१ तिमोथी 3:13 - जिरेल

¹³ थेबेकी खोपरोङ काम लेमु खाईन खासीन ज्‍येनगी थेबाला लेमु मि ईन साला मान खिओ। थेमे खोपरोङगी येशू ख्रीष्‍टला विश्‍वास खाईन ङेन्‍दाते बात झन छ्याःङ ज्‍यीबा मिक्‍किता खाला लोपा थुप्‍क्‍यो।

१ तिमोथी 3:13 Iomraidhean Croise

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

मत्ती 25:21

थोक सिरजीन मालिकतेकी थेला ‘खुई आउदी लेमु खाईन काम खादुक। खो मालिककी साबा च्‍योकराङ खित्‍कान्‍ते मि दुका। ङे खोल्‍ला चाँदी डबल थोस्‍यिककामा बिन्‍गीन ज्‍याक्‍सीनोङ खुई थे लेमु खाईन चले खाबेकी था ङा खोल्‍ला झन थे भन्‍दाङ काल्‍बेई पैसे जिम्‍मा तेरग्‍यो। था खो ङा च्‍योकराङ गा खिन ङात्ताङ ङ्योम्‍बुराङ देता ङेत्‍क्‍यो,’ सिन सादुक्‍लो।

लूका 19:17

थोक सिरजीन थे गेल्‍बोकी थेला ‘खुई आउदी लेमु खाईन काम खादुक। ङे खोल्‍ला डबलज्‍यीककामा बिन्‍गीन ज्‍याक्‍सीनोङ खुई लेमु खाईन दि पैसा चले खाबेकी था ङा खोल्‍ला छ्येज्‍यीक जिम्‍मा तेरग्‍यो। ङा खोल्‍ला सार च्‍युताम्‍बाला राज्‍य खित ज्‍युत्‍क्‍यो,’ सिन थेला थोस्‍यिक सारला राज्‍य खित च्‍युत्‍तुक्‍लो।

शक्ति काम 21:35

थोक सानामेकी थेबेकी पावलला ब्‍यारेकने डोच्‍येते सिंढी खादु क्‍याला ओतान। थे मिबरी याङराङ फुङ पुकीन थेरू ओङा थोङगीन पावलला सेत्‍कीता सिन ज्‍यीबेकी थे मिल्‍टेरीओनगी थेला तेगीन खेरसुङ।

शक्ति काम 6:15

थेबेकी थोक थोक सानामेई थेरू जम्‍मा ओङाते छ्ये छ्ये मि गाङेकी स्‍तिफनसला तासुङ। ताजीन थेबेकी थे छ्येत परमेश्‍वर दूतकीते च्‍योकराङ खाला टल्‍के खिन ओता थोङसुङ।

शक्ति काम 6:5

दि बात गाङेला सेमला गाल्‍सुङ। थेमे थेबेकी खोपरोङ नाङदुई मेराज्‍यीकचेन स्‍तिफनस सिरातेला छाने खासुङ। थेचेन येशूकी जेङ खिता थुप्‍क्‍यो सिन थेला आउदी खाला विश्‍वास खित्‍कानज्‍यीक थेमे परमेश्‍वर आत्‍मेकी खाङाते मि ओतान। थेबेकी छाने खाबाते ज्‍येन मेरा ठुकचेन फिलिप, प्रखरस, निकनोर, तीमोन, पर्मिनास थेमे निकोलाउस सिरातेन्‍दे ओतान। निकोलाउसचेन एन्‍टिओखिया सारगी मि ओतान। ज्‍येन जातकी मि ईन्‍सीनोङ थेकी यहूदी धर्म माने खिताला स्‍यूबा ओतान।

शक्ति काम 6:8

थे छाने खाबाते मेन्‍दा दुईनगी नाङ स्‍तिफनसलाचेन परमेश्‍वरगी आउदी खाईन आशी बिन्‍दा ओतान। थेला अचम्‍बते काम खित्‍च्‍येते शक्तिङ बिन्‍दा ओतान। थोगी थेकी मिओन नाङ छ्ये छ्येताङ अचम्‍बतेन्‍दे काम खिन ओतान।

१ कोरिन्‍थी 16:15

थेमे अखैये लुङबादु ओताते मिओन नाङ गाङे भन्‍दा गोमा येशूला विश्‍वास खित्‍कान्‍ते स्‍तिफनासताङ थे खाम्‍बे मिओन ख्‍योकोनला छ्याराङ ओतासीन। थेबाचेन जहिलेङ परमेश्‍वर सन्‍तानओनला च्‍यि चुक दुका ताला थुपासम्‍म थेबाला लेमु खित्‍कान्‍ते मि ईन। आज्‍यो न्‍वावे, ङा ख्‍योकोनला च्‍यि सिन बिन्‍ती खिते सासीन

फिलिप्‍पी 1:14

ङाला जेलदु लुक्‍नामेई प्रभु ख्रीष्‍टला विश्‍वास खित्‍कान्‍ते ज्‍येन आज्‍यो न्‍वा काल्‍बेईकी ज्‍यीबा खाला देता मेङच्‍याक्‍वा सिन आँट ङेता ओत। आँट ङेत्‍कीन था थेबेकी परमेश्‍वर बात ज्‍यीबाराङ मिक्‍किता खाला लोप्‍कीदुक।

१ थिस्‍सलोनिकी 2:2

च्‍यि सासीन ख्‍योकोन ओत्‍सापा ओङा भन्‍दा गोमा फिलिप्‍पी सारदु परमेश्‍वरते गा लाङच्‍येते बात लोप्‍जीन थेरू मिओनगी ङ्योकोनला दुकीन इज्‍जत बेइज्‍जत खाबाते बात ख्‍योकोनगी छ्या मास्‍येबाते मेन। थेरू थोक खाईन दुक्‍पा बिन्‍सीनोङ परमेश्‍वरगी ङ्योकोनला आँट बिन्‍देकी ङ्योकोनगी ख्‍योकोन ओत्‍सादु वाकीन थेरूङ थे बातराङ लापाप। थेरूङ मिओनगी आउदी दुक्‍पा बिन्‍सीनोङ ङ्योकोनगी छ्याःङ ज्‍यीबा मिक्‍किता खाईन ख्‍योकोनला थे बात लापा ओतान।

१ तिमोथी 3:14

ङाला था खो ओत्‍सापा होत्ता ओङा थुप्‍कीतासीन सिराच्‍योक लाबा ओत्‍सीनोङ ङे दि बातओन दोक खाईन चिट्ठीलाराङ टिबाते ईन।

२ तिमोथी 2:1

थेमे फुज्‍यो, येशू ख्रीष्‍टकी खित्‍सादु परमेश्‍वरगी खोल्‍ला दया खाईन शक्ति बिन्‍दा ओतेकी खो छ्याःङ ज्‍यीबा माकेत।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।