१ तिमोथी 2:6 - जिरेल

⁶ मि गाङे पापकी सजाय थे खोरोङगीराङ भोगे खाईन थेचेन मि गाङे लाईदु ज्‍यान बिन्‍गीन स्‍यिसुङ। थेकी थोक खाबाते काम तालाराङ परमेश्‍वरगी मि गाङेला पापकी सजायदुकी टाल्‍ला थे खोरोङताङ डिक ज्‍युता छोल्‍ग्‍यो सिन परमेश्‍वरगी थे खोरोङगी तोके खाबे बेलाला मिओनला छ्या स्‍ये च्‍युत्‍सुङ।

१ तिमोथी 2:6 Iomraidhean Croise

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

मर्कूस 1:15

थेकी थेबाला “मिवे, थाचेन बेला लेप्‍कीन सिन्‍सुङ। था परमेश्‍वर राज्‍य दुरू ओङा खाबा ओत। थोगी ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे गा लाङच्‍येते बात ङेन,” सिन लाप्‍सुङ।

मर्कूस 10:45

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

यूहन्‍ना 6:51

स्‍वर्गनेकी वाबाते नोमुङ मिसिन्‍च्‍येते जुनी ङेत्‍च्‍येते सापचेन ङाराङ ईन। दि साप साकान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो। दि सापचेन ङे जीउराङ ईन। दि सा लुङबे मिओनगी नोमुङ मिसिन्‍च्‍येते जुनी ङेत्‍स्‍यीत सिन ङा ङाराङ ज्‍यान बिन्‍ला स्‍यिइओ” सिन सिदुक।

रोमी 16:26

थाचेन परमेश्‍वरगी मिओनला छ्या स्‍ये च्‍युत्‍कीन बिन्‍दा ओत। दि गा लाङच्‍येते बातकी विषयलाचेन परमेश्‍वर बात खित्‍कान्‍तेबेकीङ गोमाका टिबा ओतान। सधैँ देत्‍कान्‍ते परमेश्‍वरगी दोकराङ ओङस्‍यीत साकीन जात जातकी मिकी थे खोरोङला विश्‍वास खाला थेकी साबाते ङेन्‍स्‍यीत सिन गाङेपा गा लाङच्‍येते बात लाप्‍कीन बिन्‍दा ओत।

रोमी 5:6

चुक सासीन ङुरूङगी परमेश्‍वरगी खि साबाते ङेन्‍गीन लेमु काम खिता थुपा मेतान। दोक खाईन ङुरूङ परमेश्‍वरगी माकेत साबा साबा खिन देता ओते बेलालाराङ ख्रीष्‍ट ङुरूङ लाईदु थे खोरोङ ज्‍यान बिन्‍गीन स्‍यिसुङ। परमेश्‍वरगी तोके खाबाते ठीक बेलाला थे दोक खाईन स्‍या ओतान।

१ कोरिन्‍थी 1:6

ङ्योकोनगी ख्‍योकोनला लाप्‍कीन बिन्‍दाते ख्रीष्‍टकी बात ख्‍योकोनगी लेमु खाईन ङेन्‍सुङ, थे बात ख्‍योकोनगी लेमु खाईन खोबा ओत।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 1:4

दि कलि जुग मिओनगी च्‍योक मेलेबा कामताङ बात खित्‍च्‍ये छ्य्‌वापेई ङुरूङ ठाल्‍स्‍यीत सिन प्रभु येशू ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान। दि गाङे बात ङुरूङ आबा परमेश्‍वरगी खिता चाला च्‍योकराङ खाईन ओङा ओतान।

गलाती 4:4

तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।

एफिसी 1:17

ङुरूङ प्रभु येशू ख्रीष्‍टते परमेश्‍वरगी थे खोरोङ चुक्‍ते ईन्‍दे थेमे चुक अचम्‍ब खाला काम खिन ओते सिन खोबाला ख्‍योकोनला बुद्धि तेरस्‍यीत सिन ङा प्रार्थना खिओ। परमेश्‍वरचेन छ्येज्‍यीक शक्ति ओताते आबा ईन।

एफिसी 1:7

थेमे ङुरूङला पापकी सजायदुकी डेलाला थेकी ख्रीष्‍टला स्‍याप्‍ला दुरू ताङसुङ। ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु थेकी ङुरूङगी खाबाते पाप गाङे माफ बिन्‍दा ओत। थे खोरोङ आउदी खाला दया खित्‍कान्‍ते ईन्‍देकी

एफिसी 3:5

थे बात च्‍यि ईन्‍दे सिन परमेश्‍वरगी गोमे मि सुङलाङ छ्या स्‍ये च्‍युता मेतान। थाचेन थेकी येशू ख्रीष्‍टकी खटे खाबाते मिओन थेमे थे खोरोङ बात खित्‍कान्‍ते मिओनला थे बात च्‍यि ईन्‍दे सिन थे खोरोङ आत्‍मे छ्य्‌वापेई छ्या स्‍ये च्‍युत्‍कीन बिन्‍दा ओत।

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

२ थिस्‍सलोनिकी 1:10

थेला विश्‍वास खित्‍कान्‍ते थे खोरोङ मिओनगीचेन गाङेकी प्रभु येशू ग्‍युरला ओङे छोमु थेकी खोपरोङला थोई लेमु खासुङा सिन थेते जय जय खिओ। ङ्योकोनगी लापाते गा लाङच्‍येते बात ङेन्‍देकी खित्‍सादु थे छोमु प्रभु येशूला थोक खित्‍कान्‍ते मिओन नाङ ख्‍योकोनोङ ओङगो।

१ तिमोथी 6:15

परमेश्‍वरगी तोके खाबे बेलालाराङ प्रभु येशू ख्रीष्‍ट ग्‍युरला ओङगो। परमेश्‍वरचेन जेसुकै ओत्‍कान्‍ते ईन। सा नाम खाङ गाङेपा राज्‍य खित्‍कान्‍ते थेकामा ईन। थे गेल्‍बोओनतेङ गेल्‍बो थेमे गाङे छ्येतेबेतेङ छ्येते ईन।

२ तिमोथी 1:8

थोक ईन्‍देकी ज्‍येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्‍याक्‍पा ओत्‍सीनोङ खो छ्याःङ ङोचा माकेत। बरू थे गा लाङच्‍येते बात लोप्‍जीन खुईङ ङे च्‍योकराङ खाला दुक्‍पा भोगे खिता फाप्‍च्‍या दुक सासीनोङ थोकराङ खि। थोक खिताला परमेश्‍वरगीराङ खोल्‍ला थे खोरोङ शक्ति तेरग्‍यो।

तीतस 1:3

थाङबोका साबाते बात परमेश्‍वरगी थे खोरोङगी तोके खाबे बेलाला लोप च्‍युत्‍कीन मिओनला छ्या स्‍ये च्‍युत्‍सुङ। ङुरूङला पापदुकी डेल्‍कान्‍ते परमेश्‍वरगीराङ दि बात च्‍यि ईन्‍दे सिन ज्‍येन मिओनला लोप सिन ङाला दि कामगी जिम्‍मा बिन्‍दा ओत।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 9:12

थे ठाउँदु स्‍यूक्‍जीन थेचेन ज्‍येन पूजारी च्‍योक रोबोताङ फौकी ठाक खुरगीन स्‍यूबाते मेन। था नोमुङ थोक खिता माफाप्‍च्‍या खाईन थेनी थे खोरोङ स्‍यिजीन थे खोरोङ जीउदुकी थेन्‍दाते ठागी खित्‍सादु मि पूरो खाला पापदुकी ठाल्‍च्‍येते लाम जोकीन परमेश्‍वर देत्‍सादु स्‍यूबा ओत।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

१ यूहन्‍ना 4:10

परमेश्‍वरगी ङुरूङला ङिङज्‍ये खाबाते सिराते च्‍यि ईन्‍दे सासीन ङुरूङगी थेला ङिङज्‍ये खाबाते मेन, थेकीका ङुरूङला ङिङज्‍ये खासुङ। चुक सासीन ङुरूङ पाप माफ तेरा थुप्‍स्‍यीत सिन ङुरूङगी खाबाते पापकी सजाय भोगे खाला स्‍याप्‍ला थेकी थे खोरोङ फुज्‍युङला देमा ताङाते ईन।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,