१ तिमोथी 1:7 - जिरेल

⁷ थेबाचेन खोपरोङ परमेश्‍वर नियम लोप्‍कान्‍ते गुरू ईन खिदुक। थेमे खोपरोङला थे नियम आउदी लेमु खाला छ्या ओताच्‍योक खाला लोप्‍कीदुक। थोक खाईन लाप्‍सीनोङ खोपरोङगी च्‍यि बात लापे सिन खोपरोङलाराङ छ्या मिन्‍दुक। थेमे खोपरोङगी लोप्‍च्‍येते बात दोक दोक ईन सिन खोपरोङगीराङ खोबा मिन्‍दुक।

१ तिमोथी 1:7 Iomraidhean Croise

मत्ती 15:14

दोक ईन्‍देकी थेबा जेसुकै खित्‍स्‍यीत। खेराङ खाराक्‍पा देत। थेबेकी खोपरोङला परमेश्‍वर नियम छ्या मेस्‍येकान अन्‍ध च्‍योक्‍ते मिओनला थे नियम लोप्‍कान्‍ते मि ईन खिदुक। ईन्‍दालाचेन थेबा खोपरोङका होथोक्‍ते अन्‍ध च्‍योक्‍ते ईन। च्‍यि अन्‍धेकी ज्‍येनज्‍यीक अन्‍धला खइँसाला टीला खेरा चाल्‍सीन ङिकाराङ गाराम गुरूम मिरिलोतरो?” सिन सिदुक।

मत्ती 21:27

थोगी ज्‍येनतोक छ्याःङ सिरा माथुपेई थेबेकी येशूला “थेला थोक खि सिन सुई ताङाते ईन्‍दे सिन ङ्योकोनला छ्याःङ छ्या मेत,” सिन सिदुक। थेमे थेकीङ “थोक सासीन दुरू दोक खित्‍च्‍येते अधिकार ङाला सुई बिन्‍दाते ईन्‍दे सिन ङाङ ख्‍योकोनला मिसिरो।

लूका 2:46

थेमे छोल्‍गीन छोल्‍गीन डोजीन ङीमा सुमगी छोमु थेबेकी येशूला परमेश्‍वर मन्‍दिरदु थेप्‍सुङ। थेरू थे यहूदी धर्मे गुरूओनताङ देता ओतान। थेबेकी लोप्‍कीन ओताते बात ङेन्‍गीन थेमे थेबालाङ बात ठिइनकामा येशू थेरू देता ओतान।

शक्ति काम 15:1

थेमे यहूदिये अञ्‍चलपेकी कोई कोई मि एन्‍टिओखियादु लेप्‍सुङ। थेरू लेप्‍कीन थेबेकी थेरू आज्‍यो न्‍वाओनला “ख्‍योकोनगीङ मोशेकी ङ्योकोन यहूदीओनला जीउला जो साबाते खतकी चिनु ज्‍वा फाप्‍क्‍यो। थे चिनु माजोसीनचेन परमेश्‍वरगी ख्‍योकोनला पापदुकी मेडेलो,” सिन लोपाला स्‍यूसुङ।

रोमी 1:22

थेबेकी खोपरोङगी जे बादोङ छ्या स्‍येक्‍यो, जेङ खिता थुप्‍क्‍यो सिराला स्‍यूनामेई थेबा झन सो साकान पशु च्‍योकराङ डुइन गाल्‍सुङ।

गलाती 3:2

लो ख्‍योकोनगी ङाला दि बातज्‍यीककामा सिते ओना। ख्‍योकोनगी परमेश्‍वर आत्‍मा ङेताते चुक खाईन ईन्‍दे? परमेश्‍वर नियमला खि साबाते ङेन्‍गीन ईन्‍दाना ख्‍योकोनला लापाते बात ङेन्‍गीन येशू ख्रीष्‍टला विश्‍वास खाईन ईन्‍दे?

गलाती 3:5

थेमे परमेश्‍वरगी ख्‍योकोनला थे खोरोङ आत्‍मा तेरगीन देत्‍च्‍येते थेमे ख्‍योकोन नाङ अचम्‍ब अचम्‍बते काम खित्‍च्‍येते ख्‍योकोनगी परमेश्‍वर नियमला खि साबाते ङेन्‍देकी खित्‍सादु ईन्‍दाना खेराङला लापाते बात ङेन्‍गीन येशू ख्रीष्‍टला विश्‍वास खिन ओतेकी ईन्‍दे?

गलाती 4:21

ख्‍योकोनला परमेश्‍वर नियमला खि साबा साबा ङेन्‍ला थे नियम अधीनला देता सेम लाङगीदुक मेन ओना? थोक ईन्‍सीन ख्‍योकोनगी ङाला दि बातज्‍यीक सिते ओना। च्‍यि ख्‍योकोनगी थे नियमला साबाते बात गाङे लेमु खाईन खोबा ओत?

१ तिमोथी 6:4

थोक्‍ते मिओनगी गाङे बात छ्या ओताच्‍योक खाईन छ्ये खासीनोङ थेबेकीनी च्‍यि बात चुक ईन्‍दे सिन छ्याःङ खोबा मेङगो। थेबेकीचेन टेकाटेउरी स्‍योरच्‍येते छ्याःङ काम लै मिक्‍किच्‍येते बातकामा देन्‍दा चाल्‍ला होथोक्‍ते बातकामा छोल्‍गीन ख्‍याम्‍ग्‍यो। थोक्‍ते बात खित्‍जीन खालि स्‍येदाङ लाङच्‍येते, डिक्‍ला थुन्‍ला देता मुथुप्‍च्‍येते, मि मोत्‍च्‍येते, शंका खाला ईनराङ मेन्‍दे दोष लै खित्‍च्‍येते

२ तिमोथी 3:7

थेबेकी ज्‍येनगी लापाते बात जहिलेङ छ्या स्‍येबा छोल्‍ग्‍यो। थोक ईन्‍सीनोङ सत्‍यते बात च्‍यि ईन्‍दे सिन नोमुङ छ्या स्‍येबा मुथुबो।

याकूब 3:1

आज्‍यो न्‍वावे, ज्‍येनला परमेश्‍वर बात लोप्‍कान्‍ते मि ओङाला ख्‍योकोन थोप्‍सुम माकेत। ज्‍येनला परमेश्‍वर बात लोप्‍कान ङ्योकोनला परमेश्‍वरगी झन कडा खाला न्‍याय खिओ सिन ख्‍योकोनला छ्याराङ ओत।

२ पत्रुस 2:12

परमेश्‍वर बातताङ मिडिक्‍च्‍येते बात लोप्‍कान्‍ते मिओनगीचेन खोपरोङगी माखोबाते बात गाङे ठट्टाला पुरग्‍यो। थेबा सो साकान्‍ते पशु च्‍योकराङ ईन। सेता सेम लाङजीन पशुतेबा ग्‍याङ सेताच्‍योक खाला होथेबालाङ परमेश्‍वरगी सजाय बिन्‍ला नरककुण्‍डमा लुक्‍यो।