१ तिमोथी 3:5 - जिरेल

⁵ च्‍यिला सासीन दाक्‍पोन खाम्‍बे बन्‍दाबस्‍ता लेमु खिता मुथुप्‍कान्‍ते मिकी चुक खाला परमेश्‍वर मिओनला लेमु खाला ता थुप्‍कीतेरो?

१ तिमोथी 3:5 Iomraidhean Croise

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

१ कोरिन्‍थी 10:32

ख्‍योकोनगी खाबाते कामगी खित्‍सादु ज्‍येनला पाप खित माज्‍युत। यहूदीओनला ईन्‍सीनोङ, ग्रीकओनला ईन्‍सीनोङ कि परमेश्‍वर मिओनलाराङ ईन्‍सीनोङ सुङलाङ ख्‍योकोनगी खाबाते कामगी खित्‍सादु पाप खित माज्‍युत।

एफिसी 1:22

दोक खाईन थेकी जो ईन्‍सीनोङ जे ईन्‍सीनोङ गाङेपा गाङेला ख्रीष्‍टकी अधीनलाराङ ज्‍याक्‍पा ओत। दोक खाला गाङेपा गाङेला राज्‍य खित्‍कान्‍ते ख्रीष्‍टलाराङ थेकी गाङेपा जम्‍मा ओङकान्‍ते येशू ख्रीष्‍ट मिओनतेङ छ्येते जोसुङ। दोक खाईन ख्रीष्‍टचेन थे खोरोङ मिओनते गोः च्‍योक ओङसुङ।

एफिसी 5:24

ख्रीष्‍टकी मिओन थे अधीनला देता च्‍योकराङ खाला फेम्‍मे मिओनोङ जहिलेङ दाक्‍पोन ख्‍योबो अधीनला देता फाप्‍क्‍यो।

एफिसी 5:32

दि बातकीते सजिलो खाला खोबा मुथुप्‍च्‍याज्‍यीक आउदी अचम्‍बज्‍यीक अर्थ ओत। ङाचेन दुरू दि बात ख्रीष्‍टताङ थे मिओन विषयला खिन ओत।

१ तिमोथी 3:15

केही कुरोकी ङा होत्ता मासीनोङ दि बातओन पढे खानामेई परमेश्‍वर खाम्‍बे मिओनगी चुक खिता फाप्‍च्‍या ईन्‍दाका, चुक खाला देता फाप्‍च्‍या ईन्‍दाका सिन खुई छ्या स्‍येक्‍यो। थोक्‍ते मिओन सोम्‍बोते परमेश्‍वर मि ईन। थेबेकी खित्‍सादु परमेश्‍वर सत्‍यते बात च्‍यि ईन्‍दे सिन गाङेकी छ्या स्‍येला थे बातताङ मिडिक्‍च्‍येते बात डेला थुप्‍क्‍यो।