१ तिमोथी 2:3 - जिरेल

³ दोक खाला प्रार्थना खित्‍च्‍येते लेमु ईन। होदोक खाला प्रार्थना खित्‍जीन ङुरूङला पापदुकी डेल्‍कान्‍ते परमेश्‍वरला गा लाङगो।

१ तिमोथी 2:3 Iomraidhean Croise

लूका 1:47

पापताङ दुक्‍पादुकी डेल्‍कान्‍ते थेराङ ईन्‍देकी ङाला आउदी गा लाङगीदुक।

रोमी 14:18

होदोक दोकराङ खिन ख्रीष्‍टला माने खित्‍कान्‍ते मिओनताङचेन परमेश्‍वर खुशी ओङगो। दोक्‍ते मिओनला ज्‍येनगीङ लेमु मि ईन सिन सिओ।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

फिलिप्‍पी 4:18

ख्‍योकोनगी इपाफ्रोडिटस लाःक्‍तु ताङाते पैसा ङे गाङे ङेत्‍सुङ। था ङे लाःक्‍तु ङाराङला गोबा भन्‍दाङ ल्‍हाक्‍पा पैसा ओत। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्‍योकोनगी ङाला ताङाते पैसाङ परमेश्‍वरला स्‍यीम्‍बु लाङच्‍येते होथे ठीमा च्‍योक्‍तेराङ ईन।

कलस्‍सी 1:10

प्रभु येशू मिकी चुक खिता फाप्‍कीते सिन छ्या स्‍येला ख्‍योकोनगी थोकराङ खित्‍स्‍यीत, काम बात जे खासीनोङ थेला मन परे मिक्‍किच्‍येते सिराते छ्याःङ मिक्‍किस्‍यीत बरू झन झन लेमुते कामकामा खित्‍स्‍यीत थेमे परमेश्‍वर सु ईन्‍दे, चुक्‍ते ईन्‍दे सिन झन लेमु खाला छ्या स्‍येस्‍यीत सिन ङ्योकोन दोक खाला प्रार्थना खिओ।

१ थिस्‍सलोनिकी 4:1

आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।

१ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। थेकी खटे खाबाते मिकी खिता फाप्‍च्‍येते काम खितालाचेन ङुरूङला पापदुकी डेल्‍कान्‍ते परमेश्‍वर थेमे था तिरी ग्‍युरला ओङगो सिन ङुरूङ आश खाईन गुकीन देता ओताते येशू ख्रीष्‍टकीराङ ङाला कोताते ईन।

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।

१ तिमोथी 5:4

थोक्‍ते मिते फुज्‍युङ फुमु कि नाता नातिनी ओत्‍सीन होथेबेकीराङ खोपरोङ गोम्‍मु कि आमाला ताच्‍येते खोपरोङ काम ईन सिन लेमु खाला ता फाप्‍क्‍यो। थेबेकी थोक खाईन ताबाते खोपरोङ आबा आमे गुन च्‍यालाते ईन। दोक खाबाते परमेश्‍वरला गा लाङगो।

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।

हिब्रू 13:16

थेमे दोक्‍पोईकी ज्‍येनज्‍यीकला लेमु खित्‍च्‍येतेताङ ज्‍येनताङ गोला साच्‍येते खिन देत। थेला मन परे खित्‍च्‍येते भोग बिन्‍दा च्‍योक्‍तेचेन होदोक दोक खित्‍च्‍येते ईन।

१ पत्रुस 2:20

तर खेराङगी काम ङ्ये च्‍युतेकी खित्‍सादु दुताक ङेत्‍जीन खानामा ऊ मनेराङ मेदेन्‍दा खाईन देत्‍सीनोङ दि च्‍यि अचम्‍बे बात ईन्‍देरो। थोक मेन्‍गीन दाक्‍पोन काम लेमु खिन खिन थाराङराङ दुताक ङेत्‍जीन छ्याःङ मिसिरा खाईन देत्‍सुङ सासीन परमेश्‍वरगी ख्‍योकोनगी लेमु खासुङ सिन सिओ।

१ पत्रुस 2:5

परमेश्‍वरगी जुनी बिन्‍दाते ख्‍योकोनोङ दो च्‍योक्‍तेराङ ईन। दोक्‍ते दोई छ्य्‌वापेई परमेश्‍वरगी थे खोरोङ आत्‍मा देत्‍च्‍येते मन्‍दिर जोच्‍येते ईन्‍देकी ख्‍योकोनगी थेला मेङगो मिसिरा खाला थोक खित छ्युत। दोक ओङनामेई ख्‍योकोनगी परमेश्‍वरला मन परे खित्‍च्‍येतेबा चढे खित्‍कान्‍ते पूजारी ओङला थेला मन परे खित्‍च्‍येते काम खिता थुप्‍क्‍यो। दोकचेन ख्‍योकोनगी येशू ख्रीष्‍टकी खाबाते कामगी खित्‍सादु खिता थुप्‍क्‍यो।