१ तिमोथी 2:4 - जिरेल

⁴ मि सुङगीङ पापकी सजाय भोगे खिता माफाप्‍स्‍यीत थेमे गाङेकी सत्‍यते बात छ्या स्‍येला ङेन्‍स्‍यीत सिरच्‍येते परमेश्‍वर सेम ओत।

१ तिमोथी 2:4 Iomraidhean Croise

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

मर्कूस 16:15

थेमे थेकी थेबाला “लो थाचेन सा लुङबा खाङ गाङेपा गाल्‍ला गाङेपे मिला गा लाङच्‍येते बात लोप।

लूका 1:77

दिकी चुक खिते सासीन प्रभु परमेश्‍वरगी थे खोरोङ मि सिन छाने खाबातेबाला था थेबेकी खाबाते पाप माफ बिन्‍ला पापकी सजायदुकी डेल्‍ग्‍यो सिन लोप्‍क्‍यो।

लूका 14:23

धनीतेकी थेला ‘लो याङराङ ग्‍युक। दि खाम्‍बा माखाङ थुपथुप युल युलला थेमे फार छुर जहाँसुकैपा गाल्‍ला मिओनला काताङला द्वामाराङ टीला खोरच्‍योक।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 17:17

सत्‍यते बात ङेन च्‍युत्‍ला दिबे सेम खुदुक जोला खुई दिबाला खोल्‍ला मन परे खित्‍च्‍येते कामताङ बातकामा खित छ्युत। सत्‍यते बातचेन खुई बातराङ ईन।

यूहन्‍ना 6:37

आबेकी ङे जिम्‍माला तेरच्‍येते मि जति गाङे ङे छ्य्‌वापा लै खिओ। थोक खित्‍कान्‍ते सुङलाङ ङा ङे छ्य्‌वापा माङ सिन नोमुङ मिसिरो।

रोमी 11:14

च्‍यिला सासीन ङे ज्‍येन ज्‍येन जातकी मि नाङ दि काम खित्‍जीन परमेश्‍वरगी थेबालाका लेमु खाबा थोङला ङेराङ जातकी मिओनला स्‍येदाङ लाङस्‍यीत। थोक ओङला थेबा दोक्‍पोई ङिकीकामा ईन्‍सीनोङ गा लाङच्‍येते बात ङेन्‍ला परमेश्‍वरगी तेरच्‍येते पापकी सजायदुकी थारस्‍यीत सिरच्‍येते ङेते सेम ओत।

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।

२ तिमोथी 2:25

थेकीचेन थे खोरोङगी लोप्‍च्‍येते बातताङ मिडिक्‍च्‍येते बात खित्‍कान्‍ते मिओनताङ खा छ्येत लेमुकीराङ थेबेकी चुक्‍ते बात लोपा फाप्‍च्‍येते ईन्‍दे सिन लाप्‍ला तेरा फाप्‍क्‍यो। परमेश्‍वरगी थेबाला खोपरोङगी चुक मेलेबा खाबा ओता ईन्‍दाका सिन छ्या स्‍येच्‍येते मौका तेरगीतासीन सिन थेमे थेबेकी सत्‍यते बात च्‍यि ईन्‍दाका सिन लेमु खाला छ्या स्‍येकीतासीन सिन थेबाला होदोक खाला लाप्‍ला तेरा फाप्‍क्‍यो।

२ तिमोथी 3:7

थेबेकी ज्‍येनगी लापाते बात जहिलेङ छ्या स्‍येबा छोल्‍ग्‍यो। थोक ईन्‍सीनोङ सत्‍यते बात च्‍यि ईन्‍दे सिन नोमुङ छ्या स्‍येबा मुथुबो।

तीतस 1:1

दि चिट्ठी टिक्‍कान्‍ते ङा पावल ईन। ङा परमेश्‍वर काम खित्‍कान्‍ते मि ईन। थेमे ङा येशू ख्रीष्‍टकी खटे खाबाते मिङ ईन। परमेश्‍वरगी थे खोरोङ मि सिन छाने खाबाते मिओनगी झन लेमु खाला थेला विश्‍वास खिता थुप्‍स्‍यीत थेमे सत्‍यते बात लेमु खाला छ्या स्‍येला झन थेला लेमु खाला माने खिता थुप्‍स्‍यीत सिन थेबाला लाप्‍ला कोत्‍ला तेरच्‍येते जिम्‍मा ङाला बिन्‍दा ओत।

तीतस 2:11

येशू ख्रीष्‍ट मिओनगी होदोक दोक खिता फाप्‍क्‍यो। च्‍यिला सासीन परमेश्‍वरगी मि गाङेला पापकी सजायदुकी डेलाला दया खाईन येशू ख्रीष्‍टला देमा ताङा ओत।

हिब्रू 10:26

येशू ख्रीष्‍टकी थे खोरोङ ज्‍यानराङ बिन्‍गीन दाक्‍पोनला पापकी सजाय छ्य्‌वापेई टाला ओत सिरच्‍येते सत्‍यते बात छ्या स्‍येनामेकीङ पाप खिता छ्याःङ मेन सिराच्‍योक खाला ङुरूङगी पाप खिनराङ देत्‍सीन थोक खाईन खाबाते पाप माफ ओङाला था भोग तेरच्‍येते छ्याःङ मेत, ख्रीष्‍टकी खित्‍च्‍येतेङ छ्याःङ मेत।

याकूब 3:14

तर ख्‍योकोनगी ज्‍येनला आउदी खाला डार खित्‍च्‍येते थेमे दाक्‍पोनकामा छ्ये ओङा छोल्‍च्‍येते खासुङ सासीन खेराङ आउदी बुद्धि ओताते मि ईन सिन छ्ये माकेत। खेराङताङ बुद्धि ओत सिन ख्‍योकोनगी साँचोते बात खाबाते मेन।

२ पत्रुस 3:9

मि कोई कोईकी परमेश्‍वरगी खिओ साबाते बात थेकी खोले खोलेकामा खिओ सिन विचार खिदुक। तर बात दोक मेन। मि सुङ नरककुण्‍डमा स्‍यूक्‍पा माफाप्‍स्‍यीत, बरू थेबा गाङेकी खोपरोङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनकामा सजाय मेतेरा खाईन थे गुकीन देताते ईन।

२ यूहन्‍ना 1:1

ङा येशू ख्रीष्‍ट मिओनला ताकान्‍ते छ्येते मिज्‍यीक ईन। दि चिट्ठी ङा परमेश्‍वरगी छाने खाबाते फेम्‍मे मि खोत्ताङ खुई फुज्‍युङ फुमुला टिगीन ओत। खेकीकामा मेन्‍देकी ङा ख्‍योकोनला पक्‍काराङ ङिङज्‍ये खिओ। ङेकामा मेन, सत्‍यते परमेश्‍वरला छ्या स्‍येकान गाङेकी ख्‍योकोनला ङिङज्‍ये खिओ।

छ्या स्‍ये च्‍युताते बात 14:6

थेरूई याङराङ ङे नामगी चेनापा फुरगीन ओताते परमेश्‍वर दूतज्‍यीकला थोङसुङ। थेचेन दि सा लुङबा खाङ ओताते लुङबा लुङबेते, थर थरगीते, खुदुक खुदुक भाषेते थेमे जात जातकी मिला गा लाङच्‍येते बात सिराला ओङगीन ओतान। दि गा लाङच्‍येते बातचेन नोमुङ खुदुक मोन्‍डोओ, सधैँभरि थोकराङ देत्‍क्‍यो।