१ तिमोथी 2:8 - जिरेल

⁸ थेमे ङा च्‍यि सिते सासीन येशू ख्रीष्‍ट मिओन जम्‍मा ओङजीन गाङेपा ख्‍योओ मिओनगी प्रार्थना खिता फाप्‍क्‍यो। प्रार्थना खिताला लाक्‍पा लोङजीन थेबा मेलेबा काम खिता ताङगीन सिन्‍दाते मि ओङा फाप्‍क्‍यो। थेबेकी सुङताङ स्‍येदाङ खुरा मेङगो। थेमे थेबा थोम्‍मु जीङगा खिता छोल्‍कान्‍ते मि ओङा मेङगो।

१ तिमोथी 2:8 Iomraidhean Croise

मत्ती 21:21

थेमे थेकी थेबाला “ङा ख्‍योकोनला च्‍यि सिते सासीन छ्याःङ शंका मिक्‍किता खाईन परमेश्‍वरला विश्‍वास खासीन ङे दि नेभारे दोङबोला खाबा च्‍योककामा मेन, ख्‍योकोनगी उथे बोमला थेरूकी खोर फोक्‍ला समुन्‍द्रमा स्‍यू सासीनोङ ख्‍योकोनगी साबा च्‍योकराङ ओङगो।

मत्ती 5:44

ङाचेन ख्‍योकोनला च्‍यि सिते सासीन युल्‍बालाकामा मेन, शत्रुओनलाङ ङिङज्‍ये खि। थेमे खेराङला खेदापानी खित्‍कान्‍ते मिओनलाङ लेमु ओङस्‍यीत सिन परमेश्‍वरताङ प्रार्थना खि सिन सिओ।

मत्ती 6:12

ङ्योकोनगी ङेराङला मेलेबा खित्‍कान्‍ते मिओनला माफ तेरा च्‍योकराङ खाला ङ्योकोनगी खाबाते पाप माफ नाङ।

लूका 23:34

थोक खानामेई येशूकी “आबा, ङाला दोक खित्‍कान गाङेला माफ बिन। ङाला दोक खाबाते च्‍यि खाबाते ईन्‍दे सिन दिबेकी खोबा मिन्‍दुक,” सिन प्रार्थना खासुङ। येशू खोलाकचेन थे मिल्‍टेरीओनगी सु सुला खाङ खाङ फाप्‍च्‍या ईन्‍दाका सिन चिट्ठा ग्‍याप्‍कीन गोकीन खासुङ।

लूका 24:50

थेमे येशूकी थेबाला यरूशलेमदुकी बेथानीसाक टीकीन खेरसुङ। थेमे थेरू थेबा ओत्‍सापाला लाक्‍पा ङिकाराङ क्‍याङगीन गाङेला आशी बिन्‍सुङ।

यूहन्‍ना 4:21

थेकी थोक सिरजीन येशूकी “आज्‍यी, ङा खोल्‍ला दि बात सिओ। च्‍यि सासीन था समयज्‍यीक ओङगो। थेजीन आबा परमेश्‍वरला माने खिताला मिओन दि बोमदुङ ओङा माफाबो, यरूशलेमपाङ ड्वा माफाबो।

शक्ति काम 10:2

यहूदी मेन्‍सीनोङ थेत्ताङ थे खाम्‍बे मि गाङेराङ परमेश्‍वर नियम ङेन्‍ला परमेश्‍वरला माने खिन ओतान। थेकी दुक्‍पा ङेताते यहूदीओनला दुक्‍पाला तेइन ओतान। थेमे थे परमेश्‍वरला प्रार्थनाङ खिन ओतान।

शक्ति काम 10:31

थेकी वाकीन ङाला ‘कर्नेलियस, खुई परमेश्‍वरला प्रार्थना खिन ओताते थेमे दुक्‍पा ङेतातेबाला ताबाते बात गाङे परमेश्‍वरगी छ्या स्‍येबा ओत।

शक्ति काम 10:4

परमेश्‍वर दूतकी कातोङजीन ज्‍यीबेकी थुरथुर गाल्‍गीन थेला ऊरीकामा ताकीन देत्‍कीन थेकी “च्‍यि साबे प्रभु,” सिदुक। थेमे थे दूतकी थेला “खुई प्रार्थना खाबाते थेमे दुक्‍पा ङेताते मिओनला दुक्‍पाला ताबाते परमेश्‍वरगी थोङगीन खोल्‍ला मन परे खाबा ओत।

शक्ति काम 21:5

ईन्‍सीनोङ थेरूकी ख्‍याम्‍बे बेला लेप्‍नामेकी ङ्योकोन सारदुई थेन्‍गीन पानीजहाजला जेक्‍पाला समुन्‍द्रे खानामा गालाप। थेरूई डोजीन थेबा गाङेराङ खोपरोङ फेम्‍मे फिजातेबालाङ टीकीन थेस्‍साक ङ्योकोनला केल लिच्‍युङ। ङ्योकोन गाङेकी थेबाताङराङ थेरू खोबुकला देत्‍कीन परमेश्‍वरला प्रार्थना खाबाप।

शक्ति काम 7:60

थेमे खोबुकला देत्‍कीन गाङेकी थोच्‍या खाईन “ए प्रभु, दिबेकी दोक मेलेबा पाप खासीनोङ दिबाला माफ बिन,” सिन सिदुक। थोस्‍यिक साकीन च्‍याकीन थे दाक स्‍यिसुङ। स्‍तिफनसलानी सेताराङ फाप्‍च्‍या ओतान सिन शावलोङ आउदी खाईन गा खाबा ओतान।

१ कोरिन्‍थी 1:2

ङा दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन ख्‍योकोनला टिगीन ओत। येशू ख्रीष्‍टकी खित्‍सादु परमेश्‍वरगी ख्‍योकोन सेम खुदुक जोकीन थे खोरोङ सन्‍तान ईन सिन छाने खाबा ओत। दुरू टिबाते बातचेन ख्‍योकोन च्‍योकराङ प्रभु येशू ख्रीष्‍टला प्रभु सिन सिरकान्‍ते गाङेपे मिलाङ ईन। येशू ख्रीष्‍टचेन थेबेतेङ ङुरूङतेङ मालिक ईन।

१ कोरिन्‍थी 7:7

ईन्‍दानी मि गाङे ङा च्‍योक खाईन फाङमा मिक्‍किता खाईन देताते ङाला लेमु लाङगीदुक। ईन्‍सीनोङ परमेश्‍वरगी मि दाक्‍पोन दाक्‍पोनला दोक्‍पोईला फाङमा खाला देत्‍च्‍येते थेमे ज्‍येनज्‍यीकला फाङमाराङ मिक्‍किता खालाङ देता थुप्‍च्‍येते शक्ति बिन्‍दा ओङगो।

२ कोरिन्‍थी 2:14

थेमे परमेश्‍वरला ङ्योकोन धन्‍यवाद तेरग्‍यो। ख्रीष्‍टताङ जीउज्‍यीकराङ ओङा ओतेकी ङेराङ जहाँदु गाल्‍सीनोङ परमेश्‍वरगी सधैँ ङ्योकोनला ख्रीष्‍ट च्‍योकराङ शत्रुला ग्‍याल्‍कान्‍ते ईन सिन तेन्‍ला तेरगीदुक। थेमे धूप पारनामेकी थे बास्‍ना फैले खाबा च्‍योकराङ खाला ङ्योकोन छ्य्‌वापेकी ख्रीष्‍ट सु ईन्‍दे, थेकी च्‍यि खिते सिरच्‍येते बात गाङेपा फैले खित ज्‍युत्‍कीदुक।

फिलिप्‍पी 1:12

थेमे आज्‍यो न्‍वावे, ङाला जेलदु ज्‍याक्‍पातेनी लेमुका ओङसुङ। ङाला जेलदु ज्‍याक्‍नामेई झन काल्‍बेई मिकी गा लाङच्‍येते बात थोबा ओत।

१ थिस्‍सलोनिकी 1:8

ख्‍योकोनगी खित्‍सादु प्रभु येशू बात थेबे नाङकामा फैले खाबाते मेन, ख्‍योकोन परमेश्‍वर छ्य्‌वापा लै खाईन थेला विश्‍वास खिताला स्‍यूबाते बात मिओनगी गाङेपा छ्या स्‍येला दुक। ख्‍योकोनगी परमेश्‍वरला विश्‍वास खाबाते बात ङ्योकोनगी सुङलाङ सिरा फाप्‍च्‍या मिन्‍दुक।

१ तिमोथी 5:14

थेबेकी थोक खिन माख्‍याम्‍स्‍यीत सिन ङा च्‍यि सिते सासीन थोरूमोङ उमेर ओताते ख्‍योबो स्‍याप्‍ते फेम्‍मे मिओनगीचेन बरू याङराङ फाङमा खासीन लेमु ईन। थोक खाला थेबेते फुज्‍युङ फुमु ओङला थेबेकी खाम्‍बा खाला सारस्‍यीत। थोक खासीन येशू ख्रीष्‍ट मिओनला विरोध खित्‍कान्‍ते मिओनगी बात खित्‍च्‍येते लाम छ्याःङ मेङेदो।

तीतस 3:8

दि बात साँच्‍चीराङ ईन्‍दाते बात ईन। थोगी ङा खोल्‍ला च्‍यि सिते सासीन परमेश्‍वरला विश्‍वास खित्‍कान्‍ते थेरू मिओनगी लेमुते काम खित्‍च्‍ये छ्य्‌वापाकामा सेम लै खाला थोकराङ खित्‍स्‍यीत सिन थेबाला दि बात दोरे खाला खाला लाप्‍ला बिन। दि बात लेमु ईन्‍देकी मिओनगी ङेन्‍सुङ सासीन गाङेला लेमु ओङगो।

हिब्रू 10:22

बात दोक दोक ईन्‍देकी छ्याःङ शंका मिक्‍किता खाला परमेश्‍वरला विश्‍वास खिन सेमदु पाप सिराते छ्याःङ मोज्‍योबा खाला ङुरूङ थे दोन्‍दु ड्वा फाप्‍क्‍यो। च्‍यिला सासीन येशू ख्रीष्‍टकी खाबाते कामगी खित्‍सादु ङुरूङ पाप गाङे माफ ओङेकी था ईन्‍सीन ङे पाप पूरो खाईन माफ ओङसुङ सिन ङुरूङ ढुक्‍क खाला देता थुप्‍च्‍या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।

याकूब 4:8

ख्‍योकोन परमेश्‍वर दोन्‍दु ग्‍युक। थेमे थे ख्‍योकोन दोन्‍दु ओङगो। ख्‍योकोन पापीओनगी था पाप खिता थोङ। परमेश्‍वरगी खि साबातेङ ङेन्‍दा छोल्‍च्‍या, दाक्‍पोन खुशीङ खिता छोल्‍कान्‍ते सेम ङि ओताते मिओनगीङ था थोक्‍ते बानी थोङ।

१ पत्रुस 3:7

थेमे ख्‍योओ मिवे, फेम्‍मे मि खेराङ छेत ङार्मा मेङगो सिरच्‍येते बात टोक मेज्‍येता खाला ख्‍योकोनगी दाक्‍पोन फेम्‍मेला लेमु खि। परमेश्‍वरगी थेबालाङ ख्‍योकोनला च्‍योकराङ खाला दया खाला नोमुङ मिसिन्‍च्‍येते जुनी तेरग्‍यो सिरच्‍येते बादोङ टोक माज्‍येत। ख्‍योकोन खेराङ खेराङगी चुक खिता फाप्‍च्‍या ईन्‍दाका थोकराङ खासीन परमेश्‍वरगी ख्‍योकोनगी खाबाते प्रार्थना ङेन्‍ग्‍यो।