१ तिमोथी 1:6 - जिरेल

⁶ होदोक दोक खिता ताङगीन थेबा खालि छ्याःङ काम लै मिक्‍किच्‍येते बातकामा खाला दिन तोङगीन दुक।

१ तिमोथी 1:6 Iomraidhean Croise

मत्ती 18:12

थेमे सुइँदा लुई गोठालेते लुक सयज्‍यीक नाङ दोक्‍पोई तोरसीन थेकी चुक खिते सिन ख्‍योकोनला छ्या ओत मेन? थोक ओङसीन थेकी ओतातेबरीला पाङगी नाङलाराङ चरनला ज्‍याक्‍ला च्‍याला तोराते लुक छोल डुइओ मेन?

१ तिमोथी 5:15

थोक्‍ते फेम्‍मे मि नाङ कोई कोई येशू ख्रीष्‍टला विश्‍वास खिता ताङगीन शैतान छ्य्‌वापा लै खाबेकी खित्‍सादु ङे दि बात साबाते ईन।

२ तिमोथी 2:18

थेबा ङिबोकीचेन सत्‍यते बात ङेन्‍दा ताङगीन परमेश्‍वरगी थे खोरोङ मिओनला सोम्‍बो लोक्‍च्‍येते काम खाईन सिन्‍दा ओत सिन लोप्‍कीदुक। थेबेकी दोक्‍ते मेन्‍दाते बात लापेकी येशूला विश्‍वास खित्‍कान्‍तेबा कोई कोईकी सत्‍यते बात ङेन्‍दा तोङगीन दुक।

२ तिमोथी 4:10

डेमासकीचेन दि जुनी बातकामा विचार खाईन ङाला ताङगीन थिस्‍सलोनिकापा गाल्‍सुङ। ज्‍येन ङात्ताङ ओतातेबे नाङ क्रेसेन्‍सचेन गलातिये अञ्‍चलपा थेमे तीतसचेन दलमातियापा गाला ओत।

तीतस 1:10

थरिङोला थेपा थोक खाला ङेन्‍दा फाप्‍च्‍येते बातताङ मिडिक्‍च्‍येते बात लोप्‍कान्‍ते मि काल्‍बेई दुक। थेबेकी सुङगीङ बात मेङेन्‍दा खाला खालि छ्याःङ काम लै मिक्‍किच्‍येते बातओन लाप्‍ला येशूला विश्‍वास खित्‍कान्‍ते मिओनला छक्‍के खिओ। दोक खित्‍कान्‍तेबा काल्‍बा च्‍योक्‍ते जीउला खतकी चिनु जोकान्‍ते यहूदीराङ ईन।

तीतस 3:9

तर बात खाला नोमुङ डिक्‍पा मुथुप्‍च्‍येते छ्याःङ काम लै मिक्‍किच्‍येते थाङबो थाङबोमे वंशावली बातओन खित्‍च्‍येते थेमे परमेश्‍वर नियम बात खाला टेकाटेउरी खिन थोम्‍मु खित्‍च्‍येतेचेन नोमुङ माकेत। थोक्‍ते बात खाला डिक्‍च्‍येतेताङ सुइँदाला लेमु ओङच्‍येते सिराते नोमुङ छ्याःङ मेङगो।