१ तिमोथी 3:3 - जिरेल

³ थे छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक, गाङेताङ खा छ्येत लेमु खित्‍कानज्‍यीक, थोम्‍मु जीङगा मिक्‍किकानज्‍यीक थेमे पैसे लोभ मिक्‍किकानज्‍यीक ओङा फाप्‍क्‍यो।

१ तिमोथी 3:3 Iomraidhean Croise

मत्ती 21:13

थेकी “परमेश्‍वर बातला परमेश्‍वरगी ‘ङे खाम्‍बा ङाला प्रार्थना खिताला जोबाते ईन,’ सिन साबा ओत। तर ख्‍योकोनगीनी दुरू चोर डाँका देत्‍च्‍येते ठाउँ च्‍योकका जोदुक। ख्‍योकोन दुरूकी थेन्‍ला ग्‍युक,” सिन होथेबा गाङेला तेन्‍गीन ताङसुङ।

शक्ति काम 20:33

ज्‍येन बात च्‍यि सासीन ख्‍योकोनताङ ङ्योम्‍बु देत्‍जीन ङे सुङगीङ सेर नोरताङ खोलाक लोभ माक्‍या, सुङलाङ छ्याःङ नाङ मासा।

रोमी 16:18

थोक्‍ते मिओनगीचेन प्रभु ख्रीष्‍टला माने खिते साटोला खालि साच्‍या थुङच्‍ये बातताङ खोपरोङला जे जे खिता सेम लाङगीदुक थे थेराङ खिओ। थेबेकीनी स्‍यीम्‍बु स्‍यीम्‍बु बात खाला खोलु खिन साधा सुधोते मिओनला डिकस्‍यिकला ङ्योल्‍च्‍येते कामकामा खिओ।

एफिसी 5:18

थेमे छ्याङ रक्‍सीकी जिला माख्‍याम। जा बेलाला मिकी छ्याःङ होस मोज्‍योबा खाला मेता मेता खिओ। बरू परमेश्‍वर आत्‍मेकी खाङाते मि ओङला काम खि।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।

१ तिमोथी 3:8

थेमे येशू ख्रीष्‍ट मिओनला ताकान्‍ते छ्येते मिओन कामला मद्धत तेरकान्‍ते मिओनोङ लेमु बानी ओताते मि ओङा फाप्‍क्‍यो। थेबाचेन च्‍येला ङि खित्‍कान्‍ते थेमे छ्याङ रक्‍सीकी जिकान्‍ते मि ओङा मेङगो। थेबा सम्‍पत्ति ज्‍वाप सिन पैसे लोभला स्‍यूक्‍कान्‍तेन्‍दे ओङा मेङगो।

२ तिमोथी 3:2

थेजीन मिओनगी खालि दाक्‍पोन विचारकामा खिओ, गाङेराङ पैसे लोभलाकामा स्‍यूइओ। थेबेकी ङा ङाराङ ईन सिन धाक लै खिओ थेमे छ्ये खिओ। थेजीन मिओनगी मेन्‍दे बातला ज्‍येनला दोष लै खिओ, आबा आमेकी लाःपा कोताते मेङेनो, खोपरोङला लेमु खित्‍कानला लेमु खासुङ सिराच्‍योक मिक्‍किओ थेमे परमेश्‍वरला मन परे मिक्‍किच्‍येते कामकामा खिओ।

तीतस 1:11

होथोक्‍ते मिओनला दोक्‍ते बात मालोप साला थेबे खा टाले खिता फाप्‍क्‍यो। च्‍यिला सासीन थेबेकी मिओनला लोपा मेङच्‍येते बात लापेकी होथेबे बात ङेन्‍गीन येशू ख्रीष्‍ट मिओन नाङ खाम्‍बा थोई थोई मिकी ङेन्‍दा फाप्‍च्‍येते बात ङेन्‍दा ताङला दुक। थेबेकीचेन छ्याःङ ङोचा मिक्‍किता खाला खालि पैसा ज्‍वाप्‍की लाईदु होथोक्‍ते बात लोप्‍च्‍येते ईन।

तीतस 1:7

दोक खाला येशू ख्रीष्‍ट मिओनला ताकान्‍ते छ्येते मिकीचेन परमेश्‍वरगी खि साबाते काम खित्‍च्‍येते ईन्‍देकी सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थोक्‍ते मि दाक्‍पोन बातलाकामा जिद्धी मिक्‍किकानज्‍यीक, होत्ता स्‍येदाङ मिक्‍किकानज्‍यीक, छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक थेमे सम्‍पत्ति ज्‍वाप सिन पैसे लोभला मुस्‍यूक्‍कानज्‍यीक ओङा फाप्‍क्‍यो।

तीतस 2:3

थोकराङ खाला गाम्‍मातेबाङ येशूला विश्‍वास खित्‍कान्‍ते फेम्‍मे मिओनगी खिता फापा च्‍योकराङ खित्‍कान ओङा फाप्‍क्‍यो सिन सि। थेबेकी मि मोत्‍कीन ख्‍याम्‍च्‍येते थेमे छ्याङ रक्‍सीकी जिला ख्‍याम्‍बा मेङगो सिन सि। बरू चुक चुक खिता लेमु ईन्‍दे सिन ज्‍येनला लोपा थुप्‍कान्‍तेन्‍दे ओङा फाप्‍क्‍यो सि।

तीतस 3:2

थेबेकी मेन्‍दे बातला सुङलाङ दोष लै खिता मेङगो, गाङेताङ डिक्‍ला थुन्‍ला देता फाप्‍क्‍यो, सुङताङ स्‍येदाङ मिक्‍किता खाला गाङेताङ खा छ्येत लेमु खिता फाप्‍क्‍यो सिन सि।

हिब्रू 13:5

थेमे ख्‍योकोनगी पैसे लोभ माकेत। खेराङताङ जति दुक थेलाराङ सन्‍तो खाला देत। च्‍यिला सासीन परमेश्‍वरगी “ङा ख्‍योकोनला सधैँ लेमु खाला तेइओ। नोमुङ ङा ख्‍योकोनला ताङला मोन्‍डोओ,” सिन साबा ओत।

याकूब 4:1

ख्‍योकोन नाङ थोम्‍मु जीङगा च्‍यिला स्‍योरगीका? च्‍यि खेराङला खिता सेम लाबा लाबा खिता छोल्‍सादुराङ दोक ओङच्‍येते मेनरो?

१ पत्रुस 5:2

चुक सासीन लुई गोठालेकी लुक ताप च्‍योकराङ खाला लेमु खाला तो सिन परमेश्‍वरगी खेराङ जिम्‍माला बिन्‍दाते परमेश्‍वर मिओनला लेमु खाला तो। परमेश्‍वरगी ङाला दोक खि साबेकी ङे दोक खिता करराङ लै खासुङ सिराच्‍योक माकेत, बरू गा खिन दाक्‍पोन राजी खुशीकी दि काम खाबाते ईन सिराच्‍योक खाला थेबाला लेमु खाला तो। थेमे दि काम खित्‍जीन पैसा थोई ङेत्‍कीका सिन पैसे लोभ खाला मेन्‍देकी दि काम खिता आउदी सेम ओताच्‍योक खाला काम खि।

२ पत्रुस 2:3

पैसे लोभकी खित्‍सादु थेबेकी ख्‍योकोनला मेन्‍दा मेन्‍दे बात जोला लाप्‍ला ठगे खिओ। दोक खित्‍कान्‍तेबाला परमेश्‍वरगी सजाय बिन्‍ला नरककुण्‍डमा लुक्‍यो सिन गोमाका साबा ओत। थेकी दि बात टोक ज्‍येता मेत। था थेकी होत्ताराङ थेबाला सजाय तेरग्‍यो।

यहूदा 1:11

था थेबाला आउदी मेलेबा ओङगो। च्‍यिला सासीन थेबेकी कयिनगी खाबा च्‍योकराङ खिदुक। पैसे लोभ खाईन बालामगी खाबा च्‍योकराङ मेलेबा काम खिदुक। थेमे कोरहेकी च्‍योक खाला छ्ये छ्ये मि विरोध खिदुक। दोक खाबेकी थेबाङ कोरह च्‍योकराङ सजाय ङेत्‍ला स्‍यिइओ।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।