१ तिमोथी 2:2 - जिरेल

² थेमे छ्याःङ गोलमाल मायाङला ङुरूङगी परमेश्‍वरला माने खिन थेमे थेला मन परे खित्‍च्‍येते काम खिन लेमु खाला देता ङेत्‍स्‍यीत सिन झन गेल्‍बोओनताङ लुङबे छ्ये छ्ये मि लाईदुङ प्रार्थना खिता फाप्‍क्‍यो।

१ तिमोथी 2:2 Iomraidhean Croise

लूका 1:6

थेबा जाप्राङ ङिकाराङ प्रभु परमेश्‍वर नियम गाङे लेमु खाला ङेन्‍गीन ओतान। दोक खाला थेबा ङिबोचेन परमेश्‍वरला मन परे खित्‍च्‍येते काम खिन ओतान।

लूका 2:25

यरूशलेमदु शिमियोन सिराज्‍यीक मि ओतान। थे परमेश्‍वरगी खि साबा साबा च्‍योकराङ खाला थेला आउदी खाला माने खित्‍कान्‍ते मि ओतान। इस्राएलीओनला पापताङ दुक्‍पादुकी डेल्‍कान्‍ते नाम ओङगीताका सिन थे गुकीन देता ओतान। थेकी परमेश्‍वर आत्‍मा ङेता ओतान।

शक्ति काम 10:22

थेमे थेबा सुमबोकी “मिल्‍टेरी क्‍याप्‍टेन कर्नेलियसकी खोल्‍ला लाला खोरच्‍योक सिन ङ्योकोनला देपा ताङसुङ। थे परमेश्‍वरला आउदी खाला माने खित्‍कान्‍ते लेमु मि ईन। थेला यहूदीओनगीङ गाङेकी मन परे खाला दुक। खोल्‍ला थे खाम्‍बापा लाला खुलाला च्‍याला खुई साबाते बाततेबा ङेन सिन थेला परमेश्‍वर दूतज्‍यीगी सिदुक्‍लो। थोगी ङ्योकोन खोल्‍ला लिन्‍दाला देपा वाबाते ईन,” सिन सिदुक।

शक्ति काम 24:16

ङीमाई पक्‍काराङ दोक ओङगो सिन ङा दि जुनीला थुपासम्‍म जहिलेङ परमेश्‍वरगी साबा साबा च्‍योकराङ खित्‍च्‍येते थेमे ज्‍येनला लेमु ओङच्‍येते कामकामा खिता छोल्‍ग्‍यो।

रोमी 12:18

ज्‍येनगी जस्‍तो खासीनोङ थुपासम्‍म ख्‍योकोनचेन थेबाताङ डिक्‍ला थुन्‍लाराङ देत।

फिलिप्‍पी 4:8

थोगी बात चुक सासीन आज्‍यो न्‍वावे, ख्‍योकोनगी लेमुते थेमे खिता ओङच्‍येते कामताङ बातकीतेकामा विचार खि। चुक सासीन ख्‍योकोनगी साँचोते बातकामा खित्‍च्‍येते, लेमुते कामताङ बातकामा खित्‍च्‍येते, अन्‍याय मिक्‍किच्‍येते, मेलेबाते कामताङ बात छ्याःङ मिक्‍किच्‍येते, लेमु लाङच्‍येते थेमे मि सेमला डोच्‍येते कामताङ बातकीतेकामा विचार खि।

१ थिस्‍सलोनिकी 4:11

थेमे ङ्योकोनगी गोमाका साबा च्‍योकराङ ख्‍योकोनगी च्‍यि खित्‍च्‍ये छ्य्‌वापा स्‍येत खिसे सासीन ख्‍योकोनगी दाक्‍पोन दाक्‍पोन लाक रेरे खि। ज्‍येनला लोप्‍च्‍येते कोत्‍च्‍येते छ्याःङ खाँचो मेत्‍सीनोङ थेबाला दोक खि, थोक खि सिन लोपा कोता चाल्‍ला दुक्‍पा मातेर। दाक्‍पोन दाक्‍पोन पाखुरा चले खाला सो।

हिब्रू 12:14

थुपासम्‍म ख्‍योकोन ज्‍येन गाङेताङ डिक्‍ला थुन्‍ला देत। सेम खुदुक गालाते मिओनगी खिता फापा च्‍योकराङ परमेश्‍वरला मन परे खित्‍च्‍येते कामताङ बातकामा खि। दोक मिक्‍किकान्‍ते सुङगीङ प्रभु परमेश्‍वरला थोङा मेङेदो।