१ तिमोथी 2:1 - जिरेल

¹ थेमे गाङे भन्‍दा गोमा था ङा च्‍यि सिते सासीन संगति खित्‍जीन येशू ख्रीष्‍ट मिओनगी परमेश्‍वरला प्रार्थना खिता फाप्‍क्‍यो। प्रार्थना खित्‍जीन थेबेकी च्‍यि च्‍यि गोकीका परमेश्‍वरला नाङ सिरा फाप्‍क्‍यो। ज्‍येन ज्‍येन मि लाईदुङ प्रार्थना खिता फाप्‍क्‍यो। परमेश्‍वरगी खाबाते कामगी लाईदु थेला धन्‍यवाद सिरा फाप्‍क्‍यो। थोक खाला मि गाङे लाईदु प्रार्थना खिता फाप्‍क्‍यो।

१ तिमोथी 2:1 Iomraidhean Croise

शक्ति काम 17:30

ईन्‍दानी मिओनगी थे सु ईन्‍दे, चुक्‍ते ईन्‍दे सिन लेमु खाईन छ्या मास्‍येकीन मूर्तितेबा जोकीन थेला माने खासीनोङ थातासाक थेकी सजाय माबिन्‍सुङ। थाचेन थेकी गाङेपा मि गाङेला खोपरोङ पापी दुका सिन छ्या स्‍येला थे छ्य्‌वापा लै खि सिन साबा ओत।

रोमी 1:8

गोमाचेन ङा येशू ख्रीष्‍ट छ्य्‌वापेकी ख्‍योकोन गाङे लाईदु परमेश्‍वरला धन्‍यवाद सिओ। च्‍यिला सासीन ख्‍योकोन येशूला विश्‍वास खित्‍कान्‍ते मि ईन सिन गाङेपे मिला छ्या दुक।

रोमी 6:17

गोमा ख्‍योकोन पापकी योक्‍पो च्‍योकराङ ओता ईन्‍सीनोङ थाचेन ख्‍योकोनगी खेराङला लापाते परमेश्‍वर बात सत्‍यते दुका सिन लेमु खाईन ङेन्‍गीन थेरू खि साबा च्‍योकराङ खिताला स्‍यूसुङ। ख्‍योकोन दोक खुदुक गालाते बातकी लाईदु परमेश्‍वरला धन्‍यवाद तेरगी।

१ कोरिन्‍थी 15:3

थेजीन ङे ख्‍योकोनला गाङे भन्‍दा छ्येते बात दिराङ ईन सिन ङाराङगी छ्या स्‍येबाते बात लाप्‍कीन बिन्‍दा ओत। च्‍यि सासीन परमेश्‍वर बातला गोमाका साबा च्‍योकराङ खाईन ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान,

२ कोरिन्‍थी 8:6

थेबेकी थोक खाबा थोङनामेई ङ्योकोनगी तीतसला खेराङगी जम्‍मा खिताला स्‍यूबाते पैसा जम्‍मा खाला सिन्‍दा खि सिन सिराला ख्‍योकोन ओत्‍सापा ग्‍युक सिन साबाप। ज्‍येनला मद्धत तेराला सिन ख्‍योकोन नाङ पैसा जम्‍मा खिताला शुरू खित्‍कान्‍ते थेराङ ईन सिन ङ्योकोनगी सिरा माफाप्‍तासीन।

एफिसी 3:13

दोक ईन्‍देकी ओर्च्‍ये, ख्‍योकोन लाईदु काम खित्‍जीन ङे जेलदु देत्‍कीन दुक्‍पा भोगे खिता फापा ओत्‍सीनोङ ख्‍योकोन सेम मासेत। ङे दोक खाईन दुक्‍पा भोगे खाबातेनी ख्‍योकोनला लेमु ओङालाराङ ईन।

एफिसी 5:20

थेमे जस्‍तो ओङसीनोङ जहिलेङ आबा परमेश्‍वरगी खाबाते कामगी लाईदु प्रभु येशू ख्रीष्‍ट छ्य्‌वापेई थेला धन्‍यवाद सि।

एफिसी 6:18

दोक दोक खित्‍जीन परमेश्‍वरताङ प्रार्थना खिनराङ देत। परमेश्‍वर आत्‍मे छ्य्‌वापेकी जहिलेङ थेत्ताङ प्रार्थना खिन देत्‍ला खेराङला च्‍यि च्‍यि गोकीका नाङ सि। थोक खाला प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि। प्रार्थना खित्‍जीन परमेश्‍वर सन्‍तान गाङे लाईदु प्रार्थना खिताङ नोमुङ मातोङ।

फिलिप्‍पी 1:3

ख्‍योकोनला सम्‍झे खाला प्रार्थना खित्‍जीन जहिलेङ ङा ख्‍योकोन लाईदु ङे माने खिन ओताते परमेश्‍वरला धन्‍यवाद तेरग्‍यो।

फिलिप्‍पी 4:6

थेमे छ्याःङ बातलाङ पीर माकेत। पीर मिक्‍किता खाला बरू दुक्‍पा किम्‍मु जस्‍तो ओङजीनोङ परमेश्‍वरला प्रार्थना खि। खेराङला च्‍यि गोकीका थेला नाङ सि। थोक खित्‍जीन खेराङला लेमु खाबे लाईदु थेला धन्‍यवाद सिरा नोमुङ टोक माज्‍येत।

१ थिस्‍सलोनिकी 3:12

थेमे ङ्योकोनगी ख्‍योकोनला झन झन ङिङज्‍ये खिताच्‍योक खाला ख्‍योकोनगीङ दाक्‍पोन नाङ थेमे ज्‍येन मि गाङेला झन झन ङिङज्‍ये खिताला प्रभु येशूकी शक्ति तेरस्‍यीत।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

१ तिमोथी 2:4

मि सुङगीङ पापकी सजाय भोगे खिता माफाप्‍स्‍यीत थेमे गाङेकी सत्‍यते बात छ्या स्‍येला ङेन्‍स्‍यीत सिरच्‍येते परमेश्‍वर सेम ओत।

१ तिमोथी 5:5

ख्‍योबो स्‍यिइन ताकान सुङ मेत्‍कीन पक्‍काराङ दुक्‍पा ङेताते फेम्‍मे मिचेन परमेश्‍वरगी थे मोरोङला तेइओ सिन ङीन नुप थेत्ताङ प्रार्थना खिन देत्‍क्‍यो।

२ तिमोथी 2:24

प्रभु येशू ख्रीष्‍ट काम खित्‍कान्‍ते मिकी ज्‍येनताङ थोम्‍मु जीङगा खिता मेङगो। बरू गाङेताङ खा छ्येत लेमु खाला बात खिता फाप्‍क्‍यो, ज्‍येनला लेमु खाला लोपा थुप्‍कानज्‍यीक ओङा फाप्‍क्‍यो थेमे ज्‍येनगी जे खासीनोङ स्‍येदाङ खुरा मेङगो।

तीतस 2:11

येशू ख्रीष्‍ट मिओनगी होदोक दोक खिता फाप्‍क्‍यो। च्‍यिला सासीन परमेश्‍वरगी मि गाङेला पापकी सजायदुकी डेलाला दया खाईन येशू ख्रीष्‍टला देमा ताङा ओत।

तीतस 3:2

थेबेकी मेन्‍दे बातला सुङलाङ दोष लै खिता मेङगो, गाङेताङ डिक्‍ला थुन्‍ला देता फाप्‍क्‍यो, सुङताङ स्‍येदाङ मिक्‍किता खाला गाङेताङ खा छ्येत लेमु खिता फाप्‍क्‍यो सिन सि।

हिब्रू 6:11

स्‍यि स्‍यिसाकराङ ख्‍योकोन गाङेकी दोकराङ खिन देत्‍स्‍यीत सिरच्‍येते ङ्योकोन सेम ओत। दोक खिनराङ देत्‍सीन परमेश्‍वरगी खेराङला तेरग्‍यो सिन साबातेबा पक्‍काराङ ङेत्‍क्‍यो सिन ख्‍योकोनगी आश खाईन गुकीन देतातेबा गाङे ङेत्‍क्‍यो।

याकूब 5:16

दोक ईन्‍देकी ख्‍योकोनगी ङे दि पाप खाबाप, थे पाप खाबाप सिन दाक्‍पोन नाङ दोक्‍पोईकी ज्‍येनज्‍यीकला लोःप। थेमे खेराङ ठाक्‍स्‍यीत सिन दोक्‍पोईकी ज्‍येनज्‍यीक लाईदु प्रार्थना खि। परमेश्‍वरगी खि साबाते ङेन्‍कान्‍ते मिकी प्रार्थना खानामेकी छ्ये छ्ये काम ओङा थुप्‍क्‍यो।