१ तिमोथी 1:5 - जिरेल5 ङे खोल्ला होथे मिओनला दोक खि, थोक माकेत सिन कोत साबातेचेन थेबेकी ज्येनतेबाला ङिङज्ये खित्स्यीत सिनराङ ईन। थोक खाला ङिङज्ये खिताला थेबे सेम लेमु ओङा फाप्क्यो, दाक्पोनला ङे दोक खिता ठीक मेन सिराच्योक लाबाते काम छ्याःङ खिता मेङगो, थेमे खेकीकामा मेन्देकी येशू ख्रीष्टला पक्काराङ खाला विश्वास खिता फाप्क्यो। Faic an caibideil |
१ तिमोथी 1:5
43 Iomraidhean Croise
थोगी जे सोसीनोङ ओङगो सिरकान ख्योकोनगी थोक खिता मेङगो सिरकान्ते खेराङ आज्यो न्वाला थेबेकी सा मेङगो साबाते साप सोसीन ओङगो साला दुक्पा मातेर। दोक खासीन ख्योकोनगी थेबाला ङिङज्ये माक्याबाते ईन। ख्रीष्टचेन होथोक्ते मिओन लाईदुङ थे खोरोङ ज्यान बिन्गीन स्याप्ते ईन सिरच्येते बात ख्योकोनगी टोक माज्येत। साच्या थुङच्ये छ्य्वापेकी ख्योकोनगी थेबाला खोपरोङगी पा फोइता सिन साबाते काम खित च्युत्ला येशू ख्रीष्ट छ्य्वापेई ठाल माज्युत।
थेमे दि बात ङ्योकोन छ्याःङ ज्यीबा मिक्किता खाला सिरा थुप्क्यो। च्यि सासीन ज्येनगी दोन्दु ईन्स्यीत, ख्योकोन दोन्दु ईन्स्यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्योबा खाईन परमेश्वरगी खि साबा च्योकराङ खाईन लेमुते कामताङ साँचोते बातकामा खाबा ओत। ङेराङ स्येतताङ बुद्धिकी खित्सादु ङ्योकोनगी थोक खिता थुपाते मेन। परमेश्वर दयेकी खित्सादुराङ थोक खिता थुपाते ईन।
परमेश्वर आत्मेकी खित ज्युता चालाच्योक खित्कान्ते मिलाचेन थेकी फलफूल गोन ज्युताच्योक खाला लेमु कामताङ बात खित ज्युत्क्यो। थोगी थोक्ते मिकीचेन ज्येनला ङिङज्ये खिओ, थे गा खिन देत्क्यो थेमे सेमदु ढुक्क खाला देत्क्यो। थोक्ते मि होत्ताराङ स्येदाङ मिक्किओ, थेकी ज्येनला दया खिओ थेमे लेमु खिओ, थेकी खिओ साबा च्योकराङ खिओ,
फुज्युङ तिमोथी, ङे खोल्ला कोई कोई मिओनला चुक खि सिन कोत साबा ओताने ङे साकीन ज्याक्पा च्योकराङ खि। थेमे परमेश्वरगी सिर च्युताते बात खित्कान्ते मिओनगी गोमा खोरोङ विषयला साबाते बाततेबा टोक माज्येत। होथे बाततेबा सम्झे खाला खुई ङे खोरोङला खि साबाते काम लडाइँ खित्च्येते च्योकराङ दुक्पा ईन्सीनोङ लेमु खाला खिता थुप्क्यो।
थोगी खुईचेन स्यारातेबाला खिता सेम लाङच्येते दाक्पोन सेमला लाबा लाबाच्योक खित्च्येते मेलेबा काम सिराते नोमुङ माकेत। परमेश्वरगी खि साबा च्योकराङ खि, येशूला विश्वास खिन देत, ज्येनला ङिङज्ये खि थेमे ज्येनतेबाताङ डिक्ला थुन्ला देत। येशू ख्रीष्टला प्रभु सिन सिरकान्ते सेमला छ्याःङ पाप मेताते मिओनताङ खुई होदोककामा खिन देत।
सेमला मेलेबा मेताते मिओन लाईदु दि सा मेङगो, दि खिता मेङगो सिरच्येते रीतिथिति छ्याःङ मेन। थोक्ते मिओनगी होदोक्ते रीतिथिति माने माक्यासीनोङ पा मोफोगो। येशूला विश्वास मिक्किकान, सेमला पाप ओताते मिओनगीचेन दि सोसीन, दोक खासीन पा फोइओ सिरच्येते ईन्देकी थोक्ते मिओन लाईदु जेसुकै मेलेबाराङ ओङगो। खोपरोङ सेम लेमु मेतेकी खिता मेङच्येते काम खासीनोङ थेबाला छ्याःङ मेलेबा खाबाच्योक मालाङो।
बात दोक दोक ईन्देकी छ्याःङ शंका मिक्किता खाला परमेश्वरला विश्वास खिन सेमदु पाप सिराते छ्याःङ मोज्योबा खाला ङुरूङ थे दोन्दु ड्वा फाप्क्यो। च्यिला सासीन येशू ख्रीष्टकी खाबाते कामगी खित्सादु ङुरूङ पाप गाङे माफ ओङेकी था ईन्सीन ङे पाप पूरो खाईन माफ ओङसुङ सिन ङुरूङ ढुक्क खाला देता थुप्च्या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।
थोक खानामेईनी बिटुले खाबाते मि चोके खिओ सासीन ख्रीष्ट स्यिजीन थे जीउदुकी थेन्दाते ठागी खित्सादु था ईन्सीन मेलेबाते कामगी सजाय ङेत्ला ङा नरककुण्डमा स्यूक्पा माफाबो सिन ख्योकोन ढुक्क खाला देता थुप्क्यो। दोक ओङला ख्योकोनगी सोम्बोते परमेश्वरगी खि साबा साबाते खिन थेला माने खिता थुप्क्यो। च्यिला सासीन छ्याःङ गल्ती खाबा मेताते ख्रीष्ट परमेश्वर आत्मे शक्ति ङेत्कीन परमेश्वरला थे खोरोङ ज्यानराङ बिन्गीन स्या ओत।
ख्योकोनगी काम बात जे खित्जीनोङ हत्तेरिका ङे थोक खिता ओङच्या मेतान सिराच्योक लाङच्येते छ्याःङ माकेत। दोक्ते काम मिक्किता खाईन देत्सीन खेराङ ख्रीष्टकी मि ईन्गीन लेमु कामताङ बातकामा खाबा ओत्सीनोङ मेन्दा मेन्दे बात खाला खेराङला दोष लै खित्कान्ते मिओनगी खोपरोङगी ख्योकोन लेमु मि मेन साबाते बात ठीक मेन्दाक्वा सिन छ्या स्येला ङोचेकी खाराक्पा देत्क्यो।
थे भलदुकी थोक खाईन नूहताङ थे मिओन सोन्दाते बातचेन थरिङोला परमेश्वरगी मिला पापदुकी डेल्च्येते बप्तिस्मा तेरच्येते बातताङ डिइओ। चुक खाला सासीन छ्युला लुक्ला बप्तिस्मा तेरच्येते काम ठु खाला जीउकी ङेक्च्युक क्युरच्येते च्योक मेन। बप्तिस्मा लिन्कान्ते मिकीनी परमेश्वरगी ङाला पापदुकी टाल्ला ङे सेम लेमु जोरस्यीत सिन बप्तिस्मा लिन्च्येते ईन। परमेश्वरगी थोक्ते मिला पापदुकी डेल्च्येतेचेन येशू ख्रीष्ट सोम्बो लोक्पा ओतेकीराङ ईन।
Sanasan