१ तिमोथी 3:15 - जिरेल

¹⁵ केही कुरोकी ङा होत्ता मासीनोङ दि बातओन पढे खानामेई परमेश्‍वर खाम्‍बे मिओनगी चुक खिता फाप्‍च्‍या ईन्‍दाका, चुक खाला देता फाप्‍च्‍या ईन्‍दाका सिन खुई छ्या स्‍येक्‍यो। थोक्‍ते मिओन सोम्‍बोते परमेश्‍वर मि ईन। थेबेकी खित्‍सादु परमेश्‍वर सत्‍यते बात च्‍यि ईन्‍दे सिन गाङेकी छ्या स्‍येला थे बातताङ मिडिक्‍च्‍येते बात डेला थुप्‍क्‍यो।

१ तिमोथी 3:15 Iomraidhean Croise

मत्ती 16:16

थेबे नाङ शिमोन पत्रुसकी “गुरू, खो सोम्‍बोते परमेश्‍वर फुज्‍युङ ईन। खो थेकी तोङगो साबाते ख्रीष्‍ट ईन,” सिन सिदुक।

मत्ती 18:18

ङा ख्‍योकोनला च्‍यि सिते सासीन ख्‍योकोनगी दुरू मेङगो साबाते बातला परमेश्‍वरगीङ स्‍वर्गने मेङगोतराङ सिन सिओ। थेमे ख्‍योकोनगी दुरू ओङगो साबाते बातलाचेन थेकीङ ओङगोतराङ सिन सिओ।

यूहन्‍ना 1:17

परमेश्‍वरगी थे खोरोङ नियम मिओनला मोशे लाःक्‍तुकी बिन्‍दा ओतान। थे खोरोङ दया खित्‍कान्‍ते थेमे सत्‍यते ईन सिनचेन येशू ख्रीष्‍ट छ्य्‌वापेई तेन्‍गीन बिन्‍सुङ।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 6:69

खुई सेमला पाप सिराते छ्याःङ मेत, खोल्‍ला परमेश्‍वरगीराङ ताङाते ईन सिन ङ्योकोनगी छ्या स्‍येबा ओत। दि बात ङ्योकोन पत्ते खिओ,” सिन सिदुक।

शक्ति काम 1:2

नामसाक बात सासीन थे खोरोङगी खटे खाबाते मिओनला था च्‍यि च्‍यि खिता फाप्‍कीते सिन परमेश्‍वर आत्‍मे छ्य्‌वापेई लाप्‍कीन बिन्‍नामेई परमेश्‍वरगी थे खोरोङला स्‍वर्गने खेरे छोमुसाक बाततेबा ङे थे किताबलाराङ टिबा ओत।

शक्ति काम 14:15

“ए ख्‍योकोनगी दोक च्‍यि खिता चाले? ङ्योकोन ल्‍हा मेन। ङ्योकोनोङ ख्‍योकोन च्‍योक्‍ते मिराङ ईन। ङ्योकोननी दुरू ख्‍योकोनला गा लाङच्‍येते बात लोपालाका वाबाते ईन। च्‍यि सासीन ख्‍योकोनगी थातासाक ल्‍हा सिन माने खाबातेबाला माने खिता माफाबो। थेबा ल्‍हा मेन। थेबाला माने खिता ताङला बरू सोम्‍बोते परमेश्‍वर छ्य्‌वापा लै खाला थेला माने खि। थेकीराङ दि सा नाम, समुन्‍द्र थेमे ओतातेबरी जति गाङे जोबाते ईन।

रोमी 3:2

थोक सिरकानला ङा च्‍यि सिते सासीन यहूदी ओङाला काल्‍बेई फाइदा ओत। गाङे भन्‍दा गोमानी परमेश्‍वरगी थेबाताङ बात खाईन थेबाला थे खोरोङ बात बिन्‍दा ओत।

रोमी 9:26

थेमे गोमा ङाराङगी ख्‍योकोन ङे मि मेन साबाते मिओनलाराङ थाचेन दिबा सोम्‍बोते परमेश्‍वर फुज्‍युङ फुमु ईन सिन सिओ,” सिन साबा ओत।

१ कोरिन्‍थी 10:32

ख्‍योकोनगी खाबाते कामगी खित्‍सादु ज्‍येनला पाप खित माज्‍युत। यहूदीओनला ईन्‍सीनोङ, ग्रीकओनला ईन्‍सीनोङ कि परमेश्‍वर मिओनलाराङ ईन्‍सीनोङ सुङलाङ ख्‍योकोनगी खाबाते कामगी खित्‍सादु पाप खित माज्‍युत।

१ कोरिन्‍थी 3:16

ख्‍योकोन खेराङराङ परमेश्‍वर मन्‍दिर ईन थेमे परमेश्‍वर आत्‍मा ख्‍योकोन नाङ देत्‍क्‍यो सिन च्‍यि ख्‍योकोनला छ्या मेत?

२ कोरिन्‍थी 3:3

थेकी साबाच्‍योक खाईन ङ्योकोनगी ख्‍योकोन नाङ काम खाबेकी दि चिट्ठीचेन ख्रीष्‍ट थे खोरोङगीराङ टिबाते ईन सिन मि गाङेकी छ्या स्‍येला दुक। दि चिट्ठी मसीकी टिबाते मेन, दोई पाटीला टिबातेङ मेन। दिचेन सोम्‍बोते परमेश्‍वर आत्‍मेकी मि सेमगी नाङराङ टिबाते ईन।

२ कोरिन्‍थी 6:16

परमेश्‍वर मन्‍दिर ओङगीन सिन्‍दाते मिओन ल्‍हा ल्‍हन्‍डीकताङ चुक खाला डिक्‍पा ओङगीते? ङुरूङनी सोम्‍बोते परमेश्‍वर मन्‍दिर ईन। ङुरूङ थोक्‍ते मि ईन सिन परमेश्‍वरगी थे खोरोङ बातला “ङा थेबाताङ ङ्योम्‍बुराङ देत्‍क्‍यो। दोक खाला ङा थेबे परमेश्‍वर ओङला थेबाला ङाराङ मि ईन सिओ,” साबा ओत।

२ कोरिन्‍थी 6:7

परमेश्‍वर बातला जे साला दुक ङ्योकोन थेकामा लोप्‍क्‍यो, ङेराङगी खित्‍च्‍येते काम ङ्योकोन परमेश्‍वर शक्ति छ्य्‌वापेकी खिओ। लडाइँला डोकान्‍ते मिते सामे लाक्‍पाला तरवार थेमे देब्रे लाक्‍पाला ढाल ओङगो। ङ्योकोन ढालताङ तरवारचेन परमेश्‍वरगी खि साबा साबाच्‍योक खाला ङेराङगी खिन ओताते कामराङ ईन।

गलाती 2:9

परमेश्‍वरगी ङाला दया खाईन दि काम खित्‍च्‍येते जिम्‍मा बिन्‍दाते दुका सिन छ्या स्‍येनामेकी होथे छ्येते मिओन नाङ गाङे भन्‍दा छ्येतेबा ईन सिन साबाते याकूब, पत्रुस थेमे यूहन्‍नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्‍ला काम खिइ सिन सिदुक। दोक खित्‍जीनराङ बारनाबासताङ ङा ज्‍येन ज्‍येन जातकी मिला थेमे थेबाचेन यहूदीओनला गा लाङच्‍येते बात लोप्‍की सिरच्‍येते बातला थेबा डिक्‍सुङ।

गलाती 3:1

गलातिये मिवे, ख्‍योकोन च्‍यिला लेम्‍बे काम खिता छोल्‍गीते? ख्‍योकोनला सुई च्‍यि कुल्‍गीन लै खाईन दोक गाल्‍सुङा? येशू ख्रीष्‍टला स्‍यिङगी थामला टाँए खाईन सेताते बात ङे ख्‍योकोनला लेमु खाईन खोबा खाईन बिन्‍दा ओतान मेन?

एफिसी 4:21

ख्रीष्‍ट सु ईन्‍दे सिन लापाते बात ख्‍योकोनगी थोबा ओत मेन? थे बात लोप्‍जीन येशूकी खाबातेताङ साबाते सत्‍यते बात ख्‍योकोनला लापा ओतान।

कलस्‍सी 1:5

परमेश्‍वरगी था तिरी खेराङला स्‍वर्गने तेरग्‍यो सिन साबातेबा ङेत्‍क्‍यो सिन खेराङगी आश खाईन देताते पक्‍काराङ ङेत्‍क्‍यो सिन छ्या स्‍येबेकीराङ ख्‍योकोनगी थोक लेमु खिन ओताते ईन। परमेश्‍वरगी खेराङला तेरग्‍यो साबाते ङेत्‍क्‍यो सिनचेन ख्‍योकोनगी सत्‍यते बात थोनामेई छ्या स्‍येबा ओत। सत्‍यते बातचेन गा लाङच्‍येते बात ईन।

१ थिस्‍सलोनिकी 1:9

ङ्योकोन जुन ठाउँदु ख्‍योल्‍सीनोङ थेङले मिओनगी दोक सिन ख्‍योकोन बातकामा खिदुक। थेबेकी ङ्योकोन ख्‍योकोनला प्रभु येशू बात लोपाला डोजीन ख्‍योकोनगी ङ्योकोनला चुक लेमु खाबा ओताने सिरच्‍येते बात थेमे ख्‍योकोनगी ल्‍हा लुतेबा माने खिता ताङगीन सोम्‍बोतेताङ सत्‍यते परमेश्‍वर छ्य्‌वापा लै खाईन थेलाकामा माने खिताला स्‍यूबाते बात खिदुक।

१ तिमोथी 3:14

ङाला था खो ओत्‍सापा होत्ता ओङा थुप्‍कीतासीन सिराच्‍योक लाबा ओत्‍सीनोङ ङे दि बातओन दोक खाईन चिट्ठीलाराङ टिबाते ईन।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

१ तिमोथी 3:2

थोक्‍ते मिचेन सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थेते फेम्‍मेज्‍यीककामा ओङा फाप्‍क्‍यो। थेचेन जहिलेङ च्‍याङबो खाला देत्‍कानज्‍यीक, दाक्‍पोन सेम काबूला ज्‍य्‌वाबा थुप्‍कानज्‍यीक ओङा फाप्‍क्‍यो। थे बानी लेमु ओताज्‍यीक, डोम्‍बोओनताङ फार छुर ख्‍याम्‍कान मिओनला लेमु खित्‍कानज्‍यीक थेमे मिओनला परमेश्‍वर बात लेमु खाला लोपा थुप्‍कानज्‍यीक ओङा फाप्‍क्‍यो।

१ तिमोथी 3:5

च्‍यिला सासीन दाक्‍पोन खाम्‍बे बन्‍दाबस्‍ता लेमु खिता मुथुप्‍कान्‍ते मिकी चुक खाला परमेश्‍वर मिओनला लेमु खाला ता थुप्‍कीतेरो?

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।

१ तिमोथी 6:16

थेकामा नोमुङ मिस्‍यिओ। थे सुङ दोन्‍दु ड्वा मुथुप्‍च्‍ये नाम्‍दाकला देत्‍क्‍यो। थेला सुङगीङ थोङा मेत, सुङगीङ थोङाङ मुथुबो। दोक छ्येते परमेश्‍वरला गाङेकी मान खिनराङ देत्‍स्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

२ तिमोथी 2:19

तर परमेश्‍वर सत्‍यते बातचेन नोमुङ माराम्‍च्‍या खाईन तिङाते खाम्‍बे जग च्‍योकराङ ईन। थे बात नोमुङ खुदुक मोन्‍डोओ। खइँदा खाम्‍बा च्‍यि लाईदु जोबाते ईन्‍दे सिन खाम्‍बे दोज्‍यीकला कोरगीन टिबाते बात च्‍योक खाईन परमेश्‍वर सत्‍यते बातला दोक दोक सिन टिबा ओत। चुक सासीन “थे खोरोङ मि सु सु ईन्‍दे सिन प्रभु परमेश्‍वरगी लेमु खाला छ्या स्‍येक्‍यो,” थेमे “प्रभु परमेश्‍वर मि ईन सिन सिरकान गाङेकी मेलेबा काम खिता तोङा फाप्‍क्‍यो,” सिन टिबा ओत।

२ तिमोथी 2:20

थेमे दि बादोङ विचार खि। च्‍यि सासीन छ्ये छ्ये मि खाम्‍बाला सेरताङ चाँदी स्‍यीकामा मेन, सबी स्‍यीताङ स्‍यिङगी नोततेबाङ ओङगो। सेरताङ चाँदी स्‍यीचेन साप साजीन थेमे भोज लै खित्‍जीन चले खिओ। तर स्‍यिङताङ सबी नोतचेन ज्‍येन कामगी लाईदु चले खिओ।

हिब्रू 10:21

थेरू परमेश्‍वर मि गाङे लाईदु काम खित्‍कान्‍ते ङुरूङते छ्येज्‍यीक पूजारी ओत।

हिब्रू 12:22

तर ख्‍योकोननी सीनै बोमदु मेन्‍देकी सियोन बोमदुका लेपा ओत। सोम्‍बोते परमेश्‍वर देत्‍च्‍येते स्‍वर्गने ओताते यरूशलेम सारोङ ख्‍योकोन लेप्‍सादुराङ ईन। थेरू गा खिन परमेश्‍वरते जय जय खिन देत्‍कान्‍ते ङोला ङ्वा मुथुप्‍च्‍या परमेश्‍वर दूतओन ओत।

हिब्रू 3:12

थोगी आज्‍यो न्‍वावे, दि बातओन सम्‍झे खाला ख्‍योकोन च्‍याङबो खाला देत। दोक माक्‍यासीन परमेश्‍वर बात मेङेन्‍दा खाला सोम्‍बोते परमेश्‍वर छ्य्‌वापेई ख्‍योकोन ठाल्‍ला डुइओ।

हिब्रू 9:14

थोक खानामेईनी बिटुले खाबाते मि चोके खिओ सासीन ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु था ईन्‍सीन मेलेबाते कामगी सजाय ङेत्‍ला ङा नरककुण्‍डमा स्‍यूक्‍पा माफाबो सिन ख्‍योकोन ढुक्‍क खाला देता थुप्‍क्‍यो। दोक ओङला ख्‍योकोनगी सोम्‍बोते परमेश्‍वरगी खि साबा साबाते खिन थेला माने खिता थुप्‍क्‍यो। च्‍यिला सासीन छ्याःङ गल्‍ती खाबा मेताते ख्रीष्‍ट परमेश्‍वर आत्‍मे शक्ति ङेत्‍कीन परमेश्‍वरला थे खोरोङ ज्‍यानराङ बिन्‍गीन स्‍या ओत।

१ पत्रुस 2:5

परमेश्‍वरगी जुनी बिन्‍दाते ख्‍योकोनोङ दो च्‍योक्‍तेराङ ईन। दोक्‍ते दोई छ्य्‌वापेई परमेश्‍वरगी थे खोरोङ आत्‍मा देत्‍च्‍येते मन्‍दिर जोच्‍येते ईन्‍देकी ख्‍योकोनगी थेला मेङगो मिसिरा खाला थोक खित छ्युत। दोक ओङनामेई ख्‍योकोनगी परमेश्‍वरला मन परे खित्‍च्‍येतेबा चढे खित्‍कान्‍ते पूजारी ओङला थेला मन परे खित्‍च्‍येते काम खिता थुप्‍क्‍यो। दोकचेन ख्‍योकोनगी येशू ख्रीष्‍टकी खाबाते कामगी खित्‍सादु खिता थुप्‍क्‍यो।

१ पत्रुस 4:17

थेमे था परमेश्‍वरगी मि गाङे न्‍याय खित्‍च्‍येते बेला लेपा खासुङ। था थेकी गोमा ङुरूङ न्‍याय खिओ। दोक खाला थे खोरोङ मिओनतेनी थेकी न्‍याय खिओ सासीन झन थे खोरोङ गा लाङच्‍येते बात मेङेन्‍कान्‍ते मिओनला चुकका खाओङा।

छ्या स्‍ये च्‍युताते बात 7:2

लोईन ङे सोम्‍बोते परमेश्‍वर छाप खुरा ओताते ज्‍येनज्‍यीक परमेश्‍वर दूतज्‍यीकला ङीमा स्‍यारसे छ्य्‌वापेई ओङगीन ओताते थोङसुङ। थेमे थेकी दि सा लुङबाताङ समुन्‍द्र नाश ज्‍वाप्‍ला अधिकार ङेता ओताते थे लाकीन देताते दूत स्‍यीबोला छेरा खिनकामा