१ तिमोथी 3:1 - जिरेल

¹ थेमे सुइँदा मि येशू ख्रीष्‍ट मिओनला ताकान्‍ते छ्येते मि ओङा चाल्‍सीन थेकी लेमु कामराङ खिता चालाते ईन सिन सिरच्‍येते बात साँच्‍चीराङ ईन्‍दाते बात ईन।

१ तिमोथी 3:1 Iomraidhean Croise

लूका 15:10

ङा ख्‍योकोनला च्‍यि सिते सासीन तोराते डबल ङेत्‍नामेई थे फेम्‍मे मि गा खाबा च्‍योकराङ खाला सुइँदा पापीज्‍यीककामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन परमेश्‍वर दूतओनोङ आउदी खाला गा खिओ,” सिन सिदुक।

शक्ति काम 1:20

थे बात भजन किताबला चुक सिन टिबा ओते सासीन ‘थे खाम्‍बादु देत्‍कान्‍ते थेते सखा सन्‍तान दर सन्‍तान सुङ मायाङला थे खाम्‍बा तोङबा सिली डोरस्‍यीत,’ सिन टिबा ओत। लोक्‍ला थे किताबलाराङ ‘थे साटोलाचेन ज्‍येनगी काम खित्‍स्‍यीत,’ सिनोङ टिबा ओत।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

रोमी 11:13

था ङा ख्‍योकोन ज्‍येन ज्‍येन जातकी मिला दि बात सिओ। च्‍यि सासीन ङाचेन ज्‍येन ज्‍येन जातकी मिला गा लाङच्‍येते बात लोपाला येशू ख्रीष्‍टकी खटे खाबाते मि ईन। ङाराङला जिम्‍मा बिन्‍दाते काम खिताला ङा आउदी खुशीङ ओत।

एफिसी 4:12

परमेश्‍वर सन्‍तान गाङेकी परमेश्‍वरगी खाबाते थेमे थेकी च्‍यि खि सिते सिन छ्या स्‍येला खोपरोङगी खिता फाप्‍च्‍येते काम खिता थुप्‍स्‍यीत, दोक खाला ख्रीष्‍टकी जीउ च्‍योक ओङाते थेबा गाङेराङ डिक्‍ला चुक खासीन दाक्‍पोन नाङ लेमु ओङगीका थोकराङ खित्‍स्‍यीत सिनराङ मिओनला खुदुक खुदुक काम खित्‍च्‍येते होदोक्‍ते सीपताङ शक्ति बिन्‍दाते ईन।

फिलिप्‍पी 1:1

दि चिट्ठी टिक्‍कान्‍ते ङा पावल थेमे तिमोथी ईन। ङ्योकोन येशू ख्रीष्‍ट काम खित्‍कान्‍ते मि ईन। ङ्योकोन दि चिट्ठी फिलिप्‍पी सारदु ओताते परमेश्‍वर सन्‍तानओनला ताकान्‍तेबे नाङ छ्येते मिओन थेमे थेबाला थोक खिताला मद्धत तेरकान्‍ते मिओनला टिगीन ओत। थेबालाकामा मेन्‍देकी दि चिट्ठी येशू ख्रीष्‍टताङ जीउज्‍यीकराङ ओङाते परमेश्‍वर सन्‍तान ख्‍योकोन गाङेला टिगीन ओत।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।

१ तिमोथी 1:15

येशू ख्रीष्‍ट पापीओनला पापकी सजायदुकी डेलाला दि सा लुङबादु वाबाते ईन सिन सिरच्‍येते बात साँच्‍चीराङ ईन्‍दाते थेमे मिओनगी पत्ते खिता फाप्‍च्‍येते बातराङ ईन। थेमे पापीओन नाङ आउदी खाला पाप खित्‍कान्‍ते मि ङाराङ ईन।

१ तिमोथी 4:9

दि बात साँच्‍चीराङ ईन्‍दाते थेमे मिओनगी पत्ते खिता फाप्‍च्‍येते बातराङ ईन।

२ तिमोथी 2:11

दोक सिन सिरच्‍येते बात साँच्‍चीराङ ईन्‍दाते बात ईन। च्‍यि सासीन ङुरूङ येशू ख्रीष्‍टताङ स्‍याप्‍ते ईन्‍सुङ सासीन ङुरूङगीङ थेकी ङेताते च्‍योक्‍ते जुनी ङेत्‍ला थेत्ताङराङ देता ङेत्‍क्‍यो।

तीतस 1:7

दोक खाला येशू ख्रीष्‍ट मिओनला ताकान्‍ते छ्येते मिकीचेन परमेश्‍वरगी खि साबाते काम खित्‍च्‍येते ईन्‍देकी सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थोक्‍ते मि दाक्‍पोन बातलाकामा जिद्धी मिक्‍किकानज्‍यीक, होत्ता स्‍येदाङ मिक्‍किकानज्‍यीक, छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक थेमे सम्‍पत्ति ज्‍वाप सिन पैसे लोभला मुस्‍यूक्‍कानज्‍यीक ओङा फाप्‍क्‍यो।

तीतस 3:8

दि बात साँच्‍चीराङ ईन्‍दाते बात ईन। थोगी ङा खोल्‍ला च्‍यि सिते सासीन परमेश्‍वरला विश्‍वास खित्‍कान्‍ते थेरू मिओनगी लेमुते काम खित्‍च्‍ये छ्य्‌वापाकामा सेम लै खाला थोकराङ खित्‍स्‍यीत सिन थेबाला दि बात दोरे खाला खाला लाप्‍ला बिन। दि बात लेमु ईन्‍देकी मिओनगी ङेन्‍सुङ सासीन गाङेला लेमु ओङगो।

हिब्रू 12:15

खेराङ सुङ खेराङला दया खित्‍कान्‍ते परमेश्‍वरताङ ठाला माफाप्‍स्‍यीत सिन ख्‍योकोन च्‍याङबो खाला देत। दोक माक्‍यासीन मेलेबा मेलेबा काम खिता सेम लाला ख्‍योकोन परमेश्‍वर छ्य्‌वापेई ठाल्‍ला डुइओ। थोक्‍ते मिकीचेन परमेश्‍वरला विश्‍वास खित्‍कान काल्‍बेईला ङ्ये ज्‍युत्‍क्‍यो।

१ पत्रुस 2:25

गोमा ख्‍योकोन गोठाला मेत्‍कीन छरपुट्ट गालाते लुक च्‍योकराङ ओतान। थाचेन ख्‍योकोन प्रभु येशू छ्य्‌वापा लै खाबा ओत। थेचेन लेमुते लुई गोठाला ईन। थेकी ख्‍योकोनला मेलेबा खित्‍च्‍ये छ्य्‌वापेई जोए खाला लेमु खाला तेइओ।

१ पत्रुस 4:15

ख्‍योकोनगी मि सेतेकी खित्‍सादु कि सुइँदेते खइँदा कुबेकी खित्‍सादु कि मेलेबा काम खाबेकी खित्‍सादु कि मि काम ङ्ये च्‍युतेकी खित्‍सादु सजाय ङेत्‍तुक्‍लो सिराचेन लेमु मेन।

१ पत्रुस 5:2

चुक सासीन लुई गोठालेकी लुक ताप च्‍योकराङ खाला लेमु खाला तो सिन परमेश्‍वरगी खेराङ जिम्‍माला बिन्‍दाते परमेश्‍वर मिओनला लेमु खाला तो। परमेश्‍वरगी ङाला दोक खि साबेकी ङे दोक खिता करराङ लै खासुङ सिराच्‍योक माकेत, बरू गा खिन दाक्‍पोन राजी खुशीकी दि काम खाबाते ईन सिराच्‍योक खाला थेबाला लेमु खाला तो। थेमे दि काम खित्‍जीन पैसा थोई ङेत्‍कीका सिन पैसे लोभ खाला मेन्‍देकी दि काम खिता आउदी सेम ओताच्‍योक खाला काम खि।