन सिओ।

१ थिस्‍सलोनिकी 5:22

मेलेबा सिराते छ्याःङ माकेत।

१ तिमोथी 3:6

लोक्‍ला थोक्‍ते मि ओङा छोल्‍कान्‍ते मिचेन भर्खरकामा येशूला विश्‍वास खिताला स्‍यूबाते मि ओङा मेङगो। थोक्‍ते मि छ्येते मि ओङसीन थेकी ङा ङाराङ ईन सिराच्‍योक खिताङ थुप्‍क्‍यो। थोक खासीन थेकीङ परमेश्‍वरगी शैतानला बिन्‍दाते सजाय ङेत्‍क्‍यो।

१ तिमोथी 5:14

थेबेकी थोक खिन माख्‍याम्‍स्‍यीत सिन ङा च्‍यि सिते सासीन थोरूमोङ उमेर ओताते ख्‍योबो स्‍याप्‍ते फेम्‍मे मिओनगीचेन बरू याङराङ फाङमा खासीन लेमु ईन। थोक खाला थेबेते फुज्‍युङ फुमु ओङला थेबेकी खाम्‍बा खाला सारस्‍यीत। थोक खासीन येशू ख्रीष्‍ट मिओनला विरोध खित्‍कान्‍ते मिओनगी बात खित्‍च्‍येते लाम छ्याःङ मेङेदो।

१ तिमोथी 6:9

छ्युक्‍पु ड्वा छोल्‍कान्‍ते मिओनलाचेन झन झन पैसे लोभ लाला तोर्बाकला फाप्‍लु खाला मेलेबा ओङगो। पैसे लोभकी खित्‍सादु थोक्‍ते मिओनगीचेन लेम्‍बा च्‍योक खाला आउदी मेलेबातेन्‍दे काम खाला खोपरोङ स्‍यूक्‍च्‍येते डालुम खोपरोङगीराङ ठुइओ।

२ तिमोथी 2:26

थेबेकी दि मौका ङेत्‍सीन खोपरोङगी चुक खिन ओता ईन्‍दाका सिन छ्या स्‍येला तोर्बाकला थेप्‍सादुकी स्‍योरा च्‍योकराङ खाला खोपरोङला होथोक्‍ते मेलेबा काम खित ज्‍युत्‍कान्‍ते शैतान लाःक्‍तुकी स्‍योरा थुप्‍क्‍यो।

तीतस 2:5

दोस्‍यिककामा मेन, थेबेकी स्‍यार्मुतेबाला दाक्‍पोन सेम काबूला ज्‍य्‌वाबा फाप्‍क्‍यो, थेबे बानी बिवारा लेमु ओङा फाप्‍क्‍यो, खाम्‍बा खाला सा थुपा फाप्‍क्‍यो, ज्‍येनला दया खिता फाप्‍क्‍यो थेमे ख्‍योबोतेकी साबाते ङेन्‍कान ओङा फाप्‍क्‍यो सिन लोपा थुप्‍क्‍यो। स्‍यार्मुतेबेकी दोक दोक खासीन परमेश्‍वर बात लेमु मेन सिन सुङगीङ सिरा मुथुबो।

तीतस 2:8

खुई लोप्‍च्‍येते बातला दि मेन्‍दे बात ईन सिन सुङगीङ सिरा मेङेत्‍स्‍यीत सिन लेमु खाला लोप। दोक दोक खासीन ङुरूङ विरोध खित्‍कान्‍ते मिओनगी थेबेकी दि दि मेलेबा खासुङ सिरच्‍येते लाम छ्याःङ माङेत्‍ला खोपरोङराङ खर्के देइओ।

३ यूहन्‍ना 1:12

डेमेत्रियसकीचेन लेमु कामकामा खिदुक सिन मि गाङेकी बात खिदुक। थेकी खाबाते काम ताला थे सत्‍यते बात ङेन्‍ला थेरू खि साबा च्‍योकराङ खित्‍कान्‍ते मि ईन सिन छ्या स्‍येकीदुक। ङ्योकोनोङ थे लेमु मि ईन सिन सिओ। ङ्योकोन मेन्‍दाते बात मिक्‍किओ सिन खोल्‍ला छ्याराङ ओत।