१ तिमोथी 2:7 - जिरेल

⁷ परमेश्‍वरगी मिओनला थोक खिता छोल्‍ग्‍यो सिराला ङा येशू ख्रीष्‍टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्‍वास खिता फाप्‍कीते थेमे ङेन्‍दा फाप्‍च्‍येते सत्‍यते बात च्‍यि ईन्‍दे सिन ज्‍येन ज्‍येन जातकी मिला लोप्‍कान्‍ते मि ईन।

१ तिमोथी 2:7 Iomraidhean Croise

यूहन्‍ना 7:35

थेकी थोक सिरजीन यहूदीओनते छ्ये छ्ये मिकी “आछ्यि दिकी चुकस्‍यिक बात खिका। ङुरूङगी थेपराङ मेथेप्‍साला डुइओ सिरच्‍या दि खापा ड्वाप सिताका? ना दि ठाउँ ठाउँला ग्रीकओन नाङ गाल्‍गीन देता ओताते यहूदीओन ओत्‍साला गाल्‍ला ग्रीकओनला दि खोरोङ बात लोपा सिताका?

शक्ति काम 14:27

थेपा लेप्‍नामेकी येशू ख्रीष्‍ट मि गाङेला जम्‍मा खाईन थेबा ङिबोकी परमेश्‍वरगी खोपरोङला चुक चुक खित च्‍युत्‍सुङा थेमे ज्‍येन ज्‍येन जातकी मिलाङ थेकी चुक खाईन येशूला विश्‍वास खित्‍च्‍येते मौका बिन्‍सुङा सिन गाङे बात लाःप्‍सुङ।

शक्ति काम 22:21

थोक सिरजीनोङ प्रभु येशूकी ङाला ‘खो दुरू देता मेङगो। ङा खोल्‍ला थारी थारीला ज्‍येन ज्‍येन जातकी मिला परमेश्‍वर बात लोपाला तोङगो,’ सिन सिदुक,” सिन थे खोरोङला गोमा ओङाते बाततेबा लाःप्‍सुङ।

शक्ति काम 26:20

थोगी ङे गोमा दमस्‍कसदु थेमे यरूशलेमताङ यहूदिये अञ्‍चल नाङला गाङेपा थेमे ज्‍येन लुङबा लुङबाला गाल्‍गीन ज्‍येन ज्‍येन जातकी मिलाङ ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि सिन लापाप। थोक खित्‍जीन ङे थेबा गाङेला खोपरोङ पक्‍काराङ परमेश्‍वर छ्य्‌वापा लै खाबाते ईन सिन कामगीराङ खाला तेन्‍दा फाप्‍क्‍यो सिन साबाप।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

रोमी 1:9

ङे ख्‍योकोनला थोई सम्‍झे खाला जहिलेङ ख्‍योकोन लाईदु प्रार्थना खिका सिरच्‍येते बात परमेश्‍वरलाराङ छ्या ओत। थे फुज्‍युङते गा लाङच्‍येते बात ङाराङ स्‍येतकी थुपासम्‍म ज्‍येनला लाप्‍ला ङा परमेश्‍वरला माने खिओ।

रोमी 10:14

थोक ईन्‍सीनोङ प्रभु येशू ख्रीष्‍टला विश्‍वासराङ माक्‍याबाला सुङगीङ थे छ्य्‌वापा लै खाला थेत्ताङ मद्धत नाङ सिरा मुथुबो। थोकराङ खाला थे सु ईन्‍दे, चुक्‍ते ईन्‍दे सिन थे बात थोराङ माथोबाला सुङगीङ थेला विश्‍वास खिताराङ मुथुबो। थोगी थे बात थोबाला सुइँदा लाप्‍ला तेरकान्‍ते मि गोसुङ मेन?

रोमी 11:13

था ङा ख्‍योकोन ज्‍येन ज्‍येन जातकी मिला दि बात सिओ। च्‍यि सासीन ङाचेन ज्‍येन ज्‍येन जातकी मिला गा लाङच्‍येते बात लोपाला येशू ख्रीष्‍टकी खटे खाबाते मि ईन। ङाराङला जिम्‍मा बिन्‍दाते काम खिताला ङा आउदी खुशीङ ओत।

रोमी 15:16

ज्‍येन ज्‍येन जातकी मि नाङ काम खिताला थेकीराङ ङाला येशू ख्रीष्‍ट काम खित्‍कान्‍ते मि सिन खटे खाबाते ईन। थोगी ङा ज्‍येन ज्‍येन जातकी मिला परमेश्‍वर गा लाङच्‍येते बात लोप्‍क्‍यो। परमेश्‍वर आत्‍मेकी थेबे सेम खुदुक जोला थेबा परमेश्‍वरला चढे खाबाते थेला मन परे खित्‍च्‍येते भोग च्‍योकराङ ओङस्‍यीत सिन ङा दोक खाला लोप्‍च्‍येते काम खिओ।

रोमी 9:1

थेमे येशू ख्रीष्‍टताङ जीउज्‍यीकराङ ओङाते मि ईन्‍देकी ङा ईन्‍दाते बातकामा खिओ। ङे खिन ओताते दि बात ढाँर खाबाते मेन सिन ङाराङ सेमगी नाङ ओताते परमेश्‍वर आत्‍मेकीङ ङाला छ्या स्‍ये च्‍युता ओत।

१ कोरिन्‍थी 9:1

च्‍यि ङाराङगी खिता चालाते काम ङे ङाराङ खुशीकी खिता मेङेदोतरो? च्‍यि ङाङ येशू ख्रीष्‍टकी खटे खाबाते मि मेनरो? च्‍यि ङे ङुरूङ प्रभु येशूला थोङा मेत साबाप? थेमे च्‍यि ङे प्रभु येशूकी ङाला कोताते काम खाबेकीका ख्‍योकोनगी थेला विश्‍वास खाबाते मेनरो?

२ कोरिन्‍थी 11:31

ङे ढाँर मिक्‍किओ सिन परमेश्‍वरला छ्या ओत। थेचेन प्रभु येशू आबा थेमे परमेश्‍वर ईन। थेते सधैँभरि जय जय ओङस्‍यीत।

गलाती 1:16

थे खोरोङ फुज्‍युङ सु ईन्‍दे सिन ठेत च्‍युत्‍कीन बिन्‍सुङ। थे फुज्‍युङ सु ईन्‍दे, चुक्‍ते ईन्‍दे सिरच्‍येते बात ज्‍येन ज्‍येन जातकी मिला लोप सिन परमेश्‍वरगी ङाला थोक खाबा ओतान। थोक ओङनामेई था च्‍यि खित्‍च्‍ये, चुक खित्‍च्‍ये सिन ङे सुङ मित्ताङ सल्‍लाह माला।

गलाती 1:20

ङे दि गाङे ईन्‍दाते बातकामा टिगीन ओत सिन परमेश्‍वरलाराङ छ्या ओत।

गलाती 2:16

यहूदी ईन्‍सीनोङ परमेश्‍वर नियमला खि साबाते ङेन्‍ला सुङलाङ परमेश्‍वरगी दोषी मेन सिरच्‍येते मेन, खालि येशू ख्रीष्‍टला विश्‍वास खित्‍कान्‍ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्‍येबा ओत। थोगी ङुरूङोङ परमेश्‍वर नियम ङेन्‍नामेई थेकी दाक्‍पोनला दोषी मेन सिओ सिन मिसिरो। बरू येशू ख्रीष्‍टकी खाबाते कामगी खित्‍सादुका थेकी ङुरूङला दोषी मेन सिओ सिन ङुरूङगी येशू ख्रीष्‍टला विश्‍वास खाबाते ईन। च्‍यिला सासीन परमेश्‍वर नियमला खि साबाते ङेन्‍लानी सुङ परमेश्‍वर दोन्‍दु गल्‍ती मिक्‍किकान्‍ते मि ओङाराङ मुथुबो।

गलाती 2:9

परमेश्‍वरगी ङाला दया खाईन दि काम खित्‍च्‍येते जिम्‍मा बिन्‍दाते दुका सिन छ्या स्‍येनामेकी होथे छ्येते मिओन नाङ गाङे भन्‍दा छ्येतेबा ईन सिन साबाते याकूब, पत्रुस थेमे यूहन्‍नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्‍ला काम खिइ सिन सिदुक। दोक खित्‍जीनराङ बारनाबासताङ ङा ज्‍येन ज्‍येन जातकी मिला थेमे थेबाचेन यहूदीओनला गा लाङच्‍येते बात लोप्‍की सिरच्‍येते बातला थेबा डिक्‍सुङ।

गलाती 3:9

थोगी अब्राहामगी च्‍योकराङ खाला थेला विश्‍वास खित्‍कान्‍ते मि गाङेला परमेश्‍वरगी अब्राहामला च्‍योकराङ खाला आशी तेरग्‍यो।

२ तिमोथी 1:11

दि गा लाङच्‍येते बात ज्‍येनला लोप सिन परमेश्‍वरगी ङाला छाने खाबा ओतान। दोक खाईन ङा येशू ख्रीष्‍टकी खटे खाबाते मि ईन्‍देकी थेमे दि बात लोप्‍कान्‍ते मि ईन्‍देकी ङे दि काम खिता फाप्‍क्‍यो।

२ पत्रुस 2:5

दिकामा मेन, थाङबो थे खोरोङगी साबाते मेङेन्‍कान्‍ते मिओनलाङ परमेश्‍वरगी सा लुङबा खाङ भल ग्‍या च्‍युत्‍कीन गाङेला खराप खुरूप सेता ओतान। थेजीन थे खोरोङगी खि साबाच्‍योक खित्‍कान्‍ते थेमे ज्‍येनलाङ थोकराङ खि सिन याङ याङ लोप्‍कान्‍ते नूहला थेमे ज्‍येन मेरा दुईन मिलाकामा थे भलदुई थार च्‍युता ओतान।